पहिलो खेल अघि नेपाललाई झट्का ! शरद खेल्ने अनिश्चित

sharad vesawkar


  • विकेटनेपाल, असोज २६ 

आईसीसी बिश्व क्रिकेट लिग च्याम्पियनसिप अन्तर्गत हंगकंगसंगको खेल अघि नेपाली टिमलाई ठुलो झट्का ! लागेको छ।

नेपाली टिमका भरपर्दा ब्याट्सम्यान शरद भेसावकर ज्वरोले थालिएपछि हंगकंगसंगको पहिलो खेल गुमाउने निश्चित जस्तो भएको छ भने दोश्रो खेल पनि गुमाउन सक्ने सम्भावना रहेको छ।

शरदलाई १०१ डिग्रीको ज्वरो आएको छ जसकारण उनि बिहिबार टिमसंग अभ्यासमा पनि जान सकेनन। हंगकंग उड्नु अघि पनि अस्वस्थ रहेका शरदलाई हंगकंग पुगेपछि झनै च्यापेको हो। हंगकंग उड्नु अघि उनलाई रुघाले च्यापेको थियो ।

नेपालले अक्टोबर १३ र १५ तारिकमा हंगकंगसंग २ खेल खेल्नेछ। दुवै खेलमा जितले मात्रै नेपालको २०१९ बिश्वकप छनौट प्रतियोगितामा छनौट हुने सम्भावना जीवित रहन्छ । हंगकंगपछि नेपालले युएईसंग २ खेल खेल्न बाँकी रहेको छ ।

शरद नखेले नेपालको हंगकंगसंग खेल्ने अन्तिम ११ टिममा आरिफ शेखले स्थान बनाउने पक्का जस्तै हुनेछ।

भारत भ्रमणमा हंगकंगसंगको खेलको तयारीको क्रममा शरद उत्कृस्ट लयमा रहेका थिए र तमिलनाडु ‘ए’ टिमसंग शतकीय योगदान समेत दिएका थिए ।

बिश्व क्रिकेट लिग च्याम्पियनसिपमा शरदले हालसम्म १० खेलमा ४५.८५ को औषतमा ३२१ रन बनाईसकेका छन् । यो क्रममा शरदले ३ अर्धशतक प्रहार गरिसकेका छन् । पारस खड्का ( ३५२ ) पछि शरद नेपालको लागि च्याम्पियनसिपमा धेरै रन बनाउने खेलाडी हुन् ।

हंगकंगसंग शरदले तेश्रो नम्बरमा ब्याटिंग गर्ने सम्भावना रहेको थियो । नेपालको ओपनिंग ब्याटिंग ज्ञानेन्द्र मल्ल र सागर पुनले गर्नेछन्। शरद पछि तेश्रो नम्बरमा ब्याटिंग गर्न को आउने भन्ने प्रश्न पनि उठेको छ।

यस अघि शक्ति गौचन पायल्सको कारण नेपाली टिमको अभ्यासमै सामेल भएका थिएनन् भने विकेटकिपर ब्याट्सम्यान दिलिप नाथ पनि ढाडको समस्याको कारण बन्दसत्रबाट बाहिरिएका थिए ।

नेपालले हंगकंगसंग मिसनरोड मैदानमा शुक्रबार पहिलो खेल खेल्ने छ।

नेपाली टिम :- 

  • पारस खड्का  ( कप्तान ) , ज्ञानेन्द्र मल्ल  ( उपकप्तान ),  शरद भेसावकर, बसन्त रेग्मी, सोमपाल कामी, सागर पुन, विनोद भण्डारी, करण केसी, सुशील कँडेल, ललित भण्डारी, सुशन भारी, आरिफ शेख, दिपेन्द्र सिंह ऐरी र सन्दिप लामिछाने

( नोट – समाचार कान्तिपुरको सहयोगमा तयार पारिएको हो )





थप समाचार

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]

IPL : कोलकाताद्वारा हैदरावादलाई १८८ रनको लक्ष्य

इन्डीयन प्रिमियर लिग ( आईपीएल ) अन्तर्गत तेश्रो खेलमा कोलकाता नाइट राइडर्स र सनराइजर्स हैदरावाद प्रतिस्पर्धा गरिरहेका छन्। एमए चिदम्बरम […]

क्यानले थाल्यो नामिबियासंग एकदिवसीय सिरिजको तयारी

नेपाल क्रिकेट संघ ( क्यान ) ले आगामी मे महिनाको तेश्रो साता नामिबियासंग एकदिवसीय अन्तर्राष्ट्रिय सिरिज गर्ने तयारी गर्ने भएको […]

IPL : चेन्नाई बिरुद्ध धवनको कीर्तिमान, दिल्लीको शानदार जित

आईपीएल २०२१ अन्तर्गत दोश्रो खेलमा दिल्ली क्यापिटल्सले चेन्नाई सुपर किंग्सलाई ७ विकेटले सहजै पराजित गर्दै विजयी सुरुवात गरेको छ। मुम्बईको […]