आरिफ र शरदको प्रदर्शनले भैरहवा प्ले-अफमा



  • विकेटनेपाल, पौष १० – सोमबार

आरिफ शेख र शरद भेसावकरको महत्त्वपूर्ण साझेदारी मदतले भैरहवा ग्लाडीएटर्सले पोखरा राइनोजलाई ७ विकेटले पराजित गर्दै प्लेअफमा स्थान सुरक्षित गरेको छ।

आजको खेलपछि भैरहवाले महत्त्वपूर्ण २ अंक बटुल्दै ४ खालमा ६ अंकका साथ दोश्रो स्थानमा उक्लेको छ भने पोखराको पनि समान ४ खेलबाट ४ अंक सहित तेस्रो स्थानमा रहेको छ ।

|| स्कोरकार्ड || अंकतालिका ||

पोखराले पहिले ब्याटिंग गर्दै १०९ रनको लक्ष्य दिएपछि ब्याटिंग गर्न उत्रिएको भैरहवाले उक्त लक्ष्य १७.४ ओभरमा मात्र ३ विकेटको क्षतिमा पुरा गरेको थियो ।

लक्ष्य पछ्याउनेक्रममा खराब सुरुवात गरेको भैरहवाले टिमको स्कोर मात्र ७ रन हुँदा दोश्रो ओभरको पाचौं बलमा प्रदीप ऐरीलाई व्यक्तिगत २ रनको स्कोरमा गुमाएको थियो ।  त्यसपछि अर्का ओपनर प्रथम सालुंखेले आक्रामक क्रिकेट खेल्ने  क्रममा बिक्रम सोबलाई एकै ओभरमा लगातार ५ चौका प्रहार गरेका थिए । उनि   टिमको स्कोर ३२ रन रहेको बेला १२ बलमा ६ चौका सहित २४ रन बनाउदै  चौथो ओभरको अन्तिम बलमा आउट भए । हरिशंकर शाह पनि ३७ रनको योगफलमा ३ रनमा पेभेलियन फर्किए ।

त्यसपछि ब्याटिंग गर्न आएका आरिफ शेखले कप्तान शरद भेसावकरसँग मिलेर ७६ बलमा अविजित ७३ रनको साझेदारी गर्दै टिमलाई जित दिलाउन महत्त्वपूर्ण भूमिका निर्वाह गरे । आरिफ शेखले ताज अलिले गरेको लेग स्टाम्पको बललाई अगाडी बढेर बलरको माथिबाट छक्का प्रहार गर्दै आफ्नै ईस्टाईलमा खेल जिताए । आरिफले ४८ रन बनाउने क्रममा ४७ बलमा ३ छक्का र समान चौका प्रहार गरे भने कप्तान शरद भेसावकरले ३७ बलमा ३ चौका सहित ३२ रनको पारि खेले ।

बलिंगतर्फ सुरुवाती ओभरमा विकेट लिनेक्रममा ताज अलिले २ विकेट हात पार्नेक्रममा ३.४ ओभरमा २५ रन खर्चे भने शक्ति गौचनले १ विकेट लिदै ४ ओभरमा १९ रन खर्चे । बिक्रम सोबलाई प्रथम सालुंखेले एक ओभरमा ५ चौका प्रहार गरेपछि २ ओभरमा २५ रन खर्चिदै महंगा साबित भए ।

 

यसअघि टस जितेर पहिले ब्याटिंग गरेको पोखराले राम्रो सुरुवातका बाबजुत मध्यक्रम चल्न नसक्दा १०८ रन बनाउदा १८.३ ओभरमा सबै विकेट गुमाएपछी भैरहवाले जितको लागि १०९ रनको लक्ष्य पाएको थियो ।

आरिफ शेख म्यान अफ द म्याच 

ओपनर सुनिल धमलाले प्रथम सालुंखेको बलमा पहिलो विकेटको रुपमा आउट हुनुअघि १६ बलमा २ चौका सहित १५ रन बनाएका थिए जतिबेला टिमको स्कोर २३ रन रहेको थियो । त्यसपछि इस्रार उल्लाहले दोश्रो विकेटको लागि असिफ अलि भुवन कार्कीको बलमा आउट हुनु अघि २४ रनको साझेदारी गरे । अलि १० रनमा पेभेलियन फर्किए ।

त्यसपछि अर्को छेउबाट लगातार विकेट झरेपछि टिमले राम्रो सुरुवातलाई ठुलो स्कोरमा बदल्ने मौका गुमाउन पुग्यो । इस्रार उल्लाहले अर्को छेउको प्रेसरले ४० बलमा ६ चौका सहित ४१ रन प्रहार गर्दै ठुलो सट खेल्ने चक्करमा बाउन्ड्रीमा क्याच आउट भए । नुरधोज सेनले ७, सौरभ खनालले १ छक्का सहित ९, ताज अलिले ४, शक्ति गौचनले अविजित ३, बिक्रम सोभले २ रन बनाउदा बिनोद भण्डारी गोल्डेन डक र राजेश पुलामी डक आउट भए । पोखराले अतिरिक्त १७ रन पाएको थियो ।

बलिंगतर्फ भैरहवाका दिपेश श्रेष्ठले १४ रन खर्चेर २, शरद भेसावाकरले १८ रन खर्चेर २ तथा कृष्ण कार्कीले २३ रन खर्चेर २ विकेट हातपार्दा प्रथम सालुंखे, हरिशंकर शाह र आरिफ शेखले समान १ विकेट हात पारेका छन् ।

खेल जिताउन महत्त्वपूर्ण भूमिका निर्वाह गर्दै सुरुवातमा सम्हाल्लिएर ब्याटिंग गर्दै अन्तिमका ओभरमा आक्रामक क्रिकेट खेलेका आरिफ शेख म्यान अफ द म्याच घोषित भए ।

 

( फिचर फोटो – भैरहवा , फेसबुक )





थप समाचार

अस्ट्रेलिया बिरुद्ध बंगलादेशको ऐतिहासिक जित, नसुमको घातक बलिंग

अस्ट्रेलियाको बंगलादेश भ्रमण अन्तर्गत पाँच खेलको टि-२० अन्तर्राष्ट्रियको सिरिज अन्तर्गत पहिलो खेलमा घरेलु टोलि बंगलादेशले अस्ट्रेलियालाई २३ रनले पराजित गर्दै […]

क्रिकेटको व्यवस्थापनमा पुग्ने पारसको उद्देश्य

मंगलबार अन्तर्राष्ट्रिय क्रिकेट बाट सन्यास घोषणा गरेका नेपाली राष्ट्रिय क्रिकेट टिमका पूर्वकप्तान पारस खड्काले दुई वर्ष पछि हुने नेपाल क्रिकेट […]

पहिलो एकदिवसीय अन्तर्राष्ट्रिय जितको ३ वर्ष पुरा, पुनः याद गर्नुस १ रनको सनसनीपूर्ण जित

आजकै दिन २०१८ अगस्ट ३ तारिखमा नेपालले नेदरल्याण्डलाई पराजित गर्दै एकदिवसीय अन्तर्राष्ट्रिय क्रिकेटमा पहिलो जित दर्ता गरेको थियो। सोहि वर्ष […]

अन्तर्राष्ट्रिय क्रिकेटबाट पारसको सन्यास घोषणा, यस्ता थिए प्रमुख उपलब्धि

राष्ट्रिय क्रिकेट टिमका पूर्वकप्तान पारस खड्काले अन्तर्राष्ट्रिय क्रिकेटबाट सन्यास लिएका छन्। ३४ वर्षीय खेलाडीले सामाजिक संजालमार्फत अन्तर्राष्ट्रिय खेल जीवन अन्त्य गर्ने […]

इंग्ल्यान्ड बिरुद्ध पहिलो टेस्टबाट मायाँक अग्रवाल बाहिर

इंग्ल्यान्ड भ्रमण अन्तर्गत अगस्ट ४ तारिख बुधबारबाट सुरु हुने पाँच खेलको टेस्ट सिरिज अन्तर्गत पहिलो टेस्टबाट भारतीय ओपनर मायाँक अग्रवाल […]

युएईले घोषणा गर्यो आफ्नै ‘प्रिमियर लिग टि-२०’

ईण्डियन प्रिमियर लिग ( आईपीएल ) र आईसीसी टि-ट्वान्टी विश्वकप पछि युएईको ईमिरेट्स क्रिकेट बोर्ड ( ईसीबि ) ले आफ्नै […]