सेहवागलाई चित्त बुझेन पन्तको कप्तानी , यसकारण दिए १० मा ३ अंक



भारतीय पूर्व ओपनिंग ब्याट्सम्यान विरेन्द्र सेहवागले रोयल च्यालेन्जर्स बैंगलोरसंग १ रनको हार पछि दिल्ली क्यापिटल्सका कप्तान रिशभ पन्तको कप्तानी माथि टिप्पणी गरेका छन्। मंगलबार राति सम्पन्न खेलमा शिमरन हेटमायर र रिशभ पन्तको अर्धशतकका बाबजुद दिल्ली १७२ रनको लक्ष्य पछ्याउन झिनो अन्तरले चुकेको थियो।

आईपीएल १४ का सबैभन्दा युवा कप्तान पन्तको कप्तानीको आलोचना गर्दै सेहवागले पन्तलाई १० मा ५ अंक पनि दिन नसक्ने बताएका हुन्। पन्तले आफ्नो मुख्य बलरहरु राम्रोसंग प्रयोग गर्न नजानेको समेत बताए।

“म उनको कप्तानीलाई १० मा ५ अंक पनि दिन सक्दिन किनकि तपाईले त्यस्तो गल्तिहरु गर्न सक्नुहुन्न। यदी तपाईको मुख्य बलर बलिंग गरिरहेका छैनन् भने तपाईको हिसाबकिताब गलत हो , कप्तानी भनेकै त्यही हो। तपाईले त्यसको ख्याल राख्नु पर्छ। एउटा कप्तानले परिस्थिति अनुसार आफ्नो बलरहरुको व्यवस्थापन गर्नुपर्छ।”

“तपाईले त्यो कुरा सिक्नु पर्छ। अथवा जसलाई चाहनुहुन्छ त्यसलाई बल दिनु हुन्छ। एउटा कप्तानको क्षमता कसरि उसले खेललाई परिवर्तन गर्छ भन्ने कुराले गर्छ। उनले बलिंग र फिल्डिंग परिवर्तन परिस्थिति अनुसार गर्नुपर्छ।” सेहवागले क्रिक्बजसंग कुराकानीमा बताए।

खेलमा पन्तले अन्तिम ओभरमा बलरको बिकल्प नहुँदा मार्कस स्टोइनिसलाई बलिंग दिएका थिए जसले एकै ओभरमा २३ रन खर्चेका थिए। कागीसो रबाडाको ओभर पन्तले १८ औं ओभरमा सकीसकेका थिए भने अमित मिश्रालाई ३ ओभर मात्र बलिंग गर्न दिएका थिए।

बैंगलोरले दिल्लीलाई १ रनले पराजित गरेको थियो

सेहवागका अनुसार एउटा चलाख कप्तान हुनको लागि पन्तले चलाख क्रिकेट खेल्नु पर्नेछ-

“त्यसैले यदी रिशभ पन्त राम्रो कप्तान हुन चाहन्छन् भने उनले यस्ता साना कुराहरुलाई पनि दिमागमा राख्नुपर्छ। चलाख क्रिकेट खेल्नुस् अनि बल्ल तपाई चलाख कप्तान बन्न सक्नुहुन्छ।” उनले थपे।

पूर्व भारतीय ओपनरले पन्तको कप्तानीलाई १० मा ३ अंक मात्र दिए।

अर्का भारतीय पूर्व क्रिकेटर फास्ट बलर आशिष नेहराले पनि दिल्लीको कमजोर योजना हारको कारण बताए भने मध्यम ओभरमा पन्तको सुस्त ब्याटिंगलाई पनि दोष दिए।

अर्धशतक प्रहार गरेता पनि पन्तले ५८ रन बनाउन ४८ बल खेलेका थिए भने अर्कोतर्फ हेटमायरले मात्र २५ बलमा ५३ रन बनाएका थिए। दुवै ब्याट्सम्यान अविजित रहेता पनि टिमलाई जितको रेखा भने पार गर्न सकेनन्।

“जसरि रिशभ पन्तले बीचको ओभरमा ब्याटिंग गरे र डेथ ओभरक दौरान उनले केहि रन गुमाए, त्यो कमजोर रणनीतिको थियो। यदी शिमरन हेटमायरले विकेट चाडै गुमाएको भए दिल्लीले २५ रनले खेल हार्थ्यो।”

“तपाईको २ जना जमेका ब्याट्सम्यान अविजित छन् र तपाईले खेल १ रनले हार्नुहुन्छ, त्यसको मतलब कमजोर योजना हो। यो फर्म्याटमा यस्तो हुनु हुँदैन।” नेहराले थपे।

हार पछि दिल्ली लिग अंकतालिकामा ६ खेलमा ४ जित र २ बेहोर्दै ८ अंक सहित तेश्रो स्थानमा रहेको छ। समान अंक रहेको चेन्नाई नेट रन रेटमा अघि रहँदै दोश्रो स्थानमा छ। बैंगलोर १० अंक सहित पहिलो स्थानमा पुगेको छ। दिल्लीले आगामी खेल कोलकाता नाइट राइडर्ससंग अप्रिल २९ तारिख बिहिबार खेल्ने तालिका रहेको छ।

यो नि पढ्नुस 

IPL : १ रनले दिल्लीलाई पराजित गर्दै बैंगलोर शिर्ष स्थानमा

“पक्कै पनि फेरी आईपीएल खेल्न चाहन्छु” सन्दिप लामिछाने

सेहवाग र ओझाले औल्याए पन्जाबको असफलताको कारण





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]