बिशाल जित सहित शिवशक्ति सेमीफाइनलमा : रुपन्देही सुपर लिग



  • विकेटनेपाल- भैरहवा, १ फागुन 

रुपन्देहीको भैरहवास्थित सिद्धार्थ रंगशालामा जारी जिल्लास्तरीय सुपर लिगमामा आइतबार भएको समूह डीको अन्तिम खेलमा शिवशक्ति क्रिकेट क्लब भैरहवाले बुटवल ११ क्रिकेट क्लब बुटवललाई १० विकेटले हराउँदै विजयी भएको छ।

जितसँगै शिवशक्ति सेमिफइनलमा प्रवेश गरेको छ भने बुटवल ११ रेलिगेशनमा पर्दै बी डिभिजनमा घटुवा भएको छ।

टस जितेर पहिला ब्याटिङ गरेको बुटवल ११ ले निर्धारित ४० ओभरको खेलमा २१.५ ओभरमा सबै विकेट गुमाउँदै जम्मा ४१ रन बनाएको थियो । जसमा प्रथम पराजुलीले ११ रन मात्र बनाए भने अन्य ब्याट्सम्यान दोहोर अंक बटुल्न नसक्दा टिम धरासायी बनेको थियो। शिवशक्तिका लागि अख्तर हुसेनले ५, कृष्ण कार्की र दुर्गेश कुर्मीले समान २/२ विकेट लिएका थिए।

प्रतिउत्तरमा मैदान छिरेको शिवशक्तिले ६.१ ओभरमा ४२ रन बनाउँदै सहजै जित हासिल गर्यो। शिवशक्तिका लागि अनिल थापाले नटआउट २० तथा अन्तर्राष्ट्रिय खेलाडी बसन्त रेग्मीले नटआउट १६ रन बनाएका थिए। खेलको म्यान अफ द म्याच शिवशक्तिका अख्तर हुसेन घोषित भए।

आजको खेलसँगै लिग चरणका सबै खेल सकिएका छन् भने सोमबार देखि सेमिफाइनलका खेल सुरु हुने आयोजकले जनाएको छ । सोमबार लुम्बिनी खुकुरी क्रिकेट क्लब बेलहिया र वेष्टर्न क्रिकेट क्लब बुटवलबीच प्रतिस्पर्धा हुने छ । त्यस्तै मंगलबार एपेक्स क्रिकेट क्लब शंकरनगर र शिवशक्ति क्रिकेट क्लब भैरहवाबीच प्रतिस्पर्धा हुनेछ।

रुपन्देही क्रिकेट संघको आयोजना, नेपाल टेलिकमको प्रमुख प्रायोजन र बुम रेमिटको सहप्रायोजनमा जारी प्रतियोगिता फागुन ४ गतेसम्म संचालन हुनेछ । प्रतियोगिताका बिजेताले ५० हजार, उपबिजेताले २५ हजार, उत्कृष्ट खेलाडीले १० हजार, उत्कृष्ट बलर र उत्कृष्ट ब्याट्सम्यान दुबैले ५/५ हजार नगद पुरस्कार पाउने छन् ।





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]