शाह आलमको हयाट-ट्रिकमा खुकुरीको जित

shah alam


  • विकेटनेपाल भैरहवा, ४ चैत ।

रुपन्देही क्रिकेट संघको आयोजनामा भैरहवास्थित सिद्धार्थ रंगशालामा जारी जिल्लास्तरीय शशिकान्त–सकुन्तला बर्मा टि–२० क्रिकेट प्रतियोगितामा शुक्रबार भएको समूह ‘ए’को पहिलो खेलमा लुम्बिनी खुकुरी क्रिकेट क्लब भैरहवाले बुद्ध क्रिकेट क्लब भैरहवालाई १ सय ९ रनले हराउँदै विजयी भएको छ ।

टस जितेर पहिला ब्याटिङ गरेको लुम्बिनी खुकुरीले र्निधारित २० ओभरको खेलमा ७ विकेट गुमाएर १ सय ५९ रन बनाएको थियो । जसमा कप्तान अन्तिम थापाले ६५ र शंकर रानाले २५ रनको योगदान दिए । बलिङमा बुद्धका लागि सन्दीप साहनीले ३ विकेट लिएका थिए ।

प्रतिउत्तरमा मैदान छिरेको बुद्धले १६ दशमलब १ ओभरमा सबै विकेट गुमाउँदै ५० रनमा अलआउट भई हार बेहोर्यो । जसमा दिपेश झाले १७ रन बनाए पनि अन्य ब्याट्सम्यान नचल्दा टिम धरासायी बन्यो । बुद्धलाई सस्तैमा समेट्ने क्रममा लुम्बिनी खुकुरीका साह आलमले ह्याट्रिक गर्दै ५ विकेट लिएका थिए । आलम म्यान अफ द म्याच समेत घोषित भए l

Shah Alam
Shah Alam

त्यस्तै शुक्रबारै भएको समूह ‘बी’ को पहिलो खेलमा वेगटर्न क्रिकेट क्लब बुटवलले ज्ञानोदय क्रिकेट क्लब करहियालाई ८ विकेटले हराउँदै विजयी हासिल गर्यो । टस जितेर पहिला ब्याटिङ गरेको ज्ञानोदयले १९ दशमलब ५ ओभरमा सबै विकेट गुमाउँदै १ सय १२ रन बनाएको थियो । जसमा लक्ष्मण खत्रीले ३० र निशान्त शर्माले २२ रन बनाए । वेष्टर्नका लागि शौरभ खनालले २ विकेट लिए ।

जवाफी ब्याटिङमा मैदान छिरेको वेष्टर्नले १४ दशमलब ३ ओभरमा २ विकेटको क्षतिमा १ सय १३ रन बनाई सहजै जित निकाल्यो । जसमा खेलको म्यान आफ द म्याच समेत रहेका शौरभ खनालले नटआउट ८४ र सन्दीप सुनारले १७ रन बनाए ।

शनिबारको पहिलो खेल समूह ‘सी’ अन्तर्गत रहेका एपेक्स क्रिकेट क्लब शंकरनगर र देवदह क्रिकेट युनिट देवदहबीच हुनेछ भने दोस्रो खेल समूह ‘डि’ मा रहेका श्री शिवशक्ति क्रिकेट क्लब भैरहवा र न्यू होराइजन क्रिकेट क्लब बुटवलबीच हुनेछ।

प्रतियोगिताका विजेताले नगद रु. ५० हजार र ट्रफी, उपविजेताले नगद रु. २५ हजार र ट्रफी प्राप्त गर्नेछन् । त्यस्तै उत्कृष्ट खेलाडीले नगद रु. १० हजार, बेष्ट ब्याट्सम्यान तथा बेष्ट बलरले नगद रु.५÷५ हजार प्राप्त गर्नेछन् । प्रतियोगिता चैत १२ गतेसम्म संचालन हुने छ ।

प्रतियोगितालाई अमेरिका निवासी विवेक बर्माले आफ्नो स्वर्गीय आमा÷बुवाको नाममा स्पोन्सर गरेका छन् । स्वर्गीय शशिकान्त बर्मा रुपन्देही जिल्लाको क्रिकेट खेलको विकासमा अम्पायर तथा खेलाडीको रुपमा योगदान पु¥याउने व्यक्तित्व मानिन्छन् भने स्वर्गीय सकुन्तला बर्मा रुपन्देही जिल्लाको महिला नेतृ थिइन् ।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]