नयाँ बर्षको दिन निशाको खुलासा, बुवा बन्दै शरद



  • विकेटनेपाल- पौष १८ 

यसै बर्ष असारमा बिबाह गरेका क्रिकेटर शरद भेसावकर बुवा बन्ने भएका छन्।

अभिनेत्री तथा शरद पत्नी निशा अधिकारीले आफ्नो फेसबुक मार्फत नयाँ बर्ष २०१८ को पहिलो दिन आफु आमा बन्न लागेको सार्वजनिक गरेकी हुन्।

लामो प्रेम सम्बन्धलाई ६ महिना अघि बिबाहमा परिणत गरेका सेलिब्रिटी जोडीको बिबाहले निकै चर्चा पाएको थियो। निशाले फेसबुकमा आफ्नो फोटो तथा गर्भावस्थाबारे किताब सहितको पोस्ट गर्दै आफु आमा बन्ने हैन बनिसकेको भावको पोस्ट गरेकी छिन्।

पाँचौ महिना पुगेको निशाको गर्भको खबरको निशाले गरेको फेसबुक पोस्ट शरदले पनि फेसबुकमा शेयर गरेका छन्।

नेपालमै पहिलो पटक क्रिकेट खेलाडी र फिल्म अभिनेत्री बीच बिबाह भएकाले चर्चित रहेको निशा-शरदको जोडीले बिबाह अघि देखिनै चर्चा पाएको थियो। भारतमा चलचित्र र फिल्म जगतको जोडी सामान्य मानिए पनि नेपालमा पहिलो पटक बाँधिएको जोडीले नेपाली क्रिकेट र फिल्म जगतको सम्बन्धमा नयाँ थालनी गरेको थियो।

यस्तो थियो निशा शरदको प्रेम कथा 

निशा र शरदको प्रेम २०१३ मा नेपाली क्रिकेट टिमले टि-२० बिश्वकप छनौट हुँदा देखि बाहिरीएको थियो। नेपाली टिम बिश्वकप छनौट भएर युएईबाट फर्किदा बिमानस्थलमा स्वागत गर्न निशा पुगेको थिईन्। त्यसपछि निशा र शरद फिल्म हलमा, क्रिकेट मैदानमा, फुटबल हेर्न, ध्यान स्थलमा समेतसंगै देखिंदा दुवैको प्रेमको चर्चा चुलिएको थियो।

शरद र निशा दशरथ रंगशालामा फुटबल हेर्नेक्रममा

निशा नेपाली क्रिकेट टिमले प्रतियोगिता खेल्दा वा शरदको टिमले प्रतियोगितामा सहभागिता जनाउदा फेसबुकमा शरदले गिफ्ट दिएको नेपाली टिमको जर्सी लगाएको फोटो पोस्ट गर्दै बारम्बार समर्थन गर्ने गर्थिन्।

सन् २०१४ सेप्टेम्बरमा निशाले फेसबुकमा शरदसंगको फोटो पोस्ट गर्दै आफ्नो प्रेमको खुलासा गरिकी थिईन्।

आफ्नो प्रेमको खुलासा निशाले फेसबुक मार्फत गरेकी थिईन्

सगरमाथा आरोहण गरिसकेकी निशा साहसिक कार्य गर्ने निडर अभिनेत्रीको रुपमा चिनिने गर्छिन्। कहिले खुइलिएको कपाल, कहिले सुनगाभा जस्तो फरक धारको चलचित्र खेल्ने निशा जीवनमा प्रयोग रुचाउने गर्छिन्।

अर्कोतर्फ शरद पनि साहसिक काम गर्न मन पराउछन्। टि-२० बिश्वकपमा नेपाललाई छनौट गराउदा उनले हंगकंग र केन्यासंग खेलेको साहसिक इनिंग नेपाली क्रिकेट प्रेमीहरुले सधैं याद गर्नेगर्छन्। निशा जस्तै आफ्नो भावना अभिव्यक्त गर्न नडराउने शरदको स्वाभाव नेपाली टिममा र क्रिकेट जगतमा परिचित छ।

शरद र निशा दुवै अध्यात्मिक छन् र दुवै नियमित ध्यान गर्ने गर्छन्। दुवै जनाले बिपस्यना ध्यान गरिसकेका छन्।

ओशो तपोवनमा एक कार्यक्रममा शरद र निशा





थप समाचार

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]