शशिकान्त-सकुन्तला बर्मा टि–२० को सेमीफाइनल समीकरण पुरा

krishna karki


रुपन्देही क्रिकेट संघको आयोजनामा भैरहवास्थित सिद्धार्थ रंगशालामा जारी शशिकान्त–सकुन्तला बर्मा टि–२० क्रिकेट प्रतियोगितामा बुधबार भएको समूह ‘सि’ को पहिलो खेलमा एपेक्स क्रिकेट क्लब शंकरनगरलाई बुम एमसिसी भैरहवाले ५ विकेटले पराजित गर्दै सेमिफाइनलमा प्रवेस गरेको छ ।

एपेक्सबाट जितका लागि पाएको ५९ रनको सामान्य चुनौतीलाई पछ्याउने क्रममा एमसिसीले १५ ओभर २ बलमा लक्ष्य भेटाउँदै सेमिफाइनलमा स्थान सुरक्षित गर्यो । उसका लागि तुलाराम थापाले सर्वाधिक १६ रन बनाए भने आनन्द गौडले १४ रन बनाए । एपेक्सका रविन्द्र साहीले २ विकेट लिए ।

यसअघि टस जितेर ब्याटिङ गरेको एपेक्स एमसिसीका अगाडि धरासायी हुँदै १६ ओभर २ बलमा ५८ रन बनाई अलआउट भयो । उसका लागि रविन्दै शाहीले १३ रन बाहेक अन्य ब्याट्सम्यानले दोहोरो अंक बटुल्न सकेनन् । एमसिसीका तुलाराम थापा २ विकेट लिँदै खेलको म्यान अफ द म्याच घोषित भए ।

सोही मैदानमा सम्पन्न समूह ‘डि’ को अर्को खेलमा श्री शिवशक्ति क्रिकेट क्लब भैरहवाले प्रोफेसनल मास्टर्स ११ भैरहवालाई १० रनले पराजित गरेको छ । टस जितेर ब्याटिङ रोजेको शिवशक्तिले १९ ओभर ४ बलमा सबै विकेट गुमाउँदै १ सय २८ रनको योगफल बनाएको थियो । उसका लागि कृष्ण कार्कीले सर्वाधिक ३९ रन बनाए भने दीपचन शर्माले २१ रन बनाए । बलिङमा मास्टर्सका शरद रायले ४ तथा सिद्धान्तराज शाहीले २ विकेट लिए ।

जितका लागि १ सय २९ रनको लक्षयसहित मैदान छिरेको मास्टर्सले निर्धारित ओभरमा ७ विकेट गुमाउँदै १ सय १८ जोडेर १० रनको अन्तरले पराजित भयो । उसका लागि सिद्धान्तराज शाहीले ४२, बादल छन्त्यालले १८ र अनुपम सिंहले १७ रन बनाए । शिवशक्तिका विष्णु कटरियाले ३ र अख्तर हुसेनले २ विकेट लिए । खेलको म्यान अफ द म्याच शिवशक्तिका कृष्ण कार्की घोषित भएको रुपन्देही क्रिकेट संघका अध्यक्ष प्रशान्त विक्रम मल्लले जानकारी दिए ।

प्रतियोगिता अन्तर्गत बिहीबारदेखि सेमिफाइनलका खेल सुरु हुँदै छ । पहिलो खेल बुम एमसिसी भैरहवा र लुम्बिनी खुकुरी क्रिकेट क्लब बेलहिया तथा दोस्रो खेल वेष्टर्न क्रिकेट क्लब बुटवल र न्यू होराइजन क्रिकेट क्लब बुटवलबीच प्रतिस्पर्धा हुनेछ ।

प्रतियोगिताका विजेताले नगद रु. ५० हजार र ट्रफी, उपविजेताले नगद रु. २५ हजार र ट्रफी प्राप्त गर्नेछन् । उत्कृष्ट खेलाडीले नगद रु. १० हजार, बेष्ट ब्याट्सम्यान तथा बेष्ट बलरले नगद रु.५÷५ हजार प्राप्त गर्नेछन् भने प्रत्येक दिनको म्यान अफ द म्याचले रु. एक हजार प्राप्त गर्नेछन् । प्रतियोगिता चैत १२ गतेसम्म संचालन हुने छ ।
प्रतियोगितालाई अमेरिका निवासी विवेक बर्मा अन्सु बर्मा र अल्क बर्माले आफ्नो स्वर्गीय आमा÷बुवाको नाममा स्पोन्सर गरेका छन् । स्वर्गीय शशिकान्त बर्मा रुपन्देही जिल्लाको क्रिकेट खेलको विकासमा अम्पायर तथा खेलाडीको रुपमा योगदान पु¥याउने व्यक्तित्व मानिन्छन् भने स्वर्गीय सकुन्तला बर्मा रुपन्देही जिल्लाको महिला नेतृ थिइन् ।





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]