स्कोर बराबर हुँदा शंकरनगर फाईनलमा : शशिकान्त-शकुन्तला टि-२० क्रिकेट



फोटो फिचर : अमरसिंह रौटेला (शिवशक्ति क्रिकेट क्लब)

  • विकेटनेपाल – ३ चैत्र, शनिवार

रुपन्देहीमा जारी जिल्ला स्तरीय शशिकान्त – शकुन्तला बर्मा मेमोरियल रुपन्देही टि-२० क्रिकेट प्रतियोगितामा शनिवारको खेलमा लुम्बिनी खुकुरी क्रिकेट क्लब र शंकरनगर क्रिकेट क्लबले जित दर्ता गरेका छन्। जितसंगै दुवै टोलिले अन्तिम – ४ मा आफ्नो स्थान समेत बनाए।

सिद्धार्थ रंगशालामा भएको पहिलो खेलमा खुकुरीले एपेक्स तिरुपति क्रिकेट क्लब भैरहवामाथि १० विकेटको सहज जित दर्ता गर्यो।

जितका लागि पाएको ८६ रनको लक्ष्य खुकुरीले मात्र ९ ओभरमा कुनै विकेट नगुमाई पुरा गर्यो। खुकुरीको जितमा अन्तिम थापाले ४८ तथा शंकर रानाले ३८ रनको योगदान दिए। यसअघि टस जितेर पहिला ब्याटिङ गरेको तिरुपतिले १७.२ ओभरमा अलआउट हुनअघि ८५ रनको समान्य स्कोर जोडेको थियो। उसका लागि अमित कौशिल्याले ३४ तथा विपिन न्यौपानेले २१ रन बनाएका थिए। तिरुपतिको इनिंगलाई सस्तैमा समेट्न म्यान अफ द म्याच समेत रहेका खुकुरीका साहव आलमले ६ विकेट चट्काएका थिए।

Man Of The Match : Shahab Alam

दोस्रो खेल : रोमान्चक खेलमा शंकरनगर बिजयी, अमरसिंह रौटेलाले जोगाउन सकेनन् शिवशक्तिको हार

दिनको दोस्रो खेलमा शंकरनगर र शिवशक्ति क्रिकेट क्लब भैरहवाले बराबर स्कोर बनाएपछि रनरेटका आधारमा शंकरनगर सेमिफाइनलमा प्रवेश गरेको छ।

टस जित्दै पहिला ब्याटिङ गरेको शिवशक्तिले निर्धारित २० ओभरमा ६ विकेट गुमाएर १७२ रन बनाएको थियो। उसका लागि म्यान अफ द म्याच अमरसिंह रौटेलले अविजित ८१ रन जोडेका थिए। यस्तै सिद्धान्त अधिकारीले २६ तथा प्रथम पराजुलीले १९ रन बनाए। शंकरनगरको बलिंगमा धिरज शाहीले ३ विकेट चट्काएका थिए।

Sandeep Sunar
Sandeep Sunar

जवाफी ब्याटिंगमा उत्रिएको शंकरनगरले निर्धारित २० ओभरमा ७ विकेट गुमाएर १७२ रननै बनायो। उसको चेजमा संदीप सुनारले ८७ रनको उत्कृस्ट इनिंग खेले। यस्तै अजय कौशिल्याले २२ तथा देव खनाल र दिपचन शर्माले समान २०-२० रन बनाए। बलिङमा शिवशक्तिका अमरसिंह रौटेला र हरजित सिंहले समान २/२ विकेट हात पारे।

आइतबार वेष्टर्न क्रिकेट क्लब बुटवल र साई ग्लोबल क्रिकेट क्लब भैहरवा तथा बुम एमसिसी क्रिकेट क्लब भैरहवा र देवदह क्रिकेट युनिट देवदहबीच प्रतिस्पर्धा हुने आयोजक संस्थाका अध्यक्ष प्रशान्तविक्रम मल्लले बताए। प्रतियोगितामा बिजयी टिमले ५० हजार रुपैयाँ र उपबिजेताले २५ हजार रुपैयाँ तथा ट्रफी प्राप्त गर्नेछन् । त्यस्तै गरी म्यान अफ दि सिरिज ले १० हजार, उत्कृष्ट बलर र ब्याट्सम्यानले जनही ५/५ हजार तथा प्रत्येक दिनको म्यान अफ द म्याचले १ हजार रुपैयाँ प्राप्त गर्ने छन् । जिल्लाका ‘ए’ डिभिजनका १२ टिम सहभागि रहेको प्रतियोगिता चैत ८ गतेसम्म चल्ने छ ।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]