शोयब मलिक टि-२० क्रिकेटमा १० हजार रन पुरा गर्ने पहिलो एशियाली ब्याट्सम्यान



भेट्रान पाकिस्तान अलराउण्डर शोयब मलिक टि-२० क्रिकेटमा १० हजार रन पुरा गर्ने एशिया र पाकिस्तानको पहिलो क्रिकेटर बनेका छन्। मलिक यो कोसेढुङ्गा पार गर्ने विश्वकै तेश्रो क्रिकेटर पनि बनेका छन्। पाकिस्तानमा जारि नेसनल टि-२० कप प्रतियोगितामा मलिकले शनिवार खेबर पख्तुनख्वाबाट खेल्दै इतिहास ऐतिहासिक कीर्तिमान बनाएका हुन्।

मलिकले बलुचिस्तान बिरुद्ध ४४ बलमा ७४ रन बनाउदै यो उपलब्धि हाँसिल गरेका थिए। मलिकको कीर्तिमानको बाबजुद खेलमा मलिकको टिम भने ६ विकेटले पराजित भयो।

२००५ मा टि-२० क्रिकेटमा डेब्यु गरेका मलिकले ३९५ टि-२० खेल्ने क्रममा कुल १० हजार २७ रन बनाएका छन् जुन क्रममा १२५.७१ को स्ट्राइक रेट र ३७.४१ को औशतले रन बनाएका हुन्। यस क्रममा उनले ६२ अर्धशतक प्रहार गरेका छन्। उनले अझै शतक भने प्रहार गर्न सकेका छैनन्। बलिंगतर्फ पनि मलिकले ७.०३ को उत्कृस्ट इकोनोमिले १४८ विकेट लिएका छन्।

३८ वर्षीय दायाँ हाते ब्याट्सम्यान मलिकले पाकिस्तानको लागि ११६ टि-२० अन्तर्राष्ट्रिय खेल्ने क्रममा २,३३५ रन बनाएका छन्। बाँकी रन उनले पाकिस्तानको घरेलु प्रतियोगिता तथा विदेशी टि-२० लिगहरुमा बनाएका हुन्।

विश्व क्रिकेटको कुरा गर्ने हो भने मलिक भन्दा अघि क्रिस गेल र काइरन पोलार्डले मात्र टि-२० क्रिकेटमा १० हजार रन पुरा गर्न सकेका छन्। गेल टि-२० मा सर्वाधिक रन बनाउने ब्याट्सम्यान हुन् जसले १३ हजार २ सय ९६ रन बनाएका छन्। दोश्रो धेरै रन बनाएका पोलार्डले १० हजार ३ सय ७० रन बनाएका छन्।

ऐतिहासिक कोसेढुङ्गा पार गरेपछि मलिकले ट्वीटरमार्फत प्रतिक्रिया दिएका छन् –

“म पाकिस्तानी जनताहरुलाई बधाई दिन चाहन्छु कि म टि-२० क्रिकेटमा १० हजार रन पुरा गर्ने पहिले एसियाली ब्याट्सम्यान बन्न सफल भएको छु। म यो कोसेढुङ्गालाई मेरो परिवार प्रति समर्पित गर्न चाहन्छु। उनीहरुले मेरो लागि सधै प्रार्थना गर्नुभएको छ। मेरो बाबा हुनु भएको भए वहाँ धेरै खुसि हुनुहुन्थ्यो , तर जीवन यस्तै हो। म जहाँ पनि जान्छु म खेल अघि आमासंग कुरा गरेर आशीर्वाद लिने गर्छु। म मेरो साथी खेलाडीहरु, ग्राउण्ड स्टाफ, समर्थकहरुलाई विशेष धन्यवाद दिन चाहन्छु।” मलिकले लेखेका छन्।

टि-२० क्रिकेटमा धेरै रन बनाउने ५ ब्याट्सम्यान 

क्रिस गेल – १३,२९६ रन ( ४०४ खेलको ३९६ इनिंग )

काइरन पोलार्ड – १०,३७० रन ( ५१८ खेलको ४६२ इनिंग )

शोयब मालिक – १०,०२७ रन ( ३९५ खेलको ३६८ इनिंग )

ब्रेण्डन म्याकलम – ९,९२२ रन ( ३७० खेलको ३६४ इनिंग )

डेभिड वार्नर – ९,५०३ रन ( २८८ खेलको २८७ इनिंग )

टियु मैदानका ग्राउण्ड स्टाफलाई सन्दिपद्वारा घोषित सहयोग रकम हस्तान्तरण

IPL : अरेन्ज क्याप रेसमा राहुलले बढाए अग्रता, अंकतालिकाको अवस्था के छ

“जहाजमा धेरै प्वाल छन् , एउटा थुन्दा अर्को ठाउँबाट पानि चुहिरहेको छ।” – धोनी

७ फिट ६ इन्च अग्ला पाकिस्तानि बलरको ‘विश्वकै अग्लो बलर’ बन्ने लक्ष्य





थप समाचार

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]

क्यानको सम्पूर्ण घरेलु प्रतियोगिता एक्सन स्पोर्ट्सले प्रत्यक्ष प्रशारण गर्ने

नेपाल क्रिकेट संघले ( क्यान )  आयोजना गर्ने सम्पूर्ण घरेलु प्रतियोगिताहरुको प्रत्यक्ष प्रशारण गर्ने अधिकार डिश  मिडिया नेटवर्कले पाएको छ। […]

अभ्यास खेलमा जडेजा र राहुलको उत्कृस्ट प्रदर्शन

भारतको इंग्ल्यान्ड भ्रमण अन्तर्गत अगस्ट ४ देखि सुरु हुने पाँच टेस्टको सिरिज अघि भारत र काउन्टी सेलेक्स-११ बीचको तिन दिवसीय […]

सुरु भयो ‘द हन्ड्रेड’ लिग : प्रतिस्पर्धात्मक खेलमा ओभल विजयी

रोमान्चक खेलमा जोस बटलर कप्तानीको म्यानचेस्टर ओरिजिनल्सलाई ९ रनले पराजित गर्दै स्याम बिलिंग्स कप्तानीको ओभल इन्भिन्सिबल्सले ‘द हन्ड्रेड’ लिगको उद्घाटन […]