सन्दिप लामिछानेलाई शेन वार्नको ‘कल’



नेपाली ‘शेन वार्न’ सन्दिप लामिछानेलाई बिहिबार बिहान शेन वार्न आफैले फोन सम्पर्क गर्दै कुराकानी गरेका छन् l

टेस्ट क्रिकेटमा ७०८ विकेट आफ्नो नाम गर्दै बिश्वकै दोश्रो सर्बाधिक टेस्ट विकेट लिने अस्ट्रेलियन लेग स्पिन जादुगरले आफुसंग ३-४ मिनेट कुराकानी गरेको सन्दिपले विकेटनेपाललाई बताएका छन् l

‘अपत्यारिलो ‘ ‘अनमोल’ शेन वार्न संग कुराकानी गर्दा कस्तो महसुस भयो भन्ने विकेटनेपालको प्रश्नको जवाफमा सन्दिप उत्तर थियो l

shane-warne-13-1473754099
शेन वार्न

‘वहाँले मेरो बारेमा केहि कुराहरु सोध्नु भयो र अर्को पटक अस्ट्रेलिया आउदा तिमि संगै नेट सेसन गर्छु भन्नुभयो’ बिश्व क्रिकेट इतिहासकै उत्कृस्ट बलर मध्येका वार्नले अर्को पटक आफुसंग भेट्ने बाचा गरेको सन्दिपले बताए l

बंगलादेशमा यसै बर्ष सम्पन्न यु-१९ बिश्वकपमा उत्कृस्ट लेगस्पिन बलिंग गरेपछि नेपाली शेन वार्नको नाम पाएका सन्दिपले त्यस प्रतियोगिताको आयरल्याण्डको संग खेलमा ह्याट्रिक संगै ५ विकेटको प्रदर्शन गरेका थिए l उक्त प्रतियोगिताकै सर्बाधिक विकेट लिने खेलाडीको सुचीमा सन्दिप कुल १४ विकेट लिंदै दोश्रो स्थानमा रहेपछि सन्दिपको चर्चा बिश्वभर भएको थियो l

माइकल क्लार्कको फेसबुक पेजमा सोमबार प्रत्यक्ष फ्यानहरु संग अन्तर्क्रिया गर्ने क्रममा क्लार्कले शेन वार्न र सन्दिपको कुरा गराउने बताएका थिए l दक्षिण अफ्रीका-अस्ट्रेलिया टेस्ट सिरिजमा कमेन्टेटरको भूमिकामा रहेकोले ब्यस्त समय तालिकाको कारण भेट गर्न नपाए पनि फोनमा कुरा गर्दै वार्नले सन्दिपको हौसला बढाएका हुन् –

‘राम्रो खेल,  इन्जोय गरेर खेल भन्नु भो र मलाई एसिया कपको लागि सुभकामना दिनुभयो” सन्दिपले विकेटनेपाललाई बताए l

वेस्टर्न सबर्बस्को लागि न्यु साउथ वेल्स प्रिमियर क्रिकेट खेल्न माइकल क्लार्कको निम्तोमा सेप्टेम्बरमा अस्ट्रेलिया पुगेका सन्दिप डिसेम्बर ८ देखि श्रीलंकामा हुने यु-१९ एसिया कप प्रतियोगिताको तयारीको लागि यही २९ तारिकमा नेपाल फर्कने छन् l

( फोटो श्रोत : zimbio.com , l7.alamy.com )

यो पनि पढ्नुस :- 

 





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]