रुपन्देही सुपर लिगमा शक्ति गौचनको उत्कृस्ट अल-राउण्ड प्रदर्शन



  • भैरहवा, ९ फागुन ।

भैरहवास्थित सिद्धार्थ रंगशालामा जारी नेपाल टेलिकम जिल्लास्तरीय सुपरलिग क्रिकेट प्रतियोगितामा बिहीबार भएको डिभिजन ‘बी’अन्तर्गतको खेलमा बुटवल राइनोज क्रिकेट क्लब, बुटवललाई ४ विकेटले पारजित गर्दै स्टार क्रिकेट क्लब, ओमसतिया विजयी भएको छ।

बुटवलबाट जितका लागि पाएको १९१ रनको लक्ष्य स्टारले ४२ ओभर ५ बलमा ६ विकेट गुमाई १९२ रन बनाउँदै भेट्टाई जित निकाल्यो । उसको जितमा विशाल सुनारले नटआउट ४६ रनको योगदान दिए। यस्तै, शक्ति गौचनले नटआउट ३०, प्रदीप शाहनीले ३४ र रुपेश बश्यालले २१ रन बनाए । बलिङमा बुटवलका सञ्जु बोहराले २ तथा प्रदीप बेल्बासे र अश्विन हमालले समान १/१ विकेट लिए।

यसअघि टस जितेर पहिला ब्याटिङ गरेको बुटवलले निर्धारित ५० ओभरको खेलमा सबै विकेट गुमाई १९० रनको योगफल तयार गरेको थियो । उसका लागि सञ्जु बोहराले ५९, सिमान्त साहीले ३१ र अरविन्द सारुले २७ रन बनाए पनि जितका लागि पर्याप्त भएन । बलिङमा स्टारका शक्ति गौचनले ५ विकेट लिए। यस्तै रुपेश बश्यालले ३ तथा ऋषि रानाले १ विकेट लिए । खेलमा स्टारका शक्ति गौचन म्यान अफ द म्याच घोषित भए ।


शुक्रबार डिभिजन ‘बी’अन्तर्गत नै रहेका लुम्बिनी कासाई क्रिकेट क्लब, लुम्बिनी र दीप क्रिकेट क्लब, बुटवलबीच प्रतिस्पर्धा हुनेछ । प्रतियोगितामा विजेताले ७५ हजार र उपविजेताले ३५ हजार रुपैयाँ प्राप्त गर्ने छन् । यस्तै, म्यान अफ द सिरिजले १५, बेष्ट ब्याट्सम्यान र बेष्ट बलरले नगद ५/५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने आयोजकले जनाएका छन् ।

लिगमा ‘ए’ डिभिजनका ८ र ‘बी’ डिभिजनका १२ गरी २० टीम सहभागी छन् । प्रतियोगितालाई नेपाल टेलिकमले मुख्य प्रायोजन गरेको छ भने विके ज्वेलर्स, सगरमाथा स्न्स्योरेन्स, सुगम आवास र ह्याप्पी आवर ग्यामिङ क्लब भैरहवाले सहप्रायोजन गरेका छन् । यस्तै, प्रत्येक दिनको म्यान अफ द म्याचलाई रोटरी क्लब अफ लुम्बिनी सिद्धार्थनगरले प्रायोजन गरेको छ । लिग चैत ६ गतेसम्म चल्ने छ ।





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]