शशिकान्त शकुन्तला टि–२० क्रिकेट सुरु, एपेक्स तिरुपति र शंकरनगरको विजयी सुरुवात



  • विकेटनेपाल, चैत्र १ – बिहिबार

भैरहवामा बिहीबारबाट जिल्लास्तरी शशिकान्त–शकुन्तला मेमोरियल रुपन्देही टि–२० क्रिकेट प्रतियोगिता सुरु भएको छ । रुपन्देही क्रिकेट संघको आयोजनामा भएको प्रतियोगितामा उद्घाटन सत्रमा भएका दुई खेल एपेक्स तिरुपति क्रिकेट क्लब भैरहवा र शंकरनगर क्रिकेट क्लब शंकरनगर विजयी भएका छन् ।

स्थानीय सिद्धार्थ रंगशालामा भएको पहिलो खेलमा एपेक्स तिरुपतिले आइसिएफसी प्रोफेशनल मास्टर्श ११ लाई ५ विकेटले पराजित ग¥यो । मास्टर्श ११ द्वारा जितका लागि दिइएको ८२ रनको लक्ष्यलाई तिरुपतिले १३ ओभर ५ बलमा ५ विकेटको नोक्सानीमा पुरा ग¥यो । तिरुपतिका लागी राहुल लोहारले सर्बाधिक २५ रन बनाए भने कृष्ण सेनले २१ रन तथा महेश मिश्राले ११ रनको योगदान दिए । मास्टर्श ११ का युगल थापाले २ तथा बले ठकुरी, सागर खड्का र शैलेश श्रीबास्तबले समान १/१ विकेट लिए ।

यस अघि टस जितेर ब्याटिङ गरेको मास्टर्श ११ ले ९ विकेट गुमाउँदै ८१ रनको योगफल तयार गरेको थियो । मास्टर्श ११ का लागि आदित्य त्रिपाठीले २३ रन बनाए भने बिनायक शर्माले १७ र धन बहादुर गुरुङले १६ रन बनाए । बलिङमा तिरुपतिका मैनुद्धिन खान, आयुश पाण्डे, महेश मिश्रा र कृष्ण सेनले समान २/२ विकेट लिए । खेलमा तिरुपतिका मैनुद्धिन अहमद म्यान अद म्याच घोषित भए ।

दोस्रो खेलमा शंकरनगरले बुद्ध क्रिकेट क्लब भैरहवालाई ५८ रनले पराजित गरेको छ । टस जितेर पहिला ब्याटिङ गरेको शंकरनगरले ७ विकेटको क्षतिमा १ सय ७४ रनको योगफल तयार गरेको थियो । उसका लागि ईश्वर गुरुङले नटआउट ४८, अजय कौशिल्याले ४६, संदीप सुनारले ३५ तथा तुलबहादुर थापाले २० रन बनाए । बलिङमा बुद्धका प्रवेज आलमले ३ र रुपेश कुर्मीले २ विकेट लिए ।

प्रउित्तरमा बुद्धले ६ विकेटको क्षतिमा जम्मा १ सय १६ रन मात्रै बनायो । उसका लागि रिजन प्रजूले ३१, भोला यादवले नटआउट २३ र रुपेश कुर्मीले २२ रन बनाए । बलिङमा शंकरनगरका सुदन श्रेष्ठले ४ तथा सुनिल पौडेल र संदीप सुनारले १/१ विकेट लिए । खेलमा ईश्वर गुरुङ म्यान अफ द म्याच घोषित भए ।

शुक्रबार पहिलो खेल बुम एमसिसी क्रिकेट क्लब भैरहवा र ज्ञानोदय क्रिकेट क्लब करहियाबीच हुनेछ भने दोस्रो खेल शिवशक्ति क्रिकेट क्लब भैरहवा र बुद्ध क्रिकेट क्लब भैरहवाबीच प्रतिस्पर्धा हुने छ । प्रतियोगितामा बिजयी टिमले ५० हजार रुपैयाँ र उपबिजेताले २५ हजार रुपैयाँ तथा ट्रफी प्राप्त गर्नेछन् । त्यस्तै गरी म्यान अफ दि सिरिज ले १० हजार, उत्कृष्ट बलर र ब्याट्सम्यानले जनही ५/५ हजार तथा प्रत्येक दिनको म्यान अफ द म्याचले १ हजार रुपैयाँ प्राप्त गर्ने छन् । जिल्लाका ‘ए’ डिभिजनका १२ टिम सहभागि रहेको प्रतियोगिता चैत ८ गतेसम्म चल्ने छ ।





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]