मलिकको शानदार इनिंग र बुम्राहको बलिङ्ग – पाकिस्तानले बनायो २३७



  • विकेटनेपाल, असोज

युएईमा जारि १४ औं एसिया कप क्रिकेट अन्तर्गत भारत र पाकिस्तान बीच अहिले सुपर-४ चरणको खेल चलिरहेको छ।

पहिलो इनिंगको खेल समाप्त हुँदा टस जितेर ब्याटिंग रोजेको पाकिस्तानले भारतलाई २३८ रनको लक्ष्य प्रस्तुत गरेको छ। निर्धारित ५० ओभरमा ७ विकेट गुमाएर पाकिस्तानले उक्त योगफल तयार गरेको हो।

खराब सुरुवात गर्ने क्रममा पाकिस्तानले ५८ रनको योगफलमा पहिलो ३ विकेट गुमाईसकेको थियो। ओपनर इमाम उल हक ( १० ) , बाबर आजम ( ९ ) तथा फखार जमन ( ३१ ) आउट हुँदा समस्यामा परेको इनिंगलाई कप्तान सरफराज अहमद र शोयब मलिकको साझेदारीले उकास्यो।

चौथो विकेटको लागि मालिक र अहमदले १०७ रनको साझेदारी गरेपछि अहमदलाई कुलदिप यादबले व्यक्तिगत ४४ रनको स्कोरमा पेभेलियन फर्काए। त्यसपछि मलिकले पाँचौ विकेटको लागि आसिफ अलिसंग ३८ रनको साझेदारी गरे।

अफगानिस्तानसंग अघिल्लो खेलमा अविजित ५१ रनको शानदार इनिंग खेलेका मलिकले पुनः ७८ रनको महत्वपूर्ण इनिंग खेल्दै ४४ औं ओभरमा आउट हुन पुगे। त्यस अघि उनले ९० बलमा ४ चौका र २ छक्का प्रहार गरे। २१ बलमा २ छक्का र १ चौका मदतले ३० रन बनाएर असिफ अलि पनि आउट हुँदा पाकिस्तानले २०० रन पार गरिसकेको थियो।

भारत मलिक र अलिको इनिंग पछि रनमा अंकुस लगाउन सफल रहे पनि ४० ओभरमा १६९ बाट अन्तिम १० ओभरमा पाकिस्तानले ६८ रन बटुल्न सक्यो।

भारतको लागि जस्प्रित बुम्राह ( १०-१-२९-२ ) , कुलदिप यादब ( १०-०-४१-२ ) र युज्भेन्द्र चाहल ( ९-०-४६-२ ) ले समान २/२ विकेट हात पारे।

सुपर-४ चरण अन्तर्गत भारतले पहिलो खेलमा बंगलादेशलाई ७ विकेटले तथा पाकिस्तानले अफगानिस्तानलाई ३ विकेटले पराजित गरेको थियो। समुह चरणको खेलमा पाकिस्तानलाई भारतले सहजै ८ विकेटले पराजित गरेको थियो।





थप समाचार

कुशल र आसिफले कीर्तिमानी साझेदारी गर्दा नेपालको शानदार जित

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ। टियु […]

नेदरल्याण्डद्वारा नेपाललाई मध्यम लक्ष्य

नेपाल, नेदरल्याण्ड र मलेसिया बीच त्रिकोणात्मक टि-ट्वान्टी सिरिज सुरु भएको छ। सिरिज अन्तर्गत पहिलो खेलमा नेदरल्याण्ड र नेपाल प्रतिस्पर्धा गर्दैछन्। टियु […]

ट्राइ सिरिज : नेपालले पहिले फिल्डिंग रोज्यो, कुशल, आसिफ र शाहबले डेब्यु गर्दै

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत उद्घाटन खेलमा शनिवार नेपाल र नेदरल्याण्ड प्रतिस्पर्धा गर्दैछन्। खेल टियु अन्तर्राष्ट्रिय […]

ट्राई सिरिज : नेपाल र नेदरल्याण्ड आज खेल्दै , कस्तो होला नेपालको अन्तिम-११

नेपाली भूमिमा पहिलो पटक त्रिकोणात्मक टि-ट्वान्टी अन्तर्राष्ट्रिय सिरिजको आयोजना शनिवार देखि सुरु हुँदैछ। नेपालले घरेलु भूमिमा नेदरल्याण्ड र मलेसियासंग टि-ट्वान्टी […]

IPL : चेन्नाईद्वारा पन्जाब ६ विकेटले पराजित

पन्जाब किंग्सलाई ६  विकेटले पराजित गर्दै चेन्नाई सुपर किंग्सले आईपीएल १४ मा पहिलो जित दर्ता गएको छ। पछिल्लो खेलमा चेन्नाई […]

दक्षिण अफ्रीका ३ विकेटले पराजित, पाकिस्तानले जित्यो सिरिज

दक्षिण अफ्रीकालाई रोमान्चक प्रतिस्पर्धामा ३ विकेटले पराजित गर्दै पाकिस्तानले घरेलु टोलि दक्षिण अफ्रीका बिरुद्धको चार वटा टि-२० को सिरिज ३-१ […]