शाहिदीले उत्कृस्ट इनिंग खेल्दा अफगानिस्तानद्वारा पाकिस्तानलाई २५८ रनको लक्ष्य



  • विकेटनेपाल, असोज ५ 

एसिया कप २०१८ को सुपर-४ अन्तर्गतका खेलहरु शुक्रवारबाट सुरु भएका छन्। भारतले बंगलादेशको तथा पाकिस्तानले अफगानिस्तानको सामना गर्दैछ।

शेख जायद स्टेडियममा टस जितेर ब्याटिंग गरेको अफगानिस्तानले निर्धारित ५० ओभरमा ६ विकेट गुमाएर २५७ रनको योगफल तयार गरेको छ।

सुरुवात उत्कृस्ट हुन नसकेको अफगानिस्तानइनिंगलाई तेश्रो विकेटको लागि रहमत शाह र हश्मतुल्लह शाहिदीले ६३ रनको साझेदारी गर्दै उकासे। ओपनर मोहम्मद शहजाद ( २० ) इह्सानउल्लाह ( १० ) र रहमत शाह ( ३६ ) लाई मोहम्मद नवाजले पेभेलियन फर्काए।

तेश्रो विकेट पछि पनि शाहिदीले एउटा किनार सम्हालिरहे र चौथो विकेटको लागि कप्तान अस्घर  अफगानसंग ९४ रनको साझेदारी गरे। अफगान ६७ रन ( ५६ बल, ५ छक्का र २ चौका ) बनाएर आउट भए। त्यसपछि ३ विकेट थोरै अन्तरमा गुमे पनि शाहिदीले सातौँ विकेटको लागि गुल्बदीन नैबसंग ४५ रनको साझेदारी गर्दै स्कोरलाई २५० पार गराए।

करियरकै सर्वाधिक रन बनाउने क्रममा शाहिदीले अविजित ९७ रनको इनिंग खेले जुन क्रममा ११८ बलमा ७ चौका प्रहार गरे। नैबले अविजित १० रन बनाए।

पाकिस्तानको लागि मोहम्मद नवाजले सर्वाधिक ३ ( १०-१-५७-३ ) तथा शाहिन अफ्रिदीले २ ( १०-०-३८-२ ) तथा हसन अलिले १ विकेट हात पारे।

प्रतियोगिताको समुह चरणको खेलमा अफगानिस्तानले श्रीलंकालाई ९१ रनले तथा बंगलादेशलाई १३६ रनले पराजित गर्दै समुह ‘बि’ को बिजेताको रुपमा सुपर-४ चरण प्रवेश गरेको थियो। श्रीलंका र हंगकंग भने पहिलो चरणबाट बाहिरिए।

यस्तै अहिले जारि भारत र बंगलादेश बीचको खेलमा बंगलादेशले पहिले ब्याटिंग गर्दै भारतलाई १७४ रनको लक्ष्य प्रस्तुत गरेको छ

सुपर-४ चरण अन्तर्गत आइतबार हुने २ वटा खेलहरुमा भारत र पाकिस्तान तथा अफगानिस्तान र बंगलादेशले प्रतिस्पर्धा गर्नेछन्। सुपर-४ चरणमा सबै टिमले एक-अर्का संग खेलीसकेपछि उत्कृस्ट हुने २ टिम फाइनल प्रवेश गर्नेछ। फाइनल खेलमा सेप्टेम्बर २८ तारिक शुक्रबार खेलिनेछ।





थप समाचार

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]

नेपालले ओमानमा चौदेशीय टि-२० सिरिज खेल्ने, आयो खेल तालिका

ओमानमा फेब्रुअरी १७ तारिख देखि सुरु हुने आईसीसी टि-२० विश्वकप ग्लोबल क्वालिफायरको तयारी स्वरूप नेपाली राष्ट्रिय क्रिकेट टिमले चार टिम […]

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]