फाइनलमा शाहब आलमले ५ विकेट लिंदा रुपन्देही सुपर लिगको उपाधी लुम्बिनीलाई



  • विकेटनेपाल – ९ चैत्र, शनिवार 

। प्रकाश न्यौपाने ( भैरहवा )

नेपाल टेलिकम रुपन्देही सुपर लिग क्रिकेट प्रतियोगिताको उपाधि लुम्बिनी खुकुरी क्रिकेट क्लब बेलहियाले जितेको छ। शनिबार भैरहवास्थित सिद्धार्थ रंगशालामा सम्पन्न खेलमा खुकुरीले शिवशक्ति क्रिकेट क्लब भैरहवालाई ९ विकेटले पराजित गर्दै लगातार दोस्रो पटक र लिग इतिहासमा नवौंपटक उपाधि चुम्न सफल भएको हो।

जितसँगै खुकुरीले ७५ हजार नगद र ट्रफी प्राप्त गर्यो। उपविजेता शिवशक्तिले ३५ हजार रुपैयाँ र ट्रफी प्राप्त गर्यो।

फाइनलमा जितका लागि शिवशक्तिबाट पाएको ९० रनको झिनो लक्ष्य खुकुरीले १४.१ ओभरमा १ विकेट गुमाएर ९५ रन बनाउँदै पुरा गर्यो। उसका लागि शंकर रानाले अविजित ५१ र अन्तिम थापाले अविजित ३३ रन बनाए।

बलिङमा शिवशक्तिका कृषि कार्कीले १ विकेट लिए।

यसअघि टस जितेर पहिला ब्याटिङ गरेको शिवशक्तिले निर्धारित ५० ओभरको खेलमा ४६.२ ओभरमा सबै विकेट गुमाउँदै ८९ रन बनाएको थियो। उसका लागि हरजित सिंहले अविजित  ४३ र कृष्ण कार्कीले १५ रन बनाएका थिए।

Shahab Alam
Shahab Alam

बलिङमा खुकुरीका साहव आलमले ५ तथा रमेश कुर्मीले ३ विकेट लिएका थिए । साहव खेलको म्यान अफ द फाइनल घोषित भए।

लिगमा खुकुरीका शंकर राना म्यान अफ द सिरीज र बेष्ट ब्याट्सम्यान घोषित भए। सिरिज र ब्याट्सम्यानको गरी उनले नगद २० हजार रुपैयाँ र ट्रफी प्राप्त गरे। यस्तै वेस्टर्न क्रिकेट क्लब बुटवलका विक्रम सोब बेष्ट बलर घोषित हुँदा नगद ५ हजार रुपैयाँ र ट्रफी प्राप्त गरे।

विजयी खेलाडीहरुलाई सिद्धार्थनगर नगरपालिका प्रमुख हरिप्रसाद अधिकारी, रुपन्देही क्रिकेट संघका अध्यक्ष प्रशान्त विक्रम मल्ल, प्रदेश पाँच खेलकुद विकास समिति सदस्य उमा अधिकारी, नेपाल टेलिकम क्षेत्रीय कार्यालय भैरहवाका सहायक ब्यापार अधिकृत रामप्रसाद खनाल, एसबीआइ बैंक भैरहवाका शाखा प्रबन्धक प्रविणमुनी बज्राचार्य, सिद्धार्थनगर ३ का वडाअध्यक्ष थानेश्वर पौडेल र विके ज्वेलर्सका संचालक सुनिल सेन्चुरी लगायतले पुरस्कार प्रदान गरे।

रुपन्देही क्रिकेट संघको आयोजनामा फागुन ६ गतेदेखि संचालित प्रतियोगितालाई नेपाल टेलिकमले मुख्य प्रायोजन गरेको थियो भने विके ज्वेलर्स, सगरमाथा इन्स्योरेन्स, सुगम आवास र ह्याप्पी आवर ग्यामिङ क्लब भैरहवाले सहप्रायोजन गरेका थिए । प्रतियोगितामा जिल्लाका ए र बी गरी २० टिमको सहभागिता थियो ।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]