शशिकान्त – शकुन्तला टि-२० क्रिकेट प्रतियोगिताको सेमिफाइनल समिकरण पुरा



  • फोटो फिचर : बिकाश श्रेष्ठ (देवदह क्रिकेट युनिट)
  • विकेटनेपाल – ६ चैत्र, मंगलवार

रुपन्देहीमा जारी जिल्ला स्तरीय शशिकान्त – शकुन्तला बर्मा मेमोरियल रुपन्देही टि-२० क्रिकेट प्रतियोगितामा मगलवारको खेलमा देवदह क्रिकेट युनिट र न्यू होराइजन क्रिकेट क्लबले जित दर्ता गरेका छन्। जितसंगै दुवै टोलि सेमिफाइनलमा प्रवेश गरेका छन्।

सिद्धार्थ रंगशालामा भएको दिनको पहिलो खेलमा देवदहले ज्ञानोदय क्रिकेट क्लब करहियालाई १४ रनले पराजित गर्यो। टस हारेर ब्याटिङको निम्तो पाएको देवदहले निर्धारित २० ओभरमा ८ विकेटको क्षतिमा ११४ रन बनाएको थियो। उसको इनिंगमा कुशल भूर्तेलले सर्वाधिक २८ तथा प्रकाश केसी र संदीप जोराले समान १३-१३ रन बनाएका थिए। बलिङमा ज्ञानोदयका कृष्ण पराजुलीले ३ तथा संगम थापाले २ विकेट चट्काएका थिए।

जवाफमा ११५ रनको सामान्य विजय लक्ष्यको पिछा गरेको ज्ञनोदयले १७.३ ओभरमा सबै विकेट गुमाएर १०० रन मात्र बनाउन सक्यो। उसको चेजमा संगम थापाले ३२ र निशान शर्माले २० रन बनाउँदा अन्य ब्याट्सम्यानले दोहोरो अंक जोड्न सकेनन्। बलिङमा म्यान अफद द म्याच समेत रहेका देवदहका विकास श्रेष्ठले ३ तथा सुरज दरई र अर्जुन रायमाझीले समान २-२ विकेट लिए ।

यस्तै दिनको दोस्रो खेलमा न्यू होराइजन क्रिकेट क्लबले साई ग्लोबल क्रिकेट क्लब भैरहवालाई ८ विकेटले पराजित गर्यो। जितका लागि पाएको ८३ रनको सामान्य लक्ष्य होराइजनले १७.२ ओभरमा दुई विकेटको क्षतिमा पुरा गर्न सफल भयो। उसको चेजमा नूरध्वज सेनले २८ तथा शक्ति गौचनले २६ रन बनाए। बलिङमा साई ग्लोबलका मोहम्मद हुेसेनले २ विकेट लिए।

Man Of The Match : Kushal Malla

यसअघि टस जितेर पहिला ब्याटिङ गरेको साइ ग्लोबले १९.२ ओभरमा सबै विकेट गुमाएर ८२ रन मात्रै बनाएको थियो। उसको इनिंगमा ओसुतोष पासवानले ४२ र अजय रसाइलीले १६ रन बनाएका थिए। उसलाई सस्तैमा समेट्न होराइजनका कुशल मल्लले ४ र अनिल खरेलले २ विकेट लिएका थिए। कुशल मल्ल खेलको म्यान अफ दि म्याच घोषित भए।

बुधबारहुने सेमिफाइनलका खेलहरुमा शंकरनगर क्रिकेट क्लब र देवदह क्रिकेट क्लब तथा लुम्बिनी खुकुरी क्रिकेट क्लब र न्यू होराइजन क्रिकेट क्लबबीच प्रतिस्पर्धा हुने आयोजक रुपन्देही क्रिकेट संघका अध्यक्ष प्रशान्त विक्रम मल्लले बताए ।  प्रतियोगितामा बिजयी टिमले ५० हजार रुपैयाँ र उपबिजेताले २५ हजार रुपैयाँ तथा ट्रफी प्राप्त गर्नेछन् । त्यस्तै गरी म्यान अफ दि सिरिज ले १० हजार, उत्कृष्ट बलर र ब्याट्सम्यानले जनही ५/५ हजार तथा प्रत्येक दिनको म्यान अफ द म्याचले १ हजार रुपैयाँ प्राप्त गर्ने छन् । जिल्लाका ‘ए’ डिभिजनका १२ टिम सहभागि रहेको प्रतियोगिता चैत ८ गतेसम्म चल्ने छ ।





थप समाचार

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]