APF Vs Province-3 Live

माघ ५ गते देखि स्कुल क्रिकेट लिग

  • विकेटनेपाल, मङ्सिर-२७ 

माघ ५ देखि १९ गते सम्म स्कुल क्रिकेट लिग ( एससीएल ) प्रतियोगिता आयोजना हुने भएको छ।

स्पोर्ट्स सेन्टर र बनेपा क्रिकेट एकेडेमीले आयोजना गर्ने प्रतियोगिताको राजधानीमा बिहिबार पत्रकार सम्मेलन गर्दै आयोजकले घोषणा गरेको हो।

प्रतियोगितामा कुल १० टोलिले सहभागिता जनाउनेछन् भने खेलहरु पुल्चोक इञ्जिनियरिङ्ग मैदान पुल्चोकमा खेलाईनेछ। सहभागी टिमहरुलाई दुइ समुहमा बिभाजन गरिने छ र लिग कम नकआउटको आधारमा दुवै समुहबाट २/२ टिम सेमीफाइनल प्रवेश गर्नेछन्।

टि-२० फर्म्याटमा खेलाइने प्रतियोगिताको ब्राण्ड एम्बासडरको रुपमा राष्ट्रिय क्रिकेटर पृथु बास्कोटालाई घोषणा गरिएको छ।

प्रतियोगिताको विजेताले ७१ हजार रुपैयाँ र ट्रफी हात पार्नेछन् भने उपविजेताले २१ हजार र ट्रफी तथा प्रतियोगिताको उत्कृस्ट खेलाडीले क्रिकेट किट प्राप्त गर्नेछ। यस्तै उत्कृस्ट बलर/ब्याट्सम्यान तथा सफल टिमहरुलाई क्रिकेट ब्याट जुत्ता र गिफ्ट ह्याम्पर प्रदान गरिनेछ। प्रत्येक खेलको प्लेयर अफ द म्याचले जुत्ता र गिफ्ट ह्याम्पर प्राप्त गर्नेछन्।

लिग चरणको खेलहरु टि-२० फर्म्याटको भए पनि त्यसपछि सेमीफाइनल र फाइनल खेल भने २५ ओभरको खेलाइने आयोजकले बताएको छ।

Share This