रोमाञ्चक खेलमा सिंगापुरसंग स्कटल्याण्ड पराजित



सन् २०२० मा अष्ट्रेलियामा आयोजना हुने टि-२० विश्वकपको रोडम्यापको रुपमा रहेको टि-२० विश्वकप छनोट अन्तर्गत पहिलो खेलमा सिंगापुरले स्कटल्याण्डलाई पराजित गरेको छ ।

आइसीसी एकेडेमी दुबईमा सम्पन्न खेलमा अन्तिम ओभरमा ४ विकेट रहंदा ८ रन बनाउन नसकेपछि स्कटल्याण्ड २ रनले पराजित भएको हो । अमजद महबुबले पहिलो २ बलमा मात्र १ रन खर्चे । तेस्रो र चौथो बलमा लगातार विकेट लिए । त्यसपछि स्कटल्याण्डलाई २ बलमा ५ रन चाहिएको थियो । तर महबुबले पाचौं बल पनि डट फाले । अन्तिम बलमा ५ रन चाहिँदा मात्र २ रन दौडिन सकेपछि सिंगापुरले रोमाञ्चक जित हात पार्यो ।

सिंगापुरले दिएको १६९ रनको विजयी लक्ष्य पछ्याएको स्कटल्याण्डले २० ओभरमा ९ विकेट गुमाएर १६६ रनमात्र बनाउन सक्यो । उसका लागि जर्ज मुनसे र कायल कोट्जरले ७।४ ओभरमा ७० रनको ओपनिङ्ग साझेदारी गरेका थिए । मुनसेले २५ बलमा ४६ रन र कोट्जरले ३६ बलमा ३८ रन बनाए ।

१११ रन्को स्कोरमा दुवै ओपनर पेभिलियन फ़र्किएपछि ठुलो साझेदारी बन्न सकेन । दोश्रो विकेट गुमेपछि आएका कलुम म्याकलोएड ३१ बलमा ४४ रन बनाउंदै १६२ रनको स्कोरमा आउट भए ।

सिंगापुरका विजयकुमारले ३ विकेट लिंदा १६ रन खर्चिए । त्यस्तै सिद्धान्त सिंह र अमजद महबुबले समान २/२ विकेट लिए ।

यसअघि टस हारेर पहिले ब्याटिंग गरेको सिंगापुरले ६ विकेट गुमाएर १६८ रन बनाएको थियो । उसका सुरेन्द्रन चन्द्रमोहनले ५५ बलमा ५१ रन बनाए । यस्तै अरित्र दत्तले १५ बलमा ३२ रन, मनप्रित सिंहले २६ बलमा २६ रन र जनक प्रकाशले ११ बलमा २० रन बनाए । नविन परमले ७ बलमा १३ रन र सिद्द्हत सिंह १ रनमा अविजित रहे ।

स्कटल्याण्डका जोश डेभी र शफ्यान शरिफले समान २/२ विकेट लिए ।





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]