शामीले ५ विकेट लिएपछि भारतको जित



  • विकेटनेपाल, १३ माघ- शनिबार 

दक्षिण अफ्रीका र भारत बीच जारि टेस्ट सिरिजको तेश्रो टेस्टमा भारतले दक्षिण अफ्रीकालाई ६३ रनले पराजित गरेको छ।  जितसंगै टेस्ट सिरिज २-१ को नतिजामा सकिएको छ।

यस अघि पहिलो टेस्टमा  ७२ रनले तथा दोश्रो टेस्टमा १३५ रनले दक्षिण अफ्रीका बिजयी भएको थियो।

जितको लागि २४१ रन लक्ष पछ्याउने क्रममा चौथो दिन १७/१ को स्थितिबाट ब्याटिंग गरेको दक्षिण अफ्रीकाले लन्च अघि उत्कृस्ट ब्याटिंग गर्यो। हासिम अमला र डीन एल्गरले ११९ रनको साझेदारी गर्दै दक्षिण अफ्रीकालाई जिततर्फ लैजाने प्रयास गरे।

१२४ रनको योगफलमा अमलालाई इशान्त शर्माले ५२ रनको व्यक्तिगत स्कोरमा पेभेलियन फर्काएपछि भारत खेलमा फर्किएको थियो। अमलाले १४० बल खेल्दै ५ चौका प्रहार गरे।

दोश्रो विकेट झरेपछि घरेलु टिमले लगातार विकेट गुमाउन पुग्यो। एबि डीभिल्लर्स ( ६ रन ) , कप्तान फाफ डु प्लेसिस ( २ रन ) , क्वान्टन डीकक ( ० ) ले लगातार विकेट गुमाए।

एल्गरले अविजित ८६ रन बनाए 

डीन एल्गरले अविजित ८६ रन ( २४० बल, ९ चौका र १ छक्का ) प्रहार गर्दै अन्तिम सम्म अविजित रहे पनि अर्को किनारमा लगातार विकेट झर्दा दक्षिण अफ्रीकाले १७७ रनमा सबै विकेट गुमाउन पुग्यो।

भारतको जितमा मोहम्मद शामीले ५ विकेट हात पारे जुन क्रममा उनले १२.३ ओभरमा २८ रन खर्चिए। जस्प्रित बुम्रा र इशान्त शर्माले २/२ विकेट तथा भुवनेश्वर कुमारले १ विकेट आफ्नो नाम गरे।

के-के भयो टेस्टमा 

टेस्टमा भारतले टस जितेर ब्याटिंग गरको थियो जसपछि पहिलो इनिंगमा १८७ रनमा अलआउट भएको थियो। दक्षिण अफ्रीकाले पहिलो इनिंगमा १९४ रन बनाउदै पहिलो इनिंगमा ७ रनको अग्रता लियो। दोश्रो इनिंगमा भारत २४७ रनमा अलआउट भएपछि दक्षिण अफ्रीकालाई टेस्ट जित्न भारतले २४१ रनको लक्ष प्रस्तुत गरेको थियो। दोश्रो इनिंगमा घरेलु टिम १७७ रनमा समेटीएपछि भारतले ६३ रनले खेल जित्यो।

म्याच समरी 

भारत पहिलो इनिंग – १८७ ( कोहली ५४, पुजारा ५०, रबाडा ३/३९ )
दक्षिण अफ्रीका पहिलो इनिंग : १९४ ( हसिम आम्ला ६१, बुम्रा ५/५४ )
भारत दोश्रो इनिंग : २४७ ( रहाने ४८, कोहली ४१, मोर्केल ३/४७, फिलांडर ३/६१ , रबाडा ३/६९ )
दक्षिण अफ्रीका दोश्रो इनिंग : १७७ (  एल्गर ८६*, अमला ५२, शामी ५/२८ )

नतिजा –  भारत ६३ रनले बिजयी

( फोटो – बिसीसीआई )





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]