राजबिराज वडा स्तरीय क्रिकेटको फाइनलमा वडा नं. ३ र ४ भिडने



१८ बैशाख, राजबिराज ।
राजबिराज नगरपालिका वडा नं. ५ को सहयोग तथा लायन्स क्रिकेट एकेडेमीको आयोजनामा संचालित दोश्रो वडा स्तरीय क्रिकेट प्रतियोगिता अन्र्तगतको सेमिफाईनलमा वडा नं. ३ ले वडा नं. ९ लाई ७ बिकेटले तथा वडा नं.४ ले वडा नं. ५ लाई ८ बिकेटले पराजित गर्दै फाईनलको लागि आफनो स्थान पक्का गरेको छ ।

सेमिफिाईनल अन्र्तगत बुधवार सम्पन्न पहिलो खेलमा वडा नं. ९ ले टसजिती पहिलो ब्याटिंग गर्ने निर्णय गरेपछि ब्याटिंग गर्न ओर्लेको वडा नं. ९ का ब्याट्सम्यान वडा नं. ३ का बलरहरु सामु निरिह हुदै १ सय रनमा समेटिएको थियो । वडा नं. ९ का तर्फबाट ईकबाल डिएस ४२ तथा सुमित यादव १५ बाहेक कसैले दोहोरो अंक छुन सकेका थिएन । बलिंग तर्फ वडा नं. ३ का रोहित सिंह ३, रोबिन सिंह र निरज यादवले सामान २ तथा बिकास दास र राज रोयले सामान १ बिकेट लिएका थिए ।

१ सय १ रनको लक्ष्य लिई मैदानमा ओर्लेको वडा नं. ३ ले उक्त लक्ष्य ९ ओभर ५ बलमा ३ बिकेटको नोक्सानीमा भेटाएका थिए । वडा नं. ३ का लागि प्रशान्त दासले नट आउट रहि ४६, अमित यादव ४४ तथा निरज यादवले नटआउट रहि २३ रनको योगदान दिएका थिए । बलिंग तर्फ वडा नं. ९ का राहुल गुप्ता, बिजय दास र ईक्बाल डिसिले सामान १ बिकेट लिएका थिए । खेलको म्यान अफ द म्याच वडा नं. ३ का रोहित सिंह घोषित भएका थिए ।

बुधवार नै सम्पन्न एक अर्को सेमिफाईनलमा वडा नं. ५ ले टसजिती पहिलो ब्याटिंग गर्ने निर्णय गर्दै निर्धारित २० ओभरको खेलमा ५ बिकेटको नोक्सानीमा १ सय ४३ रनको योगफल तयार पारेका थिए । वडा नं. ५ का लागि पवन दासले उत्कृष्ट ब्याटिंग गर्दै ३९ बलमा ६ चौक्का र २ छक्काको मद्धतले ५६ तथा बिवेक यादव ३६ र नितेश यादव २७ रनको योगदान दिएका थिए । बलिंग तर्फ वडा नं. ४ का तर्फबाट रेवति रायले २ तथा महवुव आलम र प्रशान्त सिंहले सामान १ बिकेट लिएका थिए ।
१ सय ४४ रनको लक्ष्य लिई मैदानमा ओर्लेको वडा नं. ४ले रोशन साहको बिष्फोटक ब्याटिंगको मद्धतले सजिलै १६ ओभर ५ बलमा २ बिकेटको नोक्सानीमा भेटाएका थिए । रोशनले ४६ बलमा ७ चौक्का र २ छक्काको मद्धतले नटआउट रहि ६२ रनको योगदान दिएका थिए । त्यसै गरि किर्तिमानी खेलाडि महवुव आलमले १५ बलमा ३ चौक्का र ४ छक्काको मद्धतले ४० रनको योगदान दिएका थिए भने राहुल मण्डल र अनिल यादवले सामान २२ रनको योगदान दिएका थिए । बलिंग तर्फ वडा नं. ५ का तर्फबाट मुन्ना साहले १ बिकेट लिएका थिए । खेलको म्यान अफ द म्याच उत्कृष्ट ब्याटिंग गरे वापत वडा नं. ४ का रोशन साह घोषित भएका थिए ।





थप समाचार

सन्दिप, अनिल र सौरभ चम्किदा लुम्बिनीको विजयी सुरुवात

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिनको समुह ‘बि’ अन्तर्गतको खेलमा लुम्बिनी प्रदेशले विजयी सुरुवात गर्ने क्रममा प्रदेश-२ लाई […]

कर्णाली प्रदेशको ऐतिहासिक जित

प्रधानमन्त्री कप एकदिवसीय राष्ट्रिय प्रतियोगितामा गण्डकी प्रदेशलाई पराजित गर्दै कर्णाली प्रदेशले ऐतिहासिक जित दर्ता गरेको छ। घरेलु राष्ट्रिय प्रतियोगितामा कर्णाली […]

सन्दिप र सौरभ चम्किदा लुम्बिनीद्वारा प्रदेश-२ लाई चुनौतीपूर्ण लक्ष्य

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिन टियु मैदान कीर्तिपुरमा समुह ‘बि’ अन्तर्गत खेलमा लुम्बिनी प्रदेश र प्रदेश-२ प्रतिस्पर्धा […]

गण्डकीद्वारा कर्णालीलाई २०५ रनको लक्ष्य

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत मुलपानी मैदानमा जारि समुह ‘ए’ अन्तर्गतको खेलमा गण्डकी प्रदेश र कर्णाली प्रदेश […]

प्रम कपमा आज दुई खेल हुँदै

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिन मंगलबार दुईवटा खेलहरु हुनेछन्। टियु मैदानमा लुम्बिनी प्रदेश र प्रदेश-२ […]

बिग ब्यास : थंडरलाई हराउँदै हरिकेन्सको अंकतालिकामा छलांग

अष्ट्रेलियामा जारि बिग ब्यास लिग अन्तर्गत सोमबार सम्पन्न ४३ औं खेलमा कलम फर्गुसन कप्तानीको सिड्नी थंडरलाई ६ विकेटले हराउँदै नेपाली […]