विस्फोटक अफगानिस्तान ब्याट्सम्यान शाहजाद इपिएलमा चितवनबाट खेल्ने



एभरेस्ट प्रिमियर लिगको टिम चितवन टाइगर्सले चर्चित अफगानिस्तान क्रिकेटर मोहम्मद शाहजादलाई विदेशी खेलाडीको रुपमा भित्र्याएको छ।

मार्च १४ तारिक ( चैत्र १ ) देखि काठमाडौँमा सुरु हुने लिगमा सहभागी ६ टिमले तिन जना विदेशी खेलाडीहरु टिममा समावेस गर्न पर्ने अनिवार्य गरेको छ। तिन जना मध्ये एक जना विदेशी खेलाडी टेस्ट राष्ट्रको प्रतिनिधित्व गरिसकेको हुनु पर्नेमा चितवनले मोहम्मद शाहजादलाई लिएको हो।

चितवन भन्दा अघि भैरहवाले वेस्ट इन्डिज क्रिकेटर ड्वेन स्मिथलाई तथा ललितपुरले श्रीलंकन क्रिकेटर उपुल थारांगालाई भित्र्याउने निश्चित गरेको थियो।

३३ वर्षीय शाहजादले अफगानिस्तानको लागि २ वटा टेस्ट ८४ एकदिवसीय र ६५ वटा टि-२० अन्तर्राष्ट्रिय खेलीसकेका छन्।

“चितवन टाइगर्स एभरेस्ट प्रिमियर लिगको लागि पहिलो विदेशी खेलाडीको रुपमा शाहजादलाई भित्र्याउन पाउदा गौरवान्वित महसुस गर्दछ। अन्य विदेशी खेलाडीहरुको बारेमा पनि केहि दिनमै जानकारी गराउने छौँ।”

“हाम्रो लामो समयको प्रयास र शाहजाद आफै आएर खेल्न इच्छुक भएपछि हामि सहमतिमा पुगेका हौँ। शाहजादको आगमनले चितवन टाइगर्सको ब्याटिंगमा नयाँ आयाम दिने विश्वास लिएका छौँ। साथै उनको आगमनले टोलिका खेलाडीलाई राम्रो अनुभव दिनेछ” चितवन टाइगर्सले प्रेस बिज्ञप्तिमा लेखेको छ।

विस्फोटक ब्याटिंगको लागि चिनिने शाहजाद विकेटकिपर समेत हुन्।

सन् २००९ मा अफगानिस्तानको लागि एकदिवसीय अन्तर्राष्ट्रिय डेब्यु गरेका शहजाद ले कुल ८४ एकदिवसीय अन्तर्राष्ट्रिय खेल्दै ६ शतक र १४ अर्धशतक मदतले ३,०८२ रन बनाएका छन्। यस्तै उनले २ वटा टेस्ट र ६५ टि-२० समेत खेलेका छन्। टेस्टमा ६९ रन तथा टि-२० मा  एउटा शतक मदतले १,९३६ रन बनाएका छन्।

चितवन टाइगर्समा यो पटक सोमपाल कामि सहित दिलिप नाथ, ललित भण्डारी, इशान पाण्डे जस्ता राष्ट्रिय टिमको प्रतिनिधित्व गरेका खेलाडी रहेका छन्। यस्तै सन्दिप सुनार, शाहब आलम, कमल सिंह ऐरी, भिम शार्की, सागर ढकाल, आदील खान, खडक बोहरा टिममा रहेका छन्।

चितवनले पृथु बास्कोटालाई रिलिज गर्अदै न्डर-१९ राष्ट्रिय क्रिकेट टिमका ब्याट्सम्यान खडक बोहरालाई ५० हजार रुपैयाँमा भित्र्याएको छ।

यो पनि पढ्नुस – इपिएल रिटेन्सन र रिलिज : अनिल र रितले पाए आकर्षक मूल्य, बाहिरिए सिद्धान्त लोहनी

 





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]