लगातार विकेटले दबाबमा स्कटल्याण्ड

Lalit Rajbanshi bowling


आईसीसी एकदिवसीय बिश्वकप छनौट प्रतियोगिता अन्तर्गत दोश्रो खेलमा नेपालले टस जितेर पहिले ब्याटिंग गर्दै १४९ रन बनाएपछि लक्ष्य पछ्याउने क्रममा स्कटल्याण्ड दबाबमा परेको छ।

निकै राम्रो सुरुवात गरेको स्कटल्याण्डले ३३ रनको योगफलमा ओपनर म्याथु क्रस ( १४ ) लाई सन्दिप लामिछानेको बलमा गुमाएपछि अर्का ओपनर केयल कोट्जर र कलुम म्याकलोयडले दोश्रो विकेटको लागि ३८ रन बनाएका थिए। योगफल ७१ रन पुगेको अवस्थामा १५ रन बनाएका म्याकलोयडलाई बसन्त रेग्मीले बोल्ड गरेपछि स्कटल्याण्डले लगातार विकेट गुमायो।

सन्दिपले दोश्रो विकेटको रुपमा लगत्तै ओभरमा रिची बेरिंगटनलाई ( १ रन ) एलबिडब्लुलाई पेभेलियन फर्काए भने त्यसपछि ललित राजबंशीले जर्ज मुन्सीलाई ( १० रन ) बोल्ड गर्दा स्कटल्याण्ड दबाबमा परेको हो।

यो समाचार तयार पार्दा स्कटल्याण्डले २६ ओभरमा ४ विकेट गुमाएर ९८ रन बनाएको छ। केयल कोट्जर ४५ रन ( ८० बल, ४ चौका र १ छक्का ) बनाएर तथा क्रेग वालेस ७ रन बनाएर ब्याटिंग गरिरहेका छन्।

स्कटल्याण्डलाई जितको २४ ओभरमा लागि थप ५२ रन आवस्यक रहेको छ।

नेपालको बलिंग – 

बसन्त रेग्मी – ७-१-२१-१
सोमपाल कामि – ४-०-१९-०
ललित राजवंशी – ७-०-२९-१
सन्दिप लामिछाने – ८-२-२९-२

नेपालको ब्याटिंग 

नेपालले टस जितेर पहिले ब्याटिंग गर्दै ४७.४ ओभरमा सबै विकेट गुमाएर १४९ रन बनाएको छ।

अत्यन्त खराब सुरुवात गर्नेक्रममा नेपालले ओपनर ज्ञानेन्द्र मल्ल ( १ ) र दिलिप नाथ ( ४ ), दिपेन्द्र ऐरी ( १ ) , शरद भेसावकर ( ० ) तथा आरिफ शेख ( २ ) लाई चाडैनै गुमाउन पुग्यो। माथिल्लो क्रमका ५ ब्याट्सम्यानहरु लगातार आउट हुँदा आठौं ओभरमा नेपाल स्कोर मात्र ३९ रन थियो।

पाँचौं विकेट गुमेपछि पारसले सोमपाल कामिसंग छैठौं विकेटको लागि ४२ रनको साझेदारी गरेका थिए। सोमपाल २५ औ ओभरमा टिमको योगफल ८१ रन हुँदा व्यक्तिगत १८ रनमा रन आउट हुनपुगे। सोमपालको विकेट पछि पारसले रोहित पौडेलसंग १९ रनको साझेदारी गरे।

Paras Khadka Half century
Paras Khadka Half century

लिस्ट ‘ए’ क्रिकेटमा सातौँ अर्धशतक पुरा गरेपछि पारस २९ औं ओभरको पहिलो बलमा क्याच आउट हुन पुग्दा नेपालको स्कोर १००/७ पुग्यो। लिस्ट ‘ए’ क्रिकेटमा हजार रन पुरा गर्ने पहिलो नेपाली ब्याट्सम्यान समेत बनेका पारसले ६३ रन बनाउन ७५ बलमा १० चौका प्रहार गरे।

पारस आउट भएपछि रोहितले बसन्त रेग्मीसंग आठौँ विकेटको लागि १७ रनको साझेदारी गरे। १५ रन ( ४० बल ) बनाएका रोहितले पनि ठुलो योगदान दिन नसक्दा बसन्त रेग्मी भने क्रिजमा डटिरहे। सन्दिप लामिछाने ६ रन बनाएर आउट भने भए अन्तिम विकेटको रुपमा ललित राजवंशी ४ रन बनाएर आउट भए।

बसन्त रेग्मी २४ रन बनाएर अविजित रहंदा ५१ बलको सामना गर्दै १ चौका प्रहार गरे।

स्कटल्याण्ड बलर स्टुवार्ट व्हिटिंगघमले ३ विकेट लिने क्रममा दिलिप नाथ, दिपेन्द्र ऐरी र शरद भेसावकरलाई पेभेलियन पठाए । यस्तै सफ्यान शरिफ र एलेस्डर इभान्सले २/२ विकेट हात पारे भने रिची बेरिंगटनले र टीबी सोलले समान १/१ विकेट लिए।





थप समाचार

कुशल र आसिफले कीर्तिमानी साझेदारी गर्दा नेपालको शानदार जित

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ। टियु […]

नेदरल्याण्डद्वारा नेपाललाई मध्यम लक्ष्य

नेपाल, नेदरल्याण्ड र मलेसिया बीच त्रिकोणात्मक टि-ट्वान्टी सिरिज सुरु भएको छ। सिरिज अन्तर्गत पहिलो खेलमा नेदरल्याण्ड र नेपाल प्रतिस्पर्धा गर्दैछन्। टियु […]

ट्राइ सिरिज : नेपालले पहिले फिल्डिंग रोज्यो, आसिफ र शाहबले डेब्यु गर्दै

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत उद्घाटन खेलमा शनिवार नेपाल र नेदरल्याण्ड प्रतिस्पर्धा गर्दैछन्। खेल टियु अन्तर्राष्ट्रिय […]

ट्राई सिरिज : नेपाल र नेदरल्याण्ड आज खेल्दै , कस्तो होला नेपालको अन्तिम-११

नेपाली भूमिमा पहिलो पटक त्रिकोणात्मक टि-ट्वान्टी अन्तर्राष्ट्रिय सिरिजको आयोजना शनिवार देखि सुरु हुँदैछ। नेपालले घरेलु भूमिमा नेदरल्याण्ड र मलेसियासंग टि-ट्वान्टी […]

IPL : चेन्नाईद्वारा पन्जाब ६ विकेटले पराजित

पन्जाब किंग्सलाई ६  विकेटले पराजित गर्दै चेन्नाई सुपर किंग्सले आईपीएल १४ मा पहिलो जित दर्ता गएको छ। पछिल्लो खेलमा चेन्नाई […]

दक्षिण अफ्रीका ३ विकेटले पराजित, पाकिस्तानले जित्यो सिरिज

दक्षिण अफ्रीकालाई रोमान्चक प्रतिस्पर्धामा ३ विकेटले पराजित गर्दै पाकिस्तानले घरेलु टोलि दक्षिण अफ्रीका बिरुद्धको चार वटा टि-२० को सिरिज ३-१ […]