शोयब अख्तरको दावी, यस कारण बुम्राहको क्रिकेट करियर धेरै लामो चल्ने छैन



भारतीय क्रिकेट टिमका उत्कृस्ट तिब्र गति बलर जस्प्रित बुम्राहले छोटो समयमै आफ्नो बलिंगले तिन वटै फर्म्याटमा आफुलाई सावित गरिसकेका छन्। बुम्राह आफ्नो फरक बलिंग याक्सन र धारिलो योर्करका कारण विश्वभरका ब्याट्सम्यानको लागि मुस्किल बलर बन्दै आएका छन्। २७ वर्षीय बुम्राह बारे पुर्व पाकिस्तानी तिब्र गति बलर शोयब अख्तरले आफ्नो धारणा व्यक्त गर्दै उनको करियर लामो नहुने दावी गरेका हुन्।

अख्तरले  बुम्राह तिन वटै फर्म्याटमा खेलीरहेको र उनको जुन तरिकाको बलिंग गर्ने तरिका ( याक्सन ) रहेको छ त्यसकारण घाइते हुने सम्भावना ज्यादा भएको बताएका छन्। अख्तरले बुम्राहलाई तिन वटै फर्म्याटमा नखेल्न समेत सुझाव दिएका छन्।

दायाँ हाते बलर बुम्राहले गत वर्ष घाइते भएकै कारण धेरै खेलहरु गुमाउन पुगेका थिए जसपछि न्युजिल्याण्डसंग २०२० को सुरुवातमा कम्ब्याक गरेका थिए।

“बुम्राहको बलिंग याक्सन निकै अफ्टेरो छ। उनले सबै फर्म्याट खेल्न सक्दैनन्।” अख्तरले पुर्व भारतीय क्रिकेटर आकाश चोपडासंग आफ्नो युट्युब शो आकाशवाणीमा कुराकानीको क्रममा बताएका हुन्।

“उनको बलिंग याक्सन फ्रन्ट-अन छ जसकारण बलिंग गर्दा शरीरको सारा भार कम्मरमा पर्छ।” अख्तर

बुम्राह हाल विश्वकै उत्कृस्ट फास्ट बलरहरु मध्ये एक हुन् जसले २०१८/१९ मा अस्ट्रेलिया बिरुद्ध भारतको पहिलो टेस्ट सिरिज जितमा महत्वपूर्ण भूमिका निभाएका थिए। त्यसपश्चात ढाडको ओसमस्यका कारण उनले न्युजिल्यान्ड सिरिज अघि घरेलु सिजन गुमाउनु परेको थियो।

“यो उनको बहादुरी हो कि उनले टेस्ट म्याचमा पनि आफ्नो कला देखाएका छन्। उनि निकै मेहनती र एकाग्र खेलाडी हुन्। उनलाई थाहा छ उनि कता जाँदैछन्। तर उनको ढाडले उनलाई साथ देला ?” अख्तरले प्रश्न गरे।

“उनको बलिंग याक्सन फ्रन्ट-अन छ जसकारण बलिंग गर्दा शरीरको सारा भार कम्मरमा पर्छ। उनको ढाडले कहिलेसम्म त्यति भार धान्छ, यो समस्या आउनुनै थियो। म उनलाई त्यो समस्या आउनु अघि देखि नियालीरहेको थिए। म आफ्नो साथीहरुलाई बताउदै आएको थिए कि उनलाई पछि ढाडले सताउनेछ।”  अख्तरले आफुले निकै अघि बुम्राहको याक्सन देखेर उनलाई त्यस्तो समस्या आउने अनुमान गरेको बताए।

बुम्राहले भारतको लागि १४ टेस्टमा २०.३३ को औशतले ६८ विकेट लिईसकेका छन्। एकदिवसीयमा ६४ खेलमा १०४ विकेट तथा टि-२० मा ५० खेलमा ५९ विकेट आफ्नो नाम गरिसकेका छन्। उनले २०१६ मा भारतको लागि एकदिवसीय र टि-२० मा अस्ट्रेलिया बिरुद्ध डेब्यु गरेका थिए भने २०१८ मा दक्षिण अफ्रीका बिरुद्ध टेस्ट डेब्यु गरेका थिए।

अख्तरले मोहम्मद शामीको याक्सन बारे बोल्दै उनको शरीरको माथिल्लो हिस्सा बलियो रहेको र उनलाई शरीरको तल्लो भागमा समस्या हुने सम्भावना रहेको बताए। शामी चतुर बलर रहेकोले उनले आफुलाई बलियो राखीराखे उनि फिट हुने बताए। यस्तै अख्तरले जोफ्रा आर्चरको पनि याक्सन शरीरलाई बढी भार दिने र ढाड तथा काँधमा बढी जोर पढ्ने बताए।

धेरैले पढीरहेको :-

इंग्ल्यान्डसंग हार पछि अक्रमद्वारा पाकिस्तान कप्तानको आलोचना

 

सिपिएल टि-२० : कुन टिममा को-को छन् खेलाडीहरु





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]