नेपाल बिश्वकप छनौट हुन असफल



  • विकेटनेपाल, १० साउन

आईसीसी यु-१९ एसिया बिश्वकप छनौट प्रतियोगिता अन्तर्गत छैठौं तथा अन्तिम खेलमा नेपाल अफगानिस्तानसंग ९६ रनले पराजित हुन पुगेको छ। स्कोरकार्ड 

प्रतियोगितामा सबै खेलमा जित सहित अफगानिस्तान २०१८ यु-१९ बिश्वकप खेल्न छनौट भएको छ कुल ६ खेल मध्ये ४ मा जित र अफगानिस्तानसंगको दुवै खेलमा हार बेहोरेको नेपाल दोश्रो स्थानमा रहँदै बिश्वकप छनौट हुन असफल रह्यो । नेपालले यस अघि अफगानिस्तानसंग १४१ रनको हार बेहोरेको थियो ।

सिंगापुर, इन्डियन एसोसियसन मैदानमा अफगानिस्तानले टस जितेर ब्याटिंग गर्दै दिएको १९६ रनको लक्ष पछ्याएको नेपाली टिमले ४०.३ ओभरमा ९९ रनमै सम्पूर्ण विकेट गुमाउन पुग्यो ।

नेपालको लागि दिपेन्द्र ऐरीले ४८ रनको योगदान दिनु बाहेक अन्य ब्याट्सम्यानले ठुलो योगदान दिन सकेनन्। पवन सर्राफ र प्रकास केसीले १०/१० रनको योगदान दिए l अफगानिस्तान बलर युसुफ जाजीले ४ तथा मुजिब रहमानले ३ विकेट हात पारे।

टस जितेर ब्याटिंग गरेको अफगानिस्तानले ४६.५ ओभरमा १९५ रनमा सबै विकेट गुमाएको थियो। अफगानिस्तान ओपनर इब्राहिम जद्रानले शतक प्रहार गर्ने क्रममा ११४ बलमा ७ चौका र ५ छक्का मदतले १०१ रनको योगदान दिएका थिए। उनि बाहेक अन्य अफगानिस्तान ब्याट्सम्यानहरुले ठुलो स्कोर बनाउन सकेनन्।

शाहब आलमले ४ विकेट हात पारे

नेपालको लागि शाहब आलमले ४ तथा दिपेन्द्र ऐरीले ३ विकेट हात पारे। शाहब आलमले इनिंगको ४५ औ ओभरमा ३ विकेट हात पार्दै एकसमय बलियो देखिएको अफगानिस्तानलाई थोरै रनमा सिमित गर्न महत्वपूर्ण योगदान दिएका थिए।

सन्दिप लामिछाने र पवन सर्राफले १/१ विकेट हात पारे।

धेरैले पढेको :-





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]