शाहब आलमको ५ विकेट मदतले खुकुरी सेमीफाइनलमा

shahab alam


  • विकेटनेपाल, भैरहवा, १९ फागुन ।

लुम्बिनी खुकुरी क्रिकेट क्लब भैरहवा सेमिफाइनलमा प्रवेश गरेको छ। भैरहवामा जारी नेपाल टेलिकम रुपन्देही सुपर लिग क्रिकेट प्रतियोगितामा लिग चरण अन्तर्गत बुधबार भएको डिभिजन ‘ए’ को समूह (डि) को खेलमा खुकुरीले बुम एमसिसी क्रिकेट क्लब भैरहवालाई ९ विकेटले पराजित गरी सेमिफाइनलमा आफ्नो स्थान सुरक्षित गरेको हो।

एक सय ४ रनको लक्ष्यसहित मैदान प्रवेश गरेको खुकुरीले निर्धारित ५० ओभरको खेलमा १७ ओभरमा १ विकेटको क्षतिमा १ सय ४ रन बनाउँदै लक्ष्य भेट्टायो । उसको जितमा प्रज्वल थापाले नटआउट ३३, अन्तिम थापाले नटआउट २७ र मिर्नाल गुरुङले २४ रन बनाए । बलिङमा बुम एमसिसीका रमेश कुर्मीले १ विकेट लिए।

शाहब आलम

यसअघि स्थानीय सिद्धार्थ रंगशालामा टस जितेर पहिला ब्याटिङ गरेको बुम एमसिसीले निर्धारित खेलमा ३३ ओभर ४ बल खेल्दै १ सय ३ रनको सामान्य योगफल बनाएको थियो । उसका लागि संदीप केसीले २३, अमर मिश्राले १६ र अनिल जैसवारले १३ रन बनाए पनि अन्य ब्याट्सम्यानले दोहोरो अंक जोड्न नसक्दा टिमले हार व्यहोर्यो । उसलाई सस्तैमा समेट्ने क्रममा बलिङमा खेलका म्यान अफ द म्याच समेत रहेका खुकुरीका साहब आलमले ५ विकेट लिए। यस्तै राहुल चौहानले ३ विकेट लिए।

आइतबार समूह (ए) मा रहेका ज्ञानोदय क्रिकेट क्लब करहिया र शंकरनगर क्रिकेट क्लब शंकरनगरबीच प्रतिस्पर्धा हुने आयोजक संस्था रुपन्देही क्रिकेट संघका सचिव संजय गुरुङले बताए।

प्रतियोगितामा विजेता क्लबले नगद ७० हजार प्राप्त गर्ने छ भने उपविजेताले नगद ३५ हजार प्राप्त गर्ने छ । यस्तै उत्कृष्ट खेलाडीले १० हजार, बेष्ट बलर र बेष्ट ब्याट्स म्यानले नगद ५/५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने छन् । नेपाल टेलिकमले मुख्य प्रायोजक रहेको सुपर लिगमा बुम रेमिट्यान्स र अर्घाखाँची सिमेन्ट प्रालिले सहप्रायोजन गरेका छन् । प्रतियोगिता फागुन २६ गतेसम्म चल्ने छ ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]