Kathmandu Cricket Training Center vs Royal Rising Cricket Club
Live Score +
Home - समाचार - शक्ति गौचनलाई शरदको तारिफै तारिफ

समाचार

शक्ति गौचनलाई शरदको तारिफै तारिफ

Wicketnepal Staff
Editor
  • विकेटनेपाल, भदौ १५

१ दशक भन्दा बढी रास्ट्रिय क्रिकेट टिमको ड्रेसिंग रुममा संगै बिताएका शरद भेसावकरले आफ्नो फेसबुकमा बुधबार सिनियर क्रिकेटर शक्ति गौचनको तारिफै तारिफ गरेका छन् l

व्यक्तिगत भ्रमणको क्रममा शक्ति गौचनको गृहनगर रुपन्देही पुगेका शरदले फेसबुकमा गौचनको तारिफमा निकै शब्द खर्चिएका छन् –

“शक्ति गौचन उनलाई कसरि सम्बोधन गरौं, हिरो, प्रेरणा, लेजेण्ड, इतिहास निर्माता, प्रतिबद्ध, मेहनती र अनुशासित … ”

सन् २००४ मा रास्ट्रिय क्रिकेट टिमको लागि डेब्यु गरेका शरद भन्दा २ बर्ष अघि देखि रास्ट्रिय क्रिकेट टिमको लागि खेल्न थालेका स्पिन लेजेन्ड गौचनको तारिफ माथिको पंतिले सुरुवात गरेका भेसावकर त्यतिमै सिमित भएनन्-

“मेरो लागि वहाँ ( शक्ति ) प्यारो दाई र नेपालमा इमान्दारिता र लगावको एउटा उदाहरण हो”

गौचनलाई भेट्न उनको घरमै पुगेका भेसावकरले उनलाई भेट्दा भाग्यमानी महसुस गरेको लेखेका छन् l

 

नेपाली टिमका मुख्य स्पिनर गौचन पायल्सको कारण रास्ट्रिय टिमको बन्दसत्रबाट आफ्नो नाम फिर्ता लिंदै घरमै आराम गरिरहेका छन् l भेसावकरले गौचनको स्वास्थ्यबारे पनि लेख्दै यसो भनेका छन्-

“अस्वस्थताका बाबजुत पनि वहाँसंग फुर्सद छैन l  लगनशीलताका साथ केटाकेटिहरुलाई आफ्नो एकेडमी ( स्टार क्रिकेट एकेडेमी ) मा प्रशिक्षण दिईरहेका छन् l”

“सलाम छ दाई… भगवानले आशिर्वाद प्रदान गरुन् र प्रार्थना गर्छु सिघ्र स्वास्थ्य लाभको भगवानले तपाईलाई धेरै शक्ति दिऊन्”

गौचन र उनको छोरिसंग खिचिएको तस्बिर समेत पोस्ट गरेका भेसावकरको फेसबुक स्ट्याटसले शरदले सिनियर क्रिकेटरलाई देखाएको सम्मान प्रस्ट देखिन्छ l

आफ्नो लगनशीलता, कडा परिश्रम, बिश्वास र इमान्दारिताको कारण सफलताको शिखरमा रहेका शक्ति गौचन नेपालकै सम्मानित र सफल मध्येका क्रिकेटर हुन् l सन् २००२ देखिनै पायल्सले पिरोलिएका गौचन यो पटक रास्ट्रिय क्रिकेट टिमसंग हंगकंग टुरमा देखिने छैनन् l

भैरहवाको, पडसरी-१ बसोबास गर्ने गौचन स्टार क्रिकेट एकेडेमी संचालन गरिरहेका छन् l