टि-२० विश्वकप छनौट एसिया फाइनल सुरु, आयोजक सिंगापुरको विजयी सुरुवात



आईसीसी टि-२० विश्वकप छनौट ( एसिया फाइनल ) सिंगापुरमा आज देखि सुरु भएको छ। उद्घाटन खेलमा आयोजक सिंगापुरले कतारलाई ३३ रनले पराजित गर्दै विजयी सुरुवात गरेको छ।

आयोजक सिंगापुर सहित नेपाल, कतार, कुवेत र मलेसिया सहभागी प्रतियोगिताको विजेता टिम युएईमा अक्टोबर ११ देखि सुरु हुने टि-२० विश्वकप ग्लोबल छनौट खेल्न छानिनेछ। विस्तृतमा

विजयी सुरुवात गर्ने क्रममा सिंगापुरले पहिले ब्याटिंग गर्दै दिएको १८७ रनको लक्ष्य पछ्याउने क्रममा कतारले २० ओभरमा ९ विकेट गुमाएर १५३ रन मात्रै बनाउन सक्यो।  कतार ब्याट्सम्यान तमुर सजिदले सर्वाधिक ३४ मोहम्मद रिज्लानले अविजित ३३ रन बनाए।

सिंगापुर बलर जनक प्रकास ( ४-१-१५-३ ) र अमजद महबुब ( ४-०-३८-३ ) ले ३/३ विकेट लिए।

Singapore Cricket Team ( File Photo ) 

यस अघि इन्डियन एसोसीएसन मैदान सिंगापुरमा टस जितेर ब्याटिंग रोजेको सिंगापुरले २० ओभरमा ७ विकेट गुमाएर १८६ रनको योगफल तयार गरेको थियो।

सिंगापुरको लागि सुरेन्द्रन चन्द्रमोहनले सर्वाधिक ४७ रन बाए जुन क्रममा ३९ बलमा ५ चौका र २ छक्का प्रहार गरे। यस्तै टिम डेभिडले ३८ ( २९ बलमा ३ चौका १ छक्का ) , मनप्रित सिंहले ३४ ( १८ बलमा १ चौका र २ छक्का ) र रोहन रंगराजनले ३२ रन ( २० बलमा ३ चौका र २ छक्का ) बनाए।

कतार बलर इकबाल हुसेनले ४ विकेट ( ४-०-३३-४ ) र नौमन सर्वारले २ विकेट ( ४-०-३८-२ ) लिए।

आजै दोश्रो खेलमा कुवेत र मलेसिया प्रतिस्पर्धा गर्दैछन्। नेपालले मंगलबार कतारसंग खेल्दै प्रतियोगिताको सुरुवात गर्नेछ। खेल नेपाली समय विहान ७:१५ बजे सुरु हुनेछ। भोलिनै सिंगापुर र कुवेत दोश्रो खेलमा प्रतिस्पर्धा गर्नेछन्।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]