शरदको अल-राउण्ड प्रदर्शनमा एपीएफ सेमीफाइनलमा, पुष्प र सिद्धान्त चम्किदा प्रदेश-१ को जित



( फिचर फोटो – शरद भेसावकर – फाइल )

काठमाडौं, जेठ १७ । साविकको विजेता एपिएफले गण्डकी प्रदेशलाई ६ विकेटले पराजित गर्दै राजधानीमा जारी तेस्रो प्रधानमन्त्री एक दिवसीय राष्ट्रिय क्रिकेट प्रतियोगितको सेमिफाइलनमा प्रवेश गरेको छ।

प्रतियोगिता अन्तर्गत कीर्तिपुरमा भएको खेलमा प्रदेश १ ले कर्णाली प्रदेशलाई १ सय ८१ रनको फराकिलो अन्तरले पराजित गर्दा कर्णाली प्रदेशको प्रधानमन्त्री कप यात्रा समाप्त भएको छ ।

अंकतालिका 

प्रतियोगितामा लगातार तेस्रो जित हात पार्दा एपिएफले १ सय २० बल बाँकी रहँदै गण्डकीले दिएको १ सय २६ रनको लक्ष्य भेटाउन सफल भएको थियो । एपिएफका लागि शरद भेषावाकरले अविजित ३५ रनको इनिङ्स खेल्दा प्रदिप ऐरीले ३३ तथा आशिफ शेखले २० रनको योगदान गरेका थिए । बलिङतर्फ गण्डकीका दिपेश श्रेष्ठले सर्वाधिक ३ विकेट लिएका थिए।

यस अघि टस हारेर पहिला ब्याटिङ गरेको गण्डकीले ४१.२ ओभरमा सबै विकेट गुमाएर १ सय २५ रन बनाएको थियो । गण्डकीका लागि दिपेश श्रेष्ठले सर्वाधिक २७ रन प्रहार गरे। स्कोरकार्ड 

आजको अर्को खेलमा प्रदेश-१ ले प्रस्तुत गरेको २ सय २९ रनको लक्ष्य पछ्याएको कर्णाली २० ओभरमा ४७ रनमै समेटिँदा लज्जापूर्ण हार बेहोर्यो।

कर्णालीका नितिन रावलले मात्र दोहोरो अंकमा रन बटुल्दा १७ रनको योगदान दिएका थिए । कर्णालीले सस्तैमा समेट्न प्रदेश–१ का पुष्प थापा एक्लैले ६ विकेट लिएका थिए । मुकुन्द यादवले ३ र कमल खत्रीले एक विकेट लिँदा कर्णाली सस्तैमा अलआउट भएको थियो।

Puspa Thapa ( Filee Photo )

त्यसअघि ब्याटिङ गरेको प्रदेश–१ ले ५० ओभरमा ८ विकेट गुमाएर २२८ रन बनाएको थियो। प्रदेश-१ को लागि सिद्धान्त लोहनीले सर्वाधिक ६३ रन बनाए। सिद्धान्त रन लिंदै गर्दा लड्न पुग्दा गोलिगाँठोमा चोटका कारण रिटायर्ड हर्ट हुन पुगे। फिर्दोश अन्सारीले अविजित ४५ रन बनाए।

कर्णालीका लागि प्रकाश जैसी, ललित प्याकुरेल र दिवन पुनले समान दुई विकेट लिए पनि प्रदेश–१ लाई सस्तैमा समेट्न सकेनन् । स्कोरकार्ड 





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]