रोमान्चक खेलमा भारतलाई हराउदै श्रीलंका च्याम्पियन



  • विकेटनेपाल, पुष १ , आइतबार 

अत्यन्त रोमान्चक खेलमा भारतलाई ३ रनले पराजित गर्दै श्रीलंकाले एसीसी इमर्जिङ्ग टिम्स कप प्रतियोगिताको उपाधि जितेको छ।

प्रतियोगिताको सेमीफाइनलमा श्रीलंकाले बंगलादेशलाई तथा भारतले पाकिस्तानलाई पराजित गर्दै फाइनल प्रवेश गरेको थियो।

रोमान्चक भयो फाइनल 

टस जितेर ब्याटिंग गर्दै श्रीलंकाले ५० ओभरमा ७ विकेट गुमाएर २७० रनको योगफल तयार गरेको थियो। जवाफमा भारतले ५० ओभर ब्याटिंग गरे पनि ९ विकेट गुमाएर २६७ रन बनाउन सक्दा खेल ३ रनको झिनो अन्तरले गुमाउन पुग्यो।

अत्यन्त खराब सुरुवात गरेको भारतले लक्ष्य पछ्याउने क्रममा पहिलो ६ विकेट १२७ रनमै गुमाईसकेको थियो जसपछि कप्तान जयन्त यादब र स्याम्स मुलानीले शतकीय साझेदारी गर्दै टिमलाई जित दिलाउने बाटोमा लागेका थिए।

अन्तिम ४ ओभरमा भारतलाई जितको लागी ३७ रन आवस्यक थियो भने हातमा ४ विकेट सुरक्षित थियो। क्रिजमा कप्तान जयन्त यादब ७४ रनमा तथा श्याम्स मुलानी ४६ रन बनाएर अविजित थिए। जित भारतको पक्ष्य तिर जाँदै गर्दा खेलले नाटकीय मोड लियो।

तिब्र गति बलर असेला गुनारत्नेले गरेको ४७ औं ओभरमा ७२ रन बनाएका कप्तान यादब क्याच आउट भए भने लगत्तै बलमा ४७ रन बनाएर मुलानी पनि आउट हुन पुगे। त्यसै ओभरमा नयाँ ब्याट्सम्यान अंकित राजपुतलाई पनि गुनारत्नेले क्याच आउट गराऊदा भारत १७ ओभर सम्पतिमा २३४/६ बाट २३९/९ को अवस्थामा पुग्यो।

भारतलाई अब जितको लागि अन्तिम ३ ओभरमा ३२ रन आवस्यक थियो र साथमा १ विकेट। ब्याटिंगमा अन्तिम जोडीको रुपमा मायाँक मारकन्डे र अतित सेठ थिए।

रोमान्चक अन्तिम ओभर 

अन्तिम जोडीले ४८ औं ओभरमा १० रन बनाएपछि २ ओभरमा जित्न २२ रन आवस्यक थियो। ४९ औं ओभरमा लासिथ एम्बुल्देनियाले किफायती बलिङ्ग गर्दै मात्र २ रन दिए पछि अन्तिम ओभरमा जित्न २० रन आवस्यक भयो।

अन्तिम ओभर श्रीलंका राष्ट्रिय क्रिकेटर समेत रहेका कामिन्दु मेन्डीसले गरे। मेन्डीसको ओभरको दोश्रो बलमा सेठले छक्का प्रहार गरे पछि ४ बलमा जित्न १४ रन आवस्यक भयो। पुनः ओभरको चौथो बलमा सेठले छक्का हिर्काए। अब बाँकी २ बल थियो जितको लागि ८ रन। पाँचौ बलमा सेठले २ रन लिन सकेपछि अन्तिम बलमा जित्न ६ रन आवस्यक थियो।

अन्तिम बलमा सेठ छक्का प्रहार गर्न असफल रहे र २ रन मात्र लिन सक्दा खेल ३ रनले श्रीलंका जित्न सफल भयो।

श्रीलंकाको ब्याटिंग 

श्रीलंकाले पहिले ब्याटिंग गर्दै ५० ओभरमा ७ विकेट गुमाएर २७० रन बनाएको थियो। इनिंगमा कमिन्दु मेन्डीसले सर्वाधिक ६१ रन तथा हसिथा बोयागोडाले ५४ रनको योगदान दिएका थिए। मेन्डीसनै खेलको प्लेयर अफ द म्याच चुनिए।

अगस्ट सेप्टेम्बरमा भएको एसिया कप छनौट प्रतियोगितामा खराब प्रदर्शन गर्दै चौथो स्थान हात पारेपछि नेपाल इमर्जिङ्ग टिम्स कप खेल्न पाएन। पहिलो भएको हंगकंग , दोश्रो भएको युएई र तेश्रो भएको ओमानले प्रतियोगितामा मौका पाएका थिए।

( फोटो – एसीसी )





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]