टोर्नाडोजको जितमा सिताको ब्याटिंग योगदान



युएईमा जारि फेयरब्रेक आमन्त्रण प्रतियोगितामा सहभागी नेपाली राष्ट्रिय क्रिकेटर सिता राना मगरले पाँचौ खेल खेल्ने क्रममा राम्रो प्रदर्शन गरेकी छिन्।

आफ्नो टिम टोर्नाडोज वोमनलाई जित दिलाउने क्रममा सिताले बलिंगमा विकेटविहिन रहेता पनि ब्याटिंगमा अविजित १८ रन बनाएकी हुन्।

खेलमा फाल्कन्सले दिएको १३९ रनको लक्ष्य टोर्नाडोजले १९.२ ओभरमा ३ विकेट क्षतिमा भेटायो। तेश्रो नम्बरमा ब्याटिंग गरेकी सिताले २५ बलमा १ चौका प्रहार गर्दै अविजित १८ रन बनाईन्। ओपनर सोफी डिभाईन र स्टेरि कालिसले ९० रनको साझेदारी गरेपछि सिताले एक किनार सम्हाल्दै टिमलाई जितसम्म डोर्याउन सकिन्। सिताले मारिको हिललाई चौका प्रहार गर्दै विजयी रन समेत प्रहार गरिन्।

बलिंगमा विकेटविहिन रहेकी देब्रे हाते स्पिनर सिताले ३ ओभरमा १९ रन खर्चिन्।

प्रतियोगितामा ५ खेल खेल्दा सिताले ब्याटबाट दुई इनिंग्समा २२ रन बनाएकी छिन् भने बलिंगमा सबै ५ खेलमा बलिंग गर्ने अवसर पाउँदा ३ विकेट लिएकी छिन्।

प्रतियोगितामा बार्मी आर्मी वोमनबाट  सहभागी महिला राष्ट्रिय टिमकी कप्तान रुबिना क्षेत्रीले भने दुई खेलमा मात्र मौका पाएकी छिन्। त्यसक्रममा एउटा खेलमा मात्र बलिंग गर्ने अवसर पाएकी छिन् ब्याटिंग ब्याटिंगमा अवसर पाएकी छैनन्। रुबिनाले सफायर्ससंगको खेलमा २ ओभर बलिंग गर्दा २० रन खर्चेर विकेटविहिन रहेकी थिईन्।





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]