सितालाई हंगकंगमा खेल्ने अवसर



राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। क्रिकेटको माध्यमबाट लैंगिक समानता र महिलालाई समाजको मुलधारमा ल्याउने उदेश्यका साथ यस प्रतियोगिताको आयोजना हुँदैछ ।

सिताले हंगकंगमा खेल्ने यो अन्तर्राष्ट्रिय क्रिकेट (आईसीसी) बाट मान्यता प्राप्त महिला टी-२० क्रिकेट प्रतियोगिता हो । प्रतियोगिता सन् २०२२ को मे १ देखि १५ सम्म हुनेछ जसमा प्रतियोगितामा विभिन्न ६ टोली समावेश हुनेछन्। यद्यपि सीताले कुन टोलीबाट प्रतिनिधित्व गर्छिन् भन्ने खुलाइएको छैन।

प्रतियोगितामा बिभिन्न देशका खेलाडीहरु फरक टिममा समाबेश गरिनेछन्। नेपाल लगायत हंगकंग, भुटान, क्यानडा, मलेसिया, जर्मनी, चिन, ओमान, ब्राजिल, अमेरिका जस्ता देशहरुको महिला क्रिकेटरलाई समेत सहभागी गराइदै छ। यस्तै टेस्ट राष्ट्र भारत, वेस्टइन्डिज,अस्ट्रेलिया, आयरल्याण्ड, न्युजिल्यान्डका महिला क्रिकेटरहरु समेत बिभिन्न टिममा हुनेछन्। चर्चित भारतीय क्रिकेटर हर्मनप्रित सिंह समेत प्रतियोगितामा कुनै एउटा टिमको कप्तान हुने छिन्।

क्विन्स इभेन्ट मेनेजमेन्टले नेपाली राष्ट्रिय महिला क्रिकेट टोलीकी उप–कप्तान समेत रहेकी रानामगरले हङगङगमा हुने प्रतियोगिता खेल्ने जानकारी गराएको हो। क्विन्स इभेन्ट मेनेजमेन्टले राना मगरलाई एजेन्सी सेवा प्रदान गर्नेछ।

सन् २००७ मा नेपालको पहिलो अन्तर्राष्ट्रिय सहभागिता देखी राष्ट्रिय टिमको महत्वपूर्ण सदस्य रहँदै आएकी सिताले नेपालको लागि २१ वटा टि-ट्वान्टी अन्तर्राष्ट्रिय खेलेकी छिन्। उनले त्यस क्रममा २७.४३ को औशतले ४३९ रन बनाउनुको साथै २१ विकेट समेत लिएकी छिन्। बायाँ हाते ओपनिंग ब्याट्सम्यान तथा स्पिनर नेपालको महिला टि-ट्वान्टी अन्तर्राष्ट्रियको सर्वाधिक रनकर्ता र विकेटकर्ता समेत हुन्। यस्तै उनले गत महिना कतार बिरुद्ध बनाएको अविजित ८२ रन नेपाली महिला क्रिकेटरको व्यक्तिगत सर्वाधिक रन समेत हो।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]