Nepal U-19 Vs Andhra U19 States
Live Score +
Home - यु-१९ रास्ट्रिय क्रिकेट टिम - २ यु-१९ राष्ट्रिय क्रिकेटरलाई बिरेन्द्र सेहवाग एकेडेमीमा प्रशिक्षणको अवसर

यु-१९ रास्ट्रिय क्रिकेट टिम

२ यु-१९ राष्ट्रिय क्रिकेटरलाई बिरेन्द्र सेहवाग एकेडेमीमा प्रशिक्षणको अवसर

Wicketnepal Staff
Editor
  • 2.5K
  •  
  •  
  •  
  •  
  •  
    2.5K
    Shares

  • विकेटनेपाल, पौष-३ , मंगलबार 

नेपाली यु-१९ राष्ट्रिय क्रिकेट टिमका २ सहित ३ जना खेलाडीहरुलाई सुशील कोइराला मेमोरिअल फाउन्डेसनले भारतको दिल्ली स्थित विरेन्द्र सेहवागद्वारा स्थापित सहवाग क्रिकेट एकेडेमीमा छात्रवृतिमा प्रशिक्षणको अवसर जुराएको छ।

मंगलबार पत्रकार सम्मेलन गर्दै फाउन्डेसनले अन्डर-१९ र अन्डर-१६ राष्ट्रिय टिमको प्रतिनिधित्व गरिसकेका रित गौतम र तृत राज दास तथा भुपेन्द्र कुमार उप्रेतीलाई पठाउने जानकारी गराएको हो। रित र तृत अक्टोबरमा बंगलादेशमा सम्पन्न यु-१९ युथ एसिया कपमा टिमको सदस्य थिए भने भुपेन्द्र कुमार उप्रेतीलाई प्रतिभाको आधारमा छनौट गरिएको हो।

३ जना खेलाडीले १ महिना सहवाग एकेडेमीमा प्रशिक्षण गर्ने छन् जसको सम्पूर्ण खर्च सुशील कोइराला मेमोरियल फाउन्डेसनले व्यहोर्ने छ।  छात्रवृतिलाई ‘एस.के.एम.एफ. क्रिकेट स्कलरसिप’ नाम दिईएको छ। खेलाडीहरु पौष ५ गते दिल्ली प्रस्थान गर्नेछन्।

Trit Raj Das, Rit Gautam , Bhupendra Kumar Uprety
Trit Raj Das, Rit Gautam , Bhupendra Kumar Uprety

फाउन्डेसनले गरेको पत्रकार सम्मेलनमा बोल्दै यु-१९ राष्ट्रिय क्रिकेटका प्रशिक्षक बिनोद दासले दुई यु-१९ खेलाडीलाई आगामी बर्ष हुने यु-१९ एसिया कप छनौट प्रतियोगितालाई मध्येनजर गर्दै छनौट गरिएको बताए। यु-१९ बिश्व कप छनौट अप्रिलमा अप्रिलमा आयोजना हुँदैछ।

यस्तै अर्का खेलाडी भुपेन्द्र उप्रेतीको प्रतिभा हेरी सकेपछि उनको आर्थिक अवस्था समेत कमजोर हुँदा छनौट गरिएको फाउन्डेसनका सदस्य सचिब अतुल कोइरालाले जानकारी गराउनु भयो।

यु-१६ राष्ट्रिय क्रिकेट टिमका कप्तान रहीसकेका रित गौतमले आफुले यसलाई ठुलो अवसर बताए “हामिलाई थाहा छ भारत कति ठुलो क्रिकेटको देश हो, यो हाम्रो लागि ठुलो अवसर हो, आशा छ १ महिनामा हामीले धेरै सुधार गर्नेछौ”

फाउन्डेसनले हरेक बर्ष यसरीनै युवा प्रतिभाहरुलाई छात्रवृति प्रदान गर्ने समेत बताएको छ-

“क्रिकेटको मध्यमबाटै सपना बुन् थालेका नेपाली बालबालिका तथा युवाहरुलाई धानमा राख्दै तथा नेपालमा उचित व्यवसायिक वातारारणको कमिलाइ मध्येनजर गर्दै, युवाहरुले उत्कृस्ट विश्वस्तरीय प्रशिक्षण पाउन भन्ने उद्देश्यले फाउन्डेसनले हरेक बर्ष तिन किशोर खेलाडीलाई प्रशिक्षणका लागि सहवाग एकेडेमीमा पठाउने निर्णय गरेको कुरा जानकारी गरौँ पाउँदा खुसि महसुस गर्दछौ। ”  फाउन्डेसन सदस्य सचिब कोइरालाले बताए।


  • 2.5K
  •  
  •  
  •  
  •  
  •  
    2.5K
    Shares