रेकर्ड योगफल बनाउदा स्कटल्याण्डद्वारा नेदरल्याण्ड पराजित, एकै खेलमा बन्यो ४४६ रन



आयरल्याण्ड, नेदरल्याण्ड र स्कटल्याण्ड बीच आयरल्याण्डमा जारि त्रिकोणात्मक सिरिज अन्तर्गत दोश्रो खेलमा स्कटल्याण्डले नेदरल्याण्डलाई ५८ रनले पराजित गरेको छ।

डब्लिनमा सम्पन्न खेलमा टस हारेको स्कटल्याण्डले टि-२० अन्तर्राष्ट्रिय क्रिकेटकै पाँचौ सर्वाधिक योगफल बनाउने क्रममा २० ओभरमा ३ विकेट गुमाएर २५२ रन बनाएको थियो। लक्ष्य पछ्याउने क्रममा नेदरल्याण्डले २० ओभर ब्याटिंग गर्दै ७ विकेट गुमाएर १९४ रन बनाउन सक्यो।

लक्ष्य पछ्याउने क्रममा नेदरल्याण्डको लागि कप्तान पिटर सिलरले अविजित ४९ बलमा ९६ रन बनाए। उनले ९ चौका र ५ छक्का प्रहार गरे। एक समय ६२ रनमा ४ विकेट गुमाईसकेको अवस्थामा सिलरले आक्रामक इनिंग खेल्दै हारको अन्तर कम गरेका थिए। ५८ रनको जित रन अन्तरको आधारमा स्कटल्याण्डको दोश्रो ठुलो जित हो। यस अघि नेदरल्याण्डबिरुद्ध गत वर्ष स्कटल्याण्डले ११५ रनको जित दर्ता गरेको थियो।

जर्ज मुनसे र कायल कोट्जरको विस्फोटक ब्याटिंग

टस हारेर पहिले ब्याटिंग गर्ने क्रममा विस्फोटक सुरुवात गरेको स्कटल्याण्डको लागि ओपनर जर्ज मुनसे र कायल कोट्जरले १५.१ ओभरमा २०० रनको ओपनिंग साझेदारी गरेका थिए। टि-२० अन्तर्राष्ट्रियमा कुनै पनि विकेटको लागि यो तेश्रो ठुलो साझेदारी हो। यसै वर्ष अफगानिस्तानका ओपनर हज्रतुल्लाह जजि र उस्मान घामिले आयरल्याण्ड बिरुद्ध सर्वाधिक २३६ रनको साझेदारी गरेका थिए। यस्तै गत वर्ष जिम्बाबे बिरुद्ध अस्ट्रेलियन ओपनर आरोन फिन्च र डारसी सर्टले २२३ रनको दोश्रो ठुलो साझेदारी गरेका थिए।

मुनसेले अविजित १२७ रन बनाउदा ५६ बलमा १४ छक्का र ५ चौका प्रहार गरे भने कप्तान कोट्जरले ५० बलमा ११ चौका र ५ छक्का मदतले ८९ रन बनाए।

सिरिज अन्तर्गत तेश्रो टि-२० आयरल्याण्ड र स्कटल्याण्ड बीच मंगलबार खेलिनेछ।





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]