ICCWCL2 : स्कटल्याण्डद्वारा ओमान पराजित, यस्तो छ अंकतालिकाको अवस्था



ओमानमा जारी आईसीसी विश्व कप लिग-२ अन्तर्गतको आयोजक ओमान, स्कटल्याण्ड र पपुवा न्यु गिनी सम्मिलित त्रिकोणात्मक एकदिवसीय अन्तर्राष्ट्रिय सिरिजको तेश्रो खेलमा स्कटल्याण्डले ओमानलाई पराजित गरेको छ। जारि सिरिजमा स्कटल्याण्डको यो दोश्रो जित हो। उसले पहिलो खेलमा पपुवा न्यु गिनीलाई ६ विकेटले पराजित गरेको थियो। पहिलो खेलमा ओमानले पपुवा न्यु गिनीलाई ११० रनले पराजित गरेको थियो।

अल अमिरात मैदानमा सम्पन्न खेलमा स्कटल्याण्डले दिएको २७४ रनको लक्ष्य पछ्याउने क्रममा ओमानले पुरै ५० ओभर ब्याटिंग गरेता पनि ९ विकेट क्षेतीमा २५५ रन मात्र बनाउन सक्यो। ओमानको लागि जतिन्दर सिंहले सर्वाधिक ६४ रन तथा सन्दिप गौडले अविजित ५४ रन बनाए भने अकिब इल्यासले ३३ , नसिम खुसिले २७ तथा कलेमुल्लाहले २० रन योगदान दिए।

ओपनर कस्यप प्रजापति खाता नखोली आउट भएपछि दोश्रो विकेटको लागि जतिन्दर र इल्यासले १०१ रनको साझेदारी गरेता पनि त्यसपछि ओमानले लगातार विकेट गुमाउन पुगेको थियो। फलस्वरुप १०२/१ को अवस्थाबाट उसले १५५ रनमा ७ विकेट गुमाउन पुग्यो। त्यसपछि सन्दिप गौडले नसिम खुसिसंग ५४ तथा कालेमुल्ल्लाहसंग ३४ रनको साझेदारी गरेता पनि जितको लागि पर्याप्त रहेन।

स्कटल्याण्डको बलिंगमा क्रिस सोलले सर्वाधिक ३ विकेट ( ९-१-७९-३ ) तथा मार्क वाट, सफ्यान सरिफ, हम्जा ताहिर, माइकल लिस्क र कलुम म्याकलोएडले समान १ विकेट लिए।

यस अघि टस जितेर ब्याटिंग रोजेको स्कटल्याण्डले ५० ओभरमा ६ विकेट क्षेतीमा २७३ रन बनाएको थियो। उसको लागि रिची बेरिंगटनले सर्वाधिक ९७ रन बनाए जुन क्रममा ८७ बलमा ५ चौका र ५ छक्का प्रहार गरे। यस्तै कप्तान कायल कोट्जरले ६०, डाईलन बजले ३२ तथा म्याथु क्रस र जर्ज मुनसेले समान २५ रन बनाए। बेरिंगटनले चौथों विकेटको लागि मुनसेसंग ५६ रनको तथा बजसंग ९८ रनको साझेदारी गरे। शतक बनाउन ३ रनले चुक्ने क्रममा उनि अतिम ओभरको पाँचौ बलमा रन आउट हुन पुगेका थिए।

ओमानको बलिंगमा कप्तान जिशान मक्सुद, कलेमुल्लाह , आयान खान र खवर अलिले समान १ विकेट लिए।

जितपछि आईसीसी विश्वकप लिग-२ अंकतालिकामा १३ अंक सहित तेश्रो स्थानमा रहेको स्कटल्याण्डको १० खेलमा ६ जित, ३ हार तथा १ खेल नतिजाविहिन रहेको थियो। हार पछि पनि १६ खेलमा १२ जित र ४ हार बेहोरेको ओमान २४ अंक सहित शिर्ष स्थानमा रहेको छ। १६ खेलमा १४ अंक सहित अमेरिका दोश्रो तथा ८ खेलमा ८ जित बेहोरेको नेपाल चौंथो स्थानमा छ।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]