नवनियुक्त सदस्य–सचिव सिलवालद्वारा पदबहाली



  • विकेटनेपाल, काठमाडौं, असार २३ गते ।

राष्ट्रिय खेलकुद परिषद् (राखेप) का नवनियुक्त सदस्य–सचिव रमेशकुमार सिलवालले आइतबार पदबहाली गरेका छन् । सिलवाललाई सोमबारै युवा तथा खेलकुद मन्त्री जगतबहादुर सुनार (विश्वकर्मा) ले सदस्य–सचिवमा नियुक्त गरेका हुन् ।

पदबहाली अघि खेलकुद मन्त्री विश्वकर्माले सिलवाललाई पद तथा गोपनीयताको शपथ खुवाएका थिए । निवर्तमान सदस्य–सचिव केशवकुमार विष्टको ४ वर्षे कार्यकाल असार ९ गते सकिएपछि सदस्य–सचिव पद रिक्त थियो।

कार्यक्रमलाई सम्बोधन गर्दै मन्त्री विश्वकर्माले नवनियुक्त सदस्य–सचिवलाई आफूले पाएको जिम्मेवारीमा ढृद्ध भएर अगाडि बढ्न आवश्यक रहेको बताउदै निवर्तमान सदस्य–सचिवसंगको सहकार्य सुखद रहेको बताए ।

सांसद एवं नेपाल ओलम्पिक कमिटीका अध्यक्ष जीवनराम श्रेष्ठले खेलकुद बुझेकोले खेलकुदको नेतृत्व पाएकोमा खुशी व्यक्त गर्दै निर्धारित समयमा साग सम्पन्न गर्नु मुख्य चुनौती रहेको बताए ।

खेलकुद मन्त्रालयका सचिव कृष्णप्रसाद देवकोटाले सागको तयारी अहिले म्याराथनको अवस्थामा रहेको र यसलाई एक सय मिटर दौडको गतिमा लान आवश्यक रहेको बताउदै नवनियुक्त सदस्य–सचिवबाट धेरै आशा गरिएको बताए ।

राखेपका उपाध्यक्ष पिताम्बर तिम्सिनाले नवनियुक्त सदस्य–सचिवको कार्यकालमा खेलकुदले झन गति लिने बताउदै त्यस कार्यमा सबैको साथ रहने प्रतिबद्धता व्यक्त गरे ।

नवनियुक्त सदस्य–सचिव सिलवालले आफूले सबै भन्दा माया गर्ने विधा खेलकुद भएको बताउदै जागिर खान नभइ खेलकुदमा केहि गरौं भनेर खेलकुद परिदमा आएको बताए । उनले १३ औं साग अवसर र चुनौती दुवै भएको बताउदै साग समयमै आयोजना हुनु पर्छ भन्नेमा आफू सचेत रहेको बताए ।

निवर्तमान सदस्य–सचिव विष्टले खेलकुद क्षेत्रमा लामो समयदेखि संलग्न एक योग्य व्यक्तिले खेलकुद परिषद्को नेतृत्व पाएको बताउदै आफ्नो जिम्मेवारीलाई सफलतापूर्वक निर्वाह गर्न सहयोग गर्ने सबैलाई धन्यवाद दिए । निवर्तमान सदस्य–सचिव विष्ट नवनियुक्त सदस्य–सचिव सिलवालको शपथ र पदबहाली दुवै कार्यक्रममा सहभागी भएका थिए।

गोल्डेन गेट कलेजको संचालक रहेका सिलवाल प्रधानमन्त्रि केपी ओली निकट हुन्। उनि उच्च शिक्षालय तथा माध्यमिक विद्यालय संघ नेपाल (हिसान) का अध्यक्ष समेत हुन्। शिलवाल एमालेसम्बद्ध मदन भण्डारी स्पोर्ट्स एकेडेमीको समेत अध्यक्ष रहीसकेका छन्। पार्टी राजनीतिमा समेत ओली युवा संघको अध्यक्ष हुँदा सिलवालले सचिव भएर काम गरेका थिए।

शिलवाल धनगढी प्रिमियर लिग डिपीएल टिम काठमाडौँ गोल्डेनसका मालिक समेत हुन्। डिपीएलको क्वालीफायरमा पुगे पनि आफ्नो बिदेशी खेलाडीलाई प्रतिबन्ध लगाएको कारण क्वालीफायर खेल बहिस्कार गरेको थियो।

२०७२ साल पुषमा राष्ट्रिय खेलकुद परिषदले नेपाल क्रिकेट संघको तदर्थ समिति गठन गर्दा शिलवाललाई नेतृत्व दिईएको थियो। क्रिकेट संघले त्यस बेला गरेको साधारणसभालाई मान्यता नदिंदै राखेपले तदर्थ समिति बनाएको थियो। राखेपले सन् २०७१ कार्तिकमा विनय राज पाण्डेको नेतृत्वमा तदर्थ समिति बनाउदा समेत शिलवाललाई महासचिव बनाईएको थियो। सर्वोच्च अदालतले भने तदर्थ समितिलाई मान्यता दिएको थिएन। त्यही विवाद पछि २०७३ साल बैशाखमा आईसीसीले नेपाल क्रिकेट संघलाई राजनीतिक हस्तक्षेप भएको भन्दै निलम्बन गरेको थियो।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]