सिताको अलराउण्ड प्रदर्शनमा नेपालको पहिलो जित

Nepal Womens Cricket Team


  • विकेटनेपाल, मङ्सिर ८ – शुक्रबार 

थाईल्याण्डमा जारि आईसीसी महिला टि-२० बिश्वकप छनौट ( एसिया ) प्रतियोगिता अन्तर्गत नेपालले आफ्नो चौथो खेलमा मलेसियालाई ३३ रनले पराजित गर्दै पहिलो जित दर्ता गरेको छ।

स्कोरकार्ड, अंकतालिका , खेल तालिका 

४ खेल खेलेको नेपालको पहिलो २ खेल वर्षाको कारण नतिजाबिहिन टुंगिएको थियो भने तेश्रो खेलमा युएईसंग ५ रनले पराजित हुन पुगेको थियो। मलेसियासंगको जितपछि अंकतालिकामा नेपाल पाँचौबाट चौथो स्थानमा उक्लेको छ। अब नेपालले आफ्नो अन्तिम खेलमा २६ नोभेम्बर आइतबार चिनसंग खेल्नेछ।

अंकतालिकाको शिर्ष स्थान २ स्थानमा रहँदै फाइनल पुग्ने २ टिम नेदरल्याण्डमा २०१८ मा आयोजना हुने टि-२० बिश्वकप छनौट ग्लोबल क्वालिफायरमा खेल्न पाउने हुनाले नेपालको छनौट हुने सम्भावना लगभग सकिएको छ। शिर्ष स्थानमा रहेको थाईल्याण्डले ४ मध्ये ३ खेलमा जित हातपार्दै ७ अंक बटुलीसकेको छ।

अघिल्लो खेलमा युएईसंग ५ रन अन्तरको हार नबेहोरेको भए नेपालको सम्भावना बलियो रहन्थ्यो। इतिहासमै पहिलो पटक युएईसंगको हार तथा पहिलो २ खेल वर्षाले अबरुद्ध हुनु पनि नेपालको लागि दुर्भाग्य साबित हुनपुग्यो।

एसियन इन्स्टिच्युट मैदान ब्यांगककमा टस हारेको नेपालले ब्याटिंग गर्दै उत्कृस्ट सुरुवात गर्यो। ओपनर सिता राना मगर र ज्योति पाण्डेले पहिलो विकेटको लागि ६६ रन जोडे।

सिता १३ औं ओभरमा व्यक्तिगत ३७ रन बनाएर आउट भईन् जुन क्रममा उनले ३ चौका प्रहार गरिन्। त्यसपछि ज्योति पाण्डेलाई पनि २१ रनमा गुमाएको नेपालले लगातार विकेट गुमाएको थियो। नेरी थापा ५ , काजल श्रेष्ठ १४, ऋतु कनौजिया १ तथा रोमा थापालाई ६ रनमा पेभेलियन फर्किए। इन्दु बर्मा ६ तथा रुबिना क्षेत्री २ रनमा अविजित रहंदा नेपालले राम्रो सुरुवातका बाबजुत पहिलो इनिंगमा ६ विकेट गुमाई १०८ रन मात्र बनाउन सकेको थियो।

Jyoti Pandey
ज्योति पाण्डे ( फाइल फोटो )

मलेसिया बलर नुर नत्स्या र जन्नादिया हलिमले २/२ विकेट हात पारिन्।

दोश्रो इनिंगमा मलेसियाले कुनै पनि बेला प्रतिस्पर्धात्मक खेल देखाउन सकेन र पुरै ओभर ब्याटिंग गर्दै ७ विकेट गुमेर ७५ रन मात्रै बनाउन सक्यो।ओपनर इमिलिया इलानीले सर्बाधिक २४ रन बनाउने क्रममा ३ चौका प्रहार गरिन भने अन्त्यमा जायानी स्यामिमीले अविजित १६ रन स्कोर गरेपनि नेपाली बलिंग सामु खुलेर मलेसियाले ब्याटिंग गर्न सकेन।

सिता राना मगर प्लेयर अफ द म्याच घोषित भइन्

नेपालको लागि अफ स्पिनर करुना भण्डारीले सर्बाधिक ३ विकेट हात पार्दा ४ ओभरमा १ मेडन ओभर सहित मात्र १४ रन खर्चिन्। यस्तै सोनु खड्का, सिता मगर, नेरी थापा र ऋतु कनौजियाले पनि १/१ विकेट आफ्नो नाम गरे।

खेलको प्लेयर अफ द म्याच सिता राना मगर घोषित भईन्।

स्कोरकार्ड, अंकतालिका , खेल तालिका 

फोटोहरु – फाइल , थाईल्याण्ड क्रिकेट एसोसिएसन

 





थप समाचार

नेपालको विश्वकप ग्लोबल छनोट खेल्ने सम्भावना समाप्त, युएई छनोट

‘गर या मर’ को खेलमा युएईसंग ४८ रनले पराजित हुँदै नेपाली महिला क्रिकेट टिमको आगामी वर्ष टि-ट्वान्टी विश्वकप ग्लोबल छनोट […]

विश्वकप एसिया छनोट : नेपाललाई ‘गर या मर’को अवस्था

युएईमा जारि आईसीसी महिला टि-ट्वान्टी विश्वकप एसिया क्षेत्र छनोट प्रतीयोगीता अन्तर्गत आज आफ्नो-आफ्नो अन्तिम खेलमा नेपाल र आयोजक युएई प्रतिस्पर्धा […]

एपीएफलाई ३ विकेटले हराउदै आर्मीलाई उपाधि

शशस्त्र प्रहरी बल ( एपीएफ ) लाई ३ विकेटले पराजित गर्दै नेपाल आर्मी क्लबले बारा जिल्लामा आयोजित हरपुर क्रिकेट च्याम्पियन […]

ICC WCL 2 : रोमान्चक खेलमा ओमानद्वारा नामिबिया ९ रनले पराजित

आईसीसी विश्वकप लिग-२ अन्तर्गत नामिबियामा सुरु भएको आयोजक नामिबिया, ओमान र युएई बीचको त्रिकोणात्मक एकदिवसीय अन्तर्राष्ट्रिय सिरिजको पहिलो खेलमा ओमानले […]

बागमतीलाई हराउँदै लुम्बिनीको तेस्रो जित

काठमाडौँमा जारि एकदिवसीय अन्डर-१९ राष्ट्रिय प्रतियोगिता अन्तर्गत मुलपानीमा भएको खेलमा बागमतीलाई ३ विकेटले हराउँदै लुम्बिनीले तेस्रो जित दर्ता गरेको छ […]

U19 National : कर्णाली बिरुद्ध गण्डकीको संघर्षपूर्ण जित

कर्णाली प्रदेशलाई ३ विकेटले पराजित गर्दै गण्डकी प्रदेशले अन्डर-१९ राष्ट्रिय प्रतियोगितामा तेश्रो खेल खेल्दा पहिलो जित दर्ता गरेको छ। गण्डकी […]