टिपीएल : सौरभ खनालले विस्फोटक ब्याटिंग गर्दा बुटवलको सेमीफाइनल यात्रा



  • विकेटनेपाल, मङ्सिर-६ 

तिलोत्तमा क्रिकेट बिकास समिति रुपन्देहीको आयोजनामा शनिबार देखि जारी तिलोत्तमा प्रिमियर लिग क्रिकेट अन्तर्गत सेमीफाइनल समीकरण पुरा भएको छ।

लिग चरणको खेल सकिंदा समुह ‘ए’ बाट सबै ३ खेलमा जित हात पार्दै शंकरगर र २ खेलमा जित र १ खेलमा हार बेहोर्दै लुम्बिनी कासाई सेमीफाइनल प्रवेश गरेको छ। यस्तै समुह ‘बि’ बाट नेट रन रेटको आधारमा मणिग्राम किंग्स पहिलो स्थानमा र बुटवल डाइनामाइट्स दोश्रो स्थानमा समान २/२ जित र १/१ हार सहित सेमीफाइनल प्रवेश गर्यो।

प्रतियोगिताको शुक्रबार हुने सेमीफाइनल खेलहरुमा रोयल शंकरनगर र बुटवल डाइनामाइट्स तथा दोश्रो सेमीफाइनलमा मणिग्राम किंग्स र लुम्बिनी कासाईले प्रतिस्पर्धा गर्नेछन्।

लुम्बिनी कासाईको जितमा सन्दिप सुनार उत्कृस्ट    

तिलोत्तमा नगरपालिका वडा नम्बर ६ स्थित नवजीवन क्लवको खेल मैदानमा सम्पन्न बिहिबारको पहिलो खेलमा रोयल शंकरनगरले लुम्बिनी कासाईलाई ७१ रनले पराजित गर्यो।

पहिले ब्याटिंग गर्दै शंकरनगरले २० ओभरमा ७ विकेट गुमाएर १८६ रनको योगफल तयार गर्यो। यु-१९ राष्ट्रिय क्रिकेटर समेत रहेका सन्दिप सुनारले ३३ बलमा ४ छक्का र ४ चौका मदतले ५४ रन बनाए। यस्तै राष्ट्रिय क्रिकेटर रोहित पौडेलले ३२ रन बनाउन २८ बलमा समान २/२ चौका-छक्का प्रहार गरे। सुशन भारिले २८ र नरेश चन्दले २४ रन बनाए।

लुम्बिनी कासाईको बलिङ्गमा भिम शार्कीले ३ विकेट ( ४-०-२३-३ ) लिए।

१८७ रनको बिशाल लक्ष्य पछ्याउने क्रममा लुम्बिनी कासाईले १६ ओभरमा सबै विकेट गुमाएर ११४ रनमा सबै विकेट गुमाउन पुग्यो।

शंकरनगरका बलर रोहित पौडेल, सन्दिप सुनार, राहुल चौहान र बिशाल भुसालले समान २ विकेट लिए। कासाईको लागि कुशल मल्लले ३८ र भिम शार्कीले ३० रन बनाए पनि जित नजिक पनि टिमलाई पुर्याउन सकेनन्।

सन्दिप सुनार खेलको प्लेयर अफ द म्याच चुनिए।

सौरभ खनालको विस्फोटक ब्याटिंगमा बुटवलको जित  

बिहिबारको दोश्रो खेलमा बुटवल डाइनामाइटले मणिग्राम किंग्सलाई २२ रनले पराजित गर्यो।

पहिले ब्याटिंग गर्दै बुटवलले २० ओभरमा ४ विकेट गुमाएर १५८ रन बनायो। उसको लागि कप्तान सौरभ खनालले विस्फोटक ब्याटिंग गर्दै २४ बलमा ५४ रन बनाए जुन क्रममा ६ छक्का र २ चौका प्रहार गरे। यस्तै हरि चौहानले २५, भुवन पाण्डे र देभ खनालले समान १९ रन योगदान दिए। लाल बहादुर अधिकारीले मणिग्रामको लागि २ विकेट लिए।

Saurav Khanal ( File Photo )

१५९ रनको लक्ष्य पछ्याउने क्रममा मणिग्रामले २० ओभर ब्याटिंग गरे पनि ८ विकेट गुमाएर १३५ रन मात्रै बनाउन सक्यो। कृष्ण कार्कीले सर्वाधिक ३९ तथा राहुल लोहारले २१ रन योगदान दिए भने बलिङ्गमा विकास श्रेष्ठ र सौरभ खनालले २/२ विकेट लिए।

सौरभ खनाल खेलको प्लेयर अफ द म्याच चुनिए।

प्रतियोगिताको बिजेताले नगद ३ लाख सहित ट्रफि, मेडल र प्रमाणपत्र प्राप्त गर्नेछन भने उपबिजेताले १ लाख ५० हजार सहित ट्रफि, मेडल र प्रमाणपत्र प्राप्त गर्नेछन्। नुसी वारियर्स, बुटवल डाइनामाइट, मणिग्राम किंग्स, रोयल च्यालेंजर्स भैरहवा, ज्ञानोदय गोल्ड्स, लुम्बिनी कसाई ग्ल्याडीएटर्स, रोयल शंकरनगर र एसआर एनएससीए टाइगर्स लिगमा सहभागी हुने टोलिहरु हुन्।

 





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]