सिताले अल-राउण्ड प्रदर्शन गर्दा एपीएफलाई प्रधानमन्त्री कप टि-२० को उपाधि



शशस्त्र प्रहरी बल ( एपीएफ ) प्रधानमन्त्री कप महिला टि-२० प्रतियोगिताको विजेता बनेको छ। एपीएफले फाइनलमा सुदुर पश्चिम प्रदेशलाई ६ विकेटले पराजित गर्यो।

राष्ट्रिय खेलकुद परिषदले आयोजना गरेको प्रतियोगिताको उपाधि सहित एपीएफले ५ लाख रुपैयाँ तथा उपविजेता सुदुरपश्चिम प्रदेशले ३ लाख हात पार्यो।

कंचनपुरको महेन्द्रनगर स्थित कभर्ड हल मैदानमा सम्पन्न खेलमा टस हारेर ब्याटिंग गरेको सुदुरपश्चिमले २० ओभरमा ९ विकेट गुमाएर ७१ रनको योगफल तयार गरेको थियो। ७२ रनको लक्ष्य एपीएफले १५ ओभरमा ४ विकेट गुमाएर भेटायो।

लक्ष्य पछ्याउने क्रममा एपीएफको लागि इन्दु बर्माले अविजित २२ रन बनाए जुन क्रममा १८ बलमा ४ चौका हात पारे। सित राना मगरले १८ तथा ज्योति पाण्डेले १७ रन बनाए।

ज्योति र सिताले पहिलो विकेटको लागि ४३ रनको साझेदारी गर्दै जितको आधार तयार गरेका थिए। ज्योति र सिता दशौँ ओभरमा आउट हुँदा एपीएफले सरीता मगर ( २ रन ) तथा ममता चौधरी ( ३ रन ) लाई लगातार गुमाएको थियो।

इन्दु बर्माले अविजित इनिंग खेल्दै टिमलाई जितसम्म पुर्याए। सोनु खड्काले अविजित ३ रन बनाइन्।

सुदुरपश्चिमको बलिंगमा जानकी भट्टले २ विकेट ( ४-०-१७-२ ) हात पारिन्।

Sita Rana Magar

यस अघि सुदुरपश्चिमलाई ७१ रनमा सिमित गर्न एपीएफ बलर करुना भण्डारी ( ३-०-९-३ ) र सिता राना मगर ( २-०-५-३ ) ले ३/३ विकेट तथा सोनु खड्का ( ३-१-१०-१ ) र रेखा रावल ( ३-०-५-१ ) ले १/१ विकेट हात पारे।

सुदुरपश्चिमको लागि रुबी पोदरले सर्वाधिक २४ तथा कविता कुँवरले २२ रन बनाए। अन्य कुनै पनि ब्याट्सम्यानले दोहोरो अंकमा रन बनाउन सकेनन्। रुबी र कविताले चौथो विकेटको लागि ४४ रनको साझेदारी गरे पनि त्यस अघि र पछि कसैले राम्रो साझेदारी गर्न सकेनन्।

खेलको प्लेयर अफ द म्याच सिता राना मगर चुनिइन्। स्कोरकार्ड हेर्नुस 

यस अघि पहिलोसेमीफाइनल वर्षाले रद्द हुँदा सुदुरपश्चिम समुह चरणको प्रदर्शनको आधारमा फाइनल प्रवेश गरेको थियो। यस्तै एपीएफले भने प्रदेश-१ लाई दोश्रो सेमीफाइनलमा ५ रनले ( डीएल ) पराजित गरेको थियो।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]