आलमको प्रदर्शनमा लुम्बिनी खुकुरी क्लब सेमीफाइनलमा

shah alam


  • विकेटनेपाल, भैरहवा, २७ माघ ।

रुपन्देही भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग अन्तर्गत बिहीबार भएको समूह ‘ए’ को अन्तिम खेलमा देवदह क्रिकेट युनिट ‘देवदह’लाई ८ विकेटले हराउँदै लुम्बिनी खुकुरी क्रिकेट क्लब बेलहिया विजयी भएको छ।

जितसँगै लुम्बिनी खुकुरी सेमिफाइनलमा प्रवेश गरेको छ भने देवदह अर्को वर्षका लागि रेलिगेशन बचाउँदै डिभिजन ‘ए’ मै कायम रहेको छ l समुह ‘ए’ बाट शंकरनगर यसअघिनै रेलिगेशनमा पर्दै डिभिजन ‘बी’मा घटुवा भइसकेको छ l

खराब मौसमका कारण ४० ओभरबाट ३५ ओभरमा झारी खेलाइएको खेलमा टस जितेर पहिला ब्याटिङ गरेको देवदहले २८.३ ओभरमा सबै विकेट गुमाउँदै जम्मा ९६ रनको योगफल तयार गरेको थियो। देवदहलाई सस्तैमा समेट्ने क्रममा लुम्बिनी खुकुरीका शाह आलमले ४, इकलाल अहम्मदले २ विकेट लिए । देवदहका लागि सुमनराज पाण्डे ३०, रोशन गौतम र प्रवित पाण्डेले समान १८/१८ रनको योगदान दिए पनि अन्य ब्याट्सम्यानले भने दोहोरो अंक जोड्न सकेनन् ।

प्रतिउत्तरमा सामान्य लक्ष्य पाएको लुम्बिनी खुकुरीले १६.१ ओभरमा एक विकेटको क्षतिमा ९७ रन बनाउँदै विजयी हासिल गर्यो । जसमा यस अघिको खेलमा ८० रन प्रहार गरेका हालै यु–१९ विश्वकप खेलेका शंकर रानाले नटआउट ५१, विजय सुनारले नटआउन २३ र कप्तान अन्तिम थापाले १४ रन बनाए । बलिङमा देवदहका लागि सरगम चौधरीले एक विकेट लिएका थिए ।

खुकुरीका शाह आलम म्यान अफ द म्याच घोषित भए ।

प्रतियोगिता अन्तरगत २८ गते शुक्रबार समुह बीको अन्तिम खेलमा प्रोफेसनल मास्टर्स–११ भैरहवा र एपेक्स क्रिकेट क्लब शंकरनगरबीच प्रतिस्पर्धा हुनेछ । रुपन्देही क्रिकेट संघको आयोजना, नेपाल टेलिकमको प्रमुख प्रायोजन र बुम रेमिटको सहप्रायोजनमा जारी प्रतियोगिता फागुन ४ गतेसम्म संचालन हुने छ । प्रतियोगिताका बिजेताले ५० हजार, उपबिजेताले २५ हजार, उत्कृस्ट खेलाडीले १० हजार, उत्कृस्ट बलर र उत्कृस्ट ब्याट्सम्यान दुबैले ५÷५ हजार नगद पुरस्कार पाउने छन् ।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]