विश्वकप छनोट एसिया : नेपालको पहिलो जितमा सिताको अलराउण्ड प्रदर्शन



भुटानलाई सहजै ८ विकेटले पराजित गर्दै नेपालले युएईमा जारि आईसीसी महिला टि-ट्वान्टी विश्वकप एसिया छनोटमा पहिलो जित दर्ता गरेको छ। पहिलो खेलमा नेपाल हंगकंगसंग ६ विकेटले पराजित भएको थियो।

आईसीसी एकेडेमी २ मैदानमा सम्पन्न खेलमा भुटानले दिएको ६२ रनको लक्ष्य नेपालले ८.३ ओभरमा २ विकेट मात्र गुमाएर भेटायो। लक्ष्य पछ्याउने क्रममा सिता राना मगर र इन्दु बर्माले ३७ रनको ओपनिंग साझेदारी गरे। पाँचौ ओभरमा सिता १७ रन बनाएर आउट भएपछि इन्दु र रुबिना क्षेत्रीले १९ रन जोडे। नवौं ओभरमा रुबिना १० रन बनाएर आउट भईन्। त्यसपछि इन्दुले अविजित १८ तथा कविता जोशीले अविजित ८ रन बनाउदै नेपाललाई जितसम्म पुर्याए। स्कोरकार्ड 

यस अघि टस जितेर ब्याटिंग गरेको भुटानले २० ओभरमा ६ विकेट क्षेतीमा ६१ रन बनाएको थियो। भुटानको लागि ओपनर नगावांग छोडेनले १३ तथा सोनाम पाल्डोनले ११ रन बनाउनु बाहेक अन्य ब्याटरले दोहोरो अंकमा रन बनाउन सकेनन्।

पहिलो विकेटको लागि छोडेन र पाल्डोनले ३० रनको साझेदारी गरेका थिए। सातौँ ओभरमा पाल्डोनलाई सिता राना मगरले पेभेलियन फर्काएपछि भुटानले लगातार विकेट गुमाउन पुग्यो। फलस्वरुप ३०/० को अवास्थबाट भुटानले थप ३१ रन जोड्दा सम्पूर्ण विकेट गुमाउन पुग्यो।

नेपालको बलिंगमा देब्रे हाते स्पिनर सिता राना मगरले ३ विकेट ( ४-०-१०-३ ) तथा करुना भण्डारीले १ विकेट ( ४-१-६-१ ) हात पारिन्। २ भुटानी ब्याटर रन आउट भए। नेपालले अतिरिक्तको रुपमा ११ रन खर्चियो।

नेपालले प्रतियोगिताको तेश्रो खेल कुवेतसंग नोभेम्बर २५ तारिखमा खेल्ने तालिका छ। खेल ११:१५ बजे बिहान सुरु हुनेछ।

सन् २०२३ को फेब्रुअरीमा दक्षिण अफ्रीकामा आयोजना हुने महिला विश्वकप टि-ट्वान्टी विश्वकपको छनोट अन्तर्गत नेपालले पहिलो खुड्किलोको रुपमा एसिया छनोट खेलीरहेको हो। प्रतियोगितामा नेपाल सहित आयोजक युएई, भुटान, हंगकंग, मलेसिया र कुवेत गरि ६ टोलि सहभागी छन्। सहभागी ६ टिमले एकअर्का संग एक/एक खेलमा प्रतिस्पर्धा गरेपछि उत्कृस्ट हुने एउटा टिम आगामी वर्ष आयोजना हुने ग्लोबल छनोट प्रतियोगितामा छनोट हुनेछ।





थप समाचार

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]

रोहित राष्ट्रिय टिमको उपकप्तान

रास्ट्रिय क्रिकेट टिमका माथिल्लो क्रमका युवा ब्याट्सम्यान रोहित पौडेल नेपाली राष्ट्रिय क्रिकेट टिमको उपकप्तान नियुक्त भएका छन्। नेपाल क्रिकेट संघले […]

लगातार तेश्रो हार पछि युगान्डालाई सिरिज

लगातार तेस्रो हारसँगै नेपाली राष्ट्रिय महिला टोलीले युगान्डाविरुद्धको टी–२० अन्तर्राष्ट्रिय सिरिज गुमाएको छ । पाँच खेलको सिरिजमा पाहुना टोली युगान्डा […]