तुल बहादुर थापाको अल-राउण्ड प्रदर्शनमा शंकरनगर बिजयी



फोटो फिचर : तुल बहादुर थापा (शंकरनगर क्रिकेट क्लब)

  • विकेटनेपाल – ६ फाल्गुन, आइतबार

भैरहवामा जारी नेपाल टेलिकम रुपन्देही सुपर लिग क्रिकेट प्रतियोगितामा शंकरनगर क्रिकेट क्लबले महत्वपूर्ण जित हात पारेको छ। आइतवार भएको डिभिजन “ए” अन्तर्गतको खेलमा शंकरनगरले लुम्बिनी कसाई क्रिकेट क्लबलाई १३९ रनले पराजित गर्यो।

जितसंगै शंकरनगर क्रिकेट क्लब डिभिजन “ए” मा प्रवेश गरेको छ। प्रतियोगितामा डिभिजन “बि” बाट डिभिजन “ए” मा प्रवेश गर्ने शंकरनगर पहिलो क्लब हो।

भैरहवा स्थित सिद्धार्थ रंगशालामा २५२ रनको विजय लक्ष्य लिएर मैदान उत्रिएको लुम्बिनी कसाई क्रिकेट क्लबले २६.३ ओभरमा अल आउटहुँदा १२० रन मात्र जोड्न सक्यो र खेलको नतिजा १३९ रनले शंकरनगरको पक्षमा रह्यो। लुम्बिनीको चेजमा राहुल लोहरले ३२ र सुनिल धवलले २६ रन बनाएपनि अन्य ब्याट्सम्यानले पर्याप्त साथ निभाउन सकेनन्।

शंकरनगरको बलिंगमा खेलको म्यान अफ दि म्याच बनेका तुल बहादुर थापाले ३ विकेट हात पारे।

यसअघि ४० ओभरको खेलमा टस जित्दै पहिले ब्याटिंग गरेको शंकरनगर क्रिकेट क्लबले ३८.१ ओभरमा सबै विकेट गुमाएर २५१ रन जोडेको थियो। उसका अजय कौशिला र देव खनालले समान ६०-६० रन जोडेका थिए। यस्तै तुल बहादुर थापाले ५७ रनको इनिंग खेलेका थिए।

लुम्बिनी कसाईको बलिंगमा मौनउद्दिन खाँन, रुपेश कुर्मी, महेश मिश्रा र मुराद अलीले समान २-२ विकेट लिएका थिए ।

फागुन २६ गतेसम्म चल्ने प्रतियोगितामा सोमबार साइ ग्लोबल क्रिकेट क्लब भैरहवा र बुटवल–११ क्रिकेट क्लब बुटवलबीच प्रतिस्पर्धा हुने आयोजक संस्था रुपन्देही क्रिकेट संघका सचिव संजय गुरुङले बताए ।

नेपाल टेलिकमले मुख्य प्रायोजक रहेको सुपर लिग प्रतियोगितामा जिल्लाका २१ क्लबको सहभागिता छ। विजेता क्लबले नगद ७० हजार तथा उपविजेताले नगद ३५ हजार प्राप्त गर्ने सुपर लिगको सहप्रायोजन बुम रेमिट्यान्स र अर्घाखाँची सिमेन्ट प्रालिले गरेका छन्।

प्रतियोगिताको उत्कृस्ट खेलाडीले १० हजार, बेष्ट बलर र बेष्ट ब्याट्सम्यानले नगद ५-५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने छन् ।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]