अफ्रिदीको टि-२० मा पहिलो शतक, विस्फोटक ब्याटिंग ( भिडियो सहित )



  • विकेटनेपाल, ६ भदौ

शहिद अफ्रिदीले टि-२० क्रिकेटमा पहिलो शतक प्रहार गरेका छन् l  ( पुरा भिडियो सबैभन्दा तल ) 

इंग्ल्यान्डको नाटवेस्ट टि-२० ब्लास्ट प्रतियोगिताको आज राति सम्पन्न क्वार्टरफाइनल खेलमा ह्याम्पसायरको लागि ओपनिंग ब्याटिंग गरेको अफ्रिदीले १०१ रनको पारि खेल्दै डर्बीशायरको सेमीफाइनल पुग्ने सपना चकनाचुर पारे l

उमेरले ३७ पार गरिसकेका पाकिस्तानी स्टार अलराउण्डरले ४३ बलको इनिंगमा ७ वटा छक्का र १० चौका प्रहार गर्दै आफुलाई बुम ! बुम ! किन भनिन्छ पुनः प्रमाणित गरे l

अफ्रिदी बाहेक कप्तान जेम्स भिन्सेले ३६ बलमा ५५ तथा जर्ज बेलीले ११ बलमा २७ रन प्रहार गरेपछि ह्याम्पसायरले  २० ओभरमा २४९/८ को बिशाल स्कोर खडा गरेको थियो l १०१ रनको पराजय बेहोरेको डर्बीशायरले दोश्रो इनिंगमा १४८ रनमा सबै विकेट गुमायो l

बलिंगतर्फ भने अफ्रिदीले विकेट लिन सकेनन् र ३ ओभरमा २८ रन खर्चिए l लियम डसन र कायल एबोटले ३/३ विकेट लिंदै डर्बीशायरको इनिंग ध्वस्त पारे l खेलको प्लेअर अफ द म्याच शहिद अफ्रिदी घोषित भए l

उमेरले ३७ पार गरिसकेका अफ्रिदीले ४३ बलको इनिंगमा ७ छक्का र १० चौका प्रहार गर्दै आफुलाई बुम ! बुम ! किन भनिन्छ पुनः प्रमाणित गरे l

अफ्रिदीले शतक प्रहार गर्ने क्रममा सामना गरेको पहिलो ओभरमा म्याडसेनलाई ४ चौका प्रहार गरेका थिए l त्यसपछि पाँचौ ओभरमा कटनलाई २ छक्का प्रहार गरेका उनले एउटा छक्का स्टेडियम बाहिर पुर्याएका थिए l

पुनः छैठौ ओभरमा भिलजोयको बलमा लगातार ३ चौका प्रहार गरेका थिए l पहिलो पावरप्ले सकिंदा अफ्रिदीले १८ बलमा ४५ रन बनाईसकेका थिए l

सातौ ओभरमा हेनरीको बलमा मिस हिट सट विकेटकिपर पछाडी छक्का भएपछि अफ्रिदीले अर्धशतक २० बलमा पुरा गरेका थिए l त्यसपछि पनि अफ्रिदी रोकिएनन् इमरान ताहिरको आठौं ओभरको तेश्रो बललाई अफ्रिदीले मिड विकेट माथिबाट पुनः स्टेडियम पार गराए l

ताहिरको उक्त ओभरको चौथों फुलटस बलमा अफ्रिदीको क्याच मिड विकेटमा मिस हुनु डर्बीशयरको दुर्भाग्य थियो l

नवौं ओभरमा अफ्रिदीले क्रिचलेको बललाई छक्का प्रहार गरे जुन क्रममा बल मैदानको कार पार्किंगमा पुगेको थियो l ईमन ताहिरको १२ औं ओभरको तेश्रो बलमा छक्का प्रहार गरेका अफ्रिदीले सोहि ओभरको अन्तिम बलमा पोइन्टको दिशामा चौका प्रहार गर्दै उनले शतक प्रहार गरेका थिए l

शतक लगत्तै अफ्रिदीले हेनरीको सट बललाई पुल गर्ने क्रममा फाइन लेगमा क्याच आउट हुनपुगेका थिए जसपछि अफ्रिदी बिस्फोट थामिएको थियो l

टि-२० क्रिकेटमा अफ्रिदीले मात्र ९ वटा अर्धशतक प्रहार गरेका छन् जसमा उनले १५६ को स्ट्राइक रेटले रन बनाएका छन् l

ओपनिंग गर्ने निर्णय 

सहिद अफ्रिदीले खेल पछि प्रतिक्रिया दिने क्रममा कप्तान जेम्स भिन्सेलाई महत्वपूर्ण खेलमा आफुलाई ओपनिंग ब्याटिंग गर्न दिन आग्रह गरेको बताए l

“मैले कप्तान र कोचलाई हिजो ७ नम्बर र ८ नम्बर मेरो ब्याटिंग गर्ने स्थान हैन, म माथिल्लो क्रममा ब्याटिंग गर्न चाहन्छु भनेको थिए”

नाटवेस्ट टि-२० को आठौँ सिजनमा सातौ पटक फाइनलमा पुर्याएपछि अफ्रिदीले यसो भने –

“यस्तो महत्वपूर्ण खेलहरुमा मौका लिनु पर्छ किनकि पहिलो ६ ओभरमा म आक्रामक खेल्ने ब्याट्सम्यानले त्यसको सदुपयोग गर्नुपर्छ”

“म चाहन्थे सुरुवात देखि दबाब बनाउन तथापी मुस्किल थियो सुरुवातमा स्विंग गर्ने बलमा त्यस्तो गर्न l पहिलो ६ ओभर महत्वपूर्ण थियो र मैले आक्रमण सुरु गरे”

सन् २०११ मा अन्तिम पटक ओपनिंग गर्दा उनले समरसेट बिरुद्ध आफ्नो करियरको दोश्रो सर्बाधिक ८० रन बनाएका थिए जुन क्रममा सेमीफाइनलमा ह्याम्पशायर पराजित भएको थियो l

हेर्नुस शतकको भिडियो 





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]