शुबेन्दु र राजबिरको योगदानमा बर्दियाको दोश्रो जित, फाइनल सम्भावना जिवितै

Rajbir Singh


  • विकेटनेपाल, ९ बैशाख  – कोहलपुर 

आशिर्वाद पेन्ट्स नेपालगंज कप टि-२० प्रतियोगिता अन्तर्गत आइतबार सम्पन्न २ वटा खेलमा बर्दिया टाइगर्स र रोल्पा गोरिल्लाजले जित दर्ता गरेका छन्।

लिगको अन्तिम २ खेल सोमबार खेलिनु अघि अंकतालिकामा रोल्पा गोरिल्लाजको ५ खेलमा ४ जित सहित ८ अंक भएको छ। यस्तै ४/४ खेल खेलेको दंगाली गोर्खाज र लुम्बिनी यात्रिजको ३/३ जित सहित ६/६ अंक भएको छ। सोमबार हुने २ वटा खेल मध्ये पहिलो खेलमा दंगाली गोर्खाजले पाल्पा योद्दाजको तथा दोश्रो खेलमा बर्दिया टाइगर्सले लुम्बिनी यत्रिजको सामना गर्नेछ जसपछि लिगको उत्कृस्ट २ हुँदै फाइनल पुग्ने टिमको टुंगो लाग्नेछ।

कोहलपुर प्रस्तावित अन्तर्राष्ट्रिय मैदानमा आइतबार सम्पन्न दोश्रो खेलमा पहिले ब्याटिंग गर्दै बाँके ब्लास्टर्सले दिएको १४१ रनको लक्ष्य बर्दिया टाइगर्सले १८.४ ओभरमा ४ विकेट गुमाएर पुरा गर्यो।

शुबेन्दु पाण्डे प्लेयर अफ द म्याच चुनिए

बर्दियाको जितमा प्लेयर अफ द म्याच समेत चुनिएका कप्तान शुबेन्दु पाण्डेले अविजित ४६ रन बनाए जुन क्रममा ३५ बलमा ४ चौका प्रहार गरे। यस्तै ओपनिंग ब्याटिंग गरेका राजबिर सिंहले ३५ बलमा ७ चौका मदतले ४३ रन बनाए भने बिश्वास श्रेष्ठले १९ तथा जितेन्द्र ठकुरीले १४ रनको योगदान दिए। बाँके बलर बिशाल केसीले २ तथा रोमन बमले १ विकेट लिए।

यस अघि टस हारेर पहिले ब्याटिंग गरेको बाँके ब्लास्टर्सले पुरै २० ओभरमा ६ विकेट गुमाएर १४० रनको योगफल तयार गरेको थियो।

महेश क्षेत्रीले ४९ रन बनाए

बाँकेको लागि कप्तान महेश क्षेत्रीले ओपनिंग ब्याटिंग गर्दै अविजित सर्वाधिक ४९ रन बनाए जुन क्रममा ५५ बलमा ५ चौका प्रहार गरे। यस्तै अर्का ओपनर बिपिन रावलले २३ रन ( १६ बल, ३ चौका र १ छक्का ) , अजय साहनीले १७ रन तथा बिशाल केसीले १६ रन योगदान दिए।

बर्दिया टाइगर्सका बलर दुर्गेश गुप्ता र भारत थापाले समान २/२ विकेट लिए।

बलिंग गर्दै बर्दिया बलर रोमन बम

पहिलो खेल – 

सातौँ दिनको पहिलो खेलमा पप्पु कन्स्ट्रक्सन रोल्पा गोरिल्लाजले एभरोल टिएमटि लुम्बिनी यात्रिजलाई रोमान्चक खेलमा ४ रनले पराजित गरेको छ।

जित पछि रोल्पा गोरिल्लाजले ५ खेलमा ४ जित र १ हार बेहोरेको छ र अंकतालिकाको शिर्ष स्थानमा रहेको छ। लुम्बिनी यात्रिजले भने ४ खेल खेल्दा ३ जित र १ हार बेहोरेको छ। अब बाँकी खेलहरुको नतिजाले दुवै टिम फाइनल पुग्ने नपुग्ने पक्का गर्नेछ।

रोल्पाले पहिले ब्याटिंग गर्दै दिएको १४२ रनको लक्ष्य पछ्याउने क्रममा अन्तिम ओभरमा ६ रन आवस्यक रहेको अवस्थामा रोल्पा बलर भिम शार्कीले मात्र १ रन दिएर २ विकेट निकालेपछि लुम्बिनी १९.५ ओभरमा १३७ रनमा अलआउट हुन पुग्यो। शार्की खेलको प्लेयर अफ द म्याच समेत चुनिए।

लक्ष्य पछ्याउने क्रममा लुम्बिनीका कप्तान कृष्ण कार्कीले सर्वाधिक ३५ रन बनाउने क्रममा ३० बलमा २ चौका र २ छक्का प्रहार गरे। यस्तै बिशाल खत्री र कुशल मल्लले समान २० रन बनाए भने अन्तिम विकेटको रुपमा आउट भएका बसिर अहमदले २४ रन बनाए। रोल्पा बलर भिम शार्की र बसन्त कार्कीले समान २/२ विकेट हात पारे। भिमले ३.५ ओभरमा २५ रन तथा बसन्तले ३ ओभरमा २२ रन दिए।

यस अघि टस जितेर ब्याटिंग गरेको पप्पु कन्स्ट्रक्सन रोल्पा गोरिल्लाजले २० ओभरमा ७ विकेट गुमाएर १४१ रन बनायो।

रोल्पाको लागि ओपनिंग ब्याटिंग गरेका नन्दन यादबले ३५ बलमा ३ चौका र ४ छक्का मदतले सर्वाधिक ४० रन योगदान दिए। यस्तै आकाश थापा ३९, कप्तान सौरभ खनालले २७ तथा भिम शार्कीले २३ रन बनाए। लुम्बिनी यात्रिजका बलर सोम शर्माले सर्वाधिक ३ विकेट प्राप्त गर्न ३ ओभरमा मात्र ९ रन खर्चिए। कृष्ण कार्की,  बसिर अहमद र निजामुद्दिन हलवाईले समान १/१ विकेट लिए।

भिम शार्कीले अलराउण्ड योगदान दिए
नन्दन यादबले ४० रन बनाए





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]