हंगकंगसंग खेल अघि नेपाललाई झट्का, शक्ति गौचन नखेल्ने

Shakti Gauchan


  • विकेटनेपाल, ९ भदौ

आईसीसी बिश्व क्रिकेट लिग च्याम्पियनसिप अन्तर्गत अक्टोबरमा हंगकंगसंग हंगकंगमा खेलिने खेलमा शक्ति गौचन नखेल्ने भएका छन् l

प्रतियोगिताको लागि शुक्रबार देखि नेपाली टिमले आफ्नो अभ्यास सुरु गरेको छ जसबाट गौचनले आफ्नो नाम फिर्ता गरिसकेको नेपाली टिमका ब्यबस्थापक रमन शिवाकोटीले विकेटनेपाललाई जानकारी गराएका छन् l

गौचनलाई ३ महिना अघि टाइफाइड भएको थियो जुन निको भएपछि पुनः गौचनलाई पायल्सले ग्रस्त बनाएको हो l

विकेटनेपालसंग कुरा गर्दै गौचनले आफुलाई १ महिना अघि पायल्सले निकै सताएको जसपछि हाल केहि सुधार भए पनि पूर्णतया निको नभई खेलेर जोखिम लिन नचाहेको बताएका छन्-

“औषधि गरेपछि अहिले ब्लिडिंग रोकिएको छ दुखाई भने अझै कम भएको छैन l म प्रतियोगिता अघिसम्म त ठिक हुन्छु होला तर यति ठुलो खेल अघि रिस्क लिने सोच आएन”

पायल्सले च्याप्नु अघि गौचन भारत गएका थिए जहाँ उनले साथीको आग्रहमा मसालेदार खानेकुरा खाएका थिए l हाल शक्ति चिकित्सकको सल्लाह अनुसार औषधि सेवन गर्नुको साथै घरमै आराम गरिरहेका छन् l

हंगकंग खेल अघि निको पनि हुँला तर १००% फिट नभई खेल्न आफ्नो मनले मानेन

बिगत १५ बर्ष देखि गौचन पायल्सबाट पिडित छन् जसको सुरुवात सन् २००२ को सिंगापुरमा सम्पन्न एसीसी ट्रफीबाट भएको थियो l १५ बर्ष देखिको समस्या भए पनि अहिले जस्तो दुखाई र ब्लिडिंग पहिले नभएको उनले बताए l

“एसीसी ट्रफी २००२ प्रतियोगिताको फाइनलमा मलाई पायल्सले ठुलो दुख दिएको थियो तै पनि मैले फाइनल खेल खेलेको थिए l जसपछि पनि बारम्बार सताईरहेको थियो तर अहिलेको जस्तो दुखाई र  ब्लिडिंग पहिले भएको थिएन” पिंडाका बाबजुत उक्त प्रतियोगिताको फाइनल खेलमा गौचनले ४७ रन बनाएका थिए l कुल २४८ रन बनाएका गौचन उक्त प्रतियोगितामा नेपालको लागि सर्बाधिक रन बनाउने तथा प्रतियोगिताकै पाँचौ धेरै रन बनाउने खेलाडी थिए l

हंगकंगसंग बिश्व क्रिकेट लिगको खेल नेपालको लागि निकै महत्वपूर्ण रहेको जसको लागि आफ्नो स्वास्थ्यसंग जोखिम मोल्नु भन्दा बरु हंगकंग पछि युएईसंगको महत्वपूर्ण रहने खेलमा योगदान दिने गौचनले सोच बनाएका छन् l

“हंगकंग खेल अघि निको पनि हुँला तर १००% फिट नभई खेल्न आफ्नो मनले मानेन त्यसैले केहि दिन अघिनै प्रशिक्षक जगत टमाटालाई नखेल्ने जानकारी गराईसकेको थिए”

शक्ति गौचन नखेल्ने भएपछि उनको सट्टा यु-१९ क्रिकेट टिमबाट एकजना खेलाडीले अन्तिम २५ जना टिममा मौका पाउने ब्यबस्थापक शिवाकोटीले बताएका छन् l शिवाकोटीका अनुसार हंगकंग खेलको लागि शनिबार अन्तिम २५ जना नेपाली टिमको अधिकारिक घोषणा गरिनेछ l

गौचनले जेठमा सम्पन्न प्रधानमन्त्री कप प्रतियोगितामा सहभागिता जनाएका थिएनन् l उनि अन्तिम पटक धनगढी प्रिमियर लिगमा रुपन्देहीको लागि खेलेका थिए l

 

 

 





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]