खनालको कमाल दोहोरिंदा पश्चिमाञ्चलको जित

saurav khanal


  • विकेटनेपाल, १७ जेठ

सौरभ खनालले आफ्नो उत्कृस्ट लय दोहोर्याए पछि शरद भेसावकर कप्तानीको मध्यमाञ्चल विकास क्षेत्र टिमलाई पश्चिमाञ्चलले ९५ रनको भारि अन्तरले पराजित गरेको छ l ( स्कोरकार्ड )

टस हारेर टीयु मैदानमा ब्याटिंग गरेको पश्चिमाञ्चलले सौरभ खनालको ७८ रन मदतले पुरै ५० ओभर ब्याटिंग गर्दै ८ विकेट नोक्सानीमा २०२ रन बनायो l ८७ रनको स्कोरमा पहिलो ५ विकेट गुमाएपछि ब्याटिंग गर्न आएका सौरभले पुनः विस्फोटक ब्याटिंग प्रदर्शन गरे l

६ छक्का र ३ चौका प्रहार गरेका सौरभले मात्र ५८ बलको सामना गर्दै अन्तिम सम्म विकेटमा जमेका थिए l हिजो सम्पन्न खेलमा खनालले ९० रन बनाएका थिए जुन क्रममा एपीएफ बिरुद्ध उनले ११ छक्का र ३ चौका प्रहार गरेका थिए l

खनाल बाहेक पश्चिमाञ्चल कप्तान अन्तिम थापाले ३४ तथा ओपनर अनिल गुरुङले २८ रनको योगदान दिए l मध्यमाञ्चल बलर किशोर महतोले ३ तथा नन्दन यादबले २ विकेट हात पारे l

प्रतिउत्तरमा मध्यमाञ्चलले ४०.३ ओभरमा १०७ रनमै सम्पूर्ण विकेट गुमायो l ओपनर इशान पाण्डेको २४ रननै सर्बाधिक रन बन्दा शरद भेसावकर ( ७ ) , भुपेन्द्र थापा ( ६ ) , हरिशंकर शाह ( ३ ) , सुमित महर्जन ( १० ) , हसिम अन्सारी ( २ ) , सोनु तामांग ( १ ) विकेटमा जम्न सकेनन् l

देब्रेहाते स्पिनर लाल बहादुर अधिकारीले ३ विकेट हात पार्दा १० ओभरमा ३ मेडन ओभर सहित मात्र २१ रन खर्चिए l  यस्तै रोहित पौडेलले ३ विकेट लिंदा ४.३ ओभरमा १ मेडन ओभर सहित १० रन मात्र खर्चिए l बिपिन खत्रीले २ विकेट लिए l

खेलको म्यान अफ द म्याच सौरभ खनाल चुनिए l

समुह ‘ए’ को अंकतालिकामा २ खेलमा १ जित र १ हार सहित २ अंक बटुल्दै पश्चिमाञ्चल अग्रस्थानमा छ भने २ अंक सहित नेट रन रेटमा पछि पर्दै एपीएफ दोश्रो स्थानमा छ l मध्यमाञ्चल र मध्यपश्चिमाञ्चल दोश्रो र तेश्रो स्थानमा रहेको छ l

हेर्नुस अंकतालिका  , खेल तालिका 

 





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]