कर्पोरेट सुपर सिक्स सुरु : सिप्रदीको दोहोरो जित, सेन्चुरीसंग सिभिल पराजित



  • विकेटनेपाल, मङ्सिर १० 

पाँचौ संस्करणको सेन्चुरी बैंक कर्पोरेट सुपर सिक्स प्रतियोगिता सोमबार देखि राजधानीमा सुरु भएको छ। एसएस इभेन्ट्सको आयोजनामा त्रिभुवन बिश्वबिद्यालय किर्तिपुर मैदानमा सुरु भएको खेलको सेन्चुरी बैंकका अध्यक्ष राजेश कुमार श्रेष्ठले ब्याटिंग र बैंककै ब्रान्ड एम्बासडर प्रतिभा मालीले बलिङ्ग गर्दै उद्घाटन गर्नु भएको थियो।

प्रतियोगिताको पहिलो दिन सम्पन्न खेलहरुमा सेन्चुरी बैंक, सुबिसु, सिप्रदी, सनराइज बैंक, नबिल बैंक, अन्नपूर्ण मिडियाले जित दर्ता गरेका छन्।

पहिलो खेल: सिभिल बैंक Vs सेन्चुरी बैंक

आज भएको पहिलो खेलमा सेन्चुरी बैंकले २४ रनको जित दर्ता गर्यो। टस हारेर पहिले ब्याटिंग गरेको सेन्चुरी बैंकले म्यान अफ द म्याच दिवेश डंगोलको अविजित ३४ रन, राजन खड्गीको अविजित १५ रन र सुरज तिमिल्सिनाको अविजित १४ रनको मद्दतमा ६७ रन बनाएको थियो।जवाफमा लक्ष्य पछ्याएको सिभिल बैंकले भोला बिस्टको अविजित २५ रनको मद्दतका बाबजुत ५ ओभरको समाप्तीमा २ विकेट गुमाएर ४३ रन बनाउन सक्यो।

दोश्रो खेल: ओम देव बैंक Vs सुर्य नेपाल

दोश्रो खेलमा सुर्य नेपालले ८ रनको जित निकाल्यो। सुर्य नेपालको जितमा ब्याटिंगतर्फ बिकास शर्माले अविजित ३५ रन र अमित पाठकले अविजित ११ रन बनाएपछि टिमले ५ ओभरमा २ विकेटको क्षतिमा ७२ रन बनाएको थियो। त्यस्तै बलिंगतर्फ ओमदेव बैंकलाई ६४/२ को स्कोरमा रोक्न म्यान अफ द म्याच घोषित बिकास शर्माले ७ रनमा २ विकेट लिए।ओमदेव बैंकका बिनय भण्डारीको अविजित ३१ रन र १ विकेटको अलराउण्ड प्रदर्शन पर्याप्त हुन सकेन।

तेस्रो खेल: सुबिसु Vs ई-सेवा

तेस्रो खेलमा सुबिसुले ६ विकेटको जित निकाल्यो। उसले ई-सेवाले दिएको ५२ रनको लक्ष्य विकेट नगुमाई ३.१ ओभरमा पुरा गर्यो। सुबिसुको जितमा म्यान अफ द म्याच घोषित रोजन प्रधानले अविजित ३४ रन र दमन चन्दले अविजित १९ रनको पारि खेले। बलिंगतर्फ ई-सेवालाई ५१/२ को योगफलमा रोक्न  हिमाल चन्दले मेडन विकेट ओभर गरे भने गणेश बिस्टले ८ रन खर्चेर १ विकेट लिए। ई-सेवाका प्रज्वल श्रेष्ठले अविजित १७ रन र रुपेश न्यौपानेले अविजित १४ रन बनाए।

चौथो खेल: सिप्रदी Vs कुमारी बैंक

चौथो खेलमा सिप्रदीले कुमारी बैंकलाई ६ रनको अन्तरले पराजित गर्यो। सिप्रदीको जितमा ब्याटिंगतर्फ चिरन थापाले अविजित १६ रन बिकास सिंहले अविजित १० रन बनाएपछि टिमले ५ ओभरमा ३ विकेट गुमाएर ६२ रन बनाएको थियो। बलिंगतर्फ कुमारी बैंकलाई सस्तैमा समेट्न सैलेन्द्र नेपाली, जनक वाग्ले, म्यान अद द म्याच घोषित चिरन थापा र दिपेश श्रेष्ठले १/१ विकेट हात पारे। कुमारी बैंकले ५ ओभरमा ४ विकेट गुमाएर ५६ रन बनाएको थियो। उसका सन्तोष महतोले अविजित १८ रन र सर्बग्य थापाले १० रन बनाएका थिए।

पाचौँ खेल: सनराईज बैंक Vs टाइगर बियर

पाँचौ खेलमा सनराइज बैंकले टाइगर बियरलाई ६ विकेटले पराजित गर्यो। पहिले ब्याटिंग गर्दै टाइगरले दिएको ५० रनको लक्ष्य सनराइजले २.४ ओभरमा विकेट नगुमाई पुरा गर्यो। सनराइजको लागि म्यान अफ द म्याच चुनीएका सृजन सुबेदीले अविजित ३१ रन बनाउनुको साथै १ विकेट समेत लिए।

छैठौं खेल : ओम डेभलपमेन्ट बैंक Vs नबिल बैंक 

छैठौं खेलमा नबिल बैंक ४४ रनले विजयी भयो। पहिले ब्याटिंग गर्दै नबिलले दिएको १०९ रनको लक्ष्य पछ्याउने क्रममा ओमले मात्र ६२ रन बनाउन सक्यो। नबिलको लागि म्यान अफ द म्याच चुनिएका गोपाल श्रेष्ठले २ विकेट लिए भने ब्याटिंगमा बिनोद दाहालले ३६ र अमित पोखरेलले ३५ रन बनाए।

सातौँ खेल : ईसेवा Vs अन्नपूर्ण मिडिया ग्रुप 

खेलमा अन्नपूर्ण मिडिया ग्रुप ३५ रनले विजयी भयो। पहिले ब्याटिंग गरेको अन्नपूर्णले दिएको ७९ रनको लक्ष्य पछ्याउने क्रममा ईसेवाले ४३ रन मात्रै बनाउन सक्यो। अन्नपूर्णको लागि म्यान अफ द म्याच चुनिएका बसन्त खत्रीले ३५ रन तथा बिभु श्रेष्ठले ३३ रन योगदान दिए।

आठौँ खेल : सिप्रदी Vs एनएमबि 

खेलमा सिप्रदी ४ विकेटले विजयी भयो। पहिले ब्याटिंग गर्दै एनएमबिले दिएको ६७ रनको लक्ष्य सिप्रदीले ४.१ ओभरमा पुरा गर्यो। सिप्रदीको लागि म्यान अफ म्याच चुनिएका दिपेश श्रेष्ठले २३ रन बनाए।

 





थप समाचार

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]