U19 Asia Cup : राम्रो ब्याटिंगका बाबजुद श्रीलंकासंग नेपाल पराजित



राम्रो ब्याटिंगका बाबजुद श्रीलंकासंग ६० रनले पराजित हुँदै नेपाली अन्डर-१९ टिम युएईमा जारि यु-१९ एसिया कपको पहिलो चरणबाट बाहिर भएको छ। बंगलादेश र श्रीलंका समुह ‘बि’ बाट सेमीफाइनल पुग्दा नेपाल र कुवेत बाहिर भयो।

शारजाह क्रिकेट स्टेडियममा सम्पन्न खेलमा श्रीलंकाले दिएको ३२३ रनको लक्ष्य पछ्याएको नेपालले ४७.५ ओभरमा २६२ रनमा सम्पूर्ण विकेट गुमाउन पुग्यो।

लक्ष्य पछ्याउने क्रममा ओपनर सन्तोष कार्की र देव खनालले ५९ रनको साझेदारी गरे। एघारौं ओभरमा सन्तोश आउट भएपछि नेपालले लगातार अन्तरलमा विकेट गुमायो। रभीन डी सिल्भाले देव खनाल, बसन्त कार्की र बिबेक राना मगरलाई पेभेलियन फर्काए। ९२/४ को अवस्थाबाट अर्जुन साउदले बसिर एहमदसंग ७५ रनको साझेदारी गरे। ३७ औं बसिर आउट भएपछि बिबेक यादवले आक्रामक ब्याटिंग गरे। यादवले आक्रामक ब्याटिंग गरेता पनि अर्को किनारमा विकेट जाने क्रम रोकिएन। ४७ औं ओभरमा यादव रन आउट हुन पुगे।

नेपालको ब्याटिंगमा अर्जुन साउदले सर्वाधिक ६४ रन बनाए जुन क्रममा ८० बलमा ३ चौका र २ छक्का प्रहार गरे। यस्तै विवेक यादवले २९ बलमा ३ चौका र ३ छक्का मद्दतले ४६ रन तथा बसिर एहमदले ५१ बलमा ३ चौका र २ छक्का मद्दतले ४३ रन बनाए। सन्तोश कार्कीले ३४ तथा देव खनालले २८ रन बनाए। श्रीलंकाको बलिंगमा रभीन डी सिल्भा र मथिसा पाथीरानाले समान तिन विकेट लिए।

यस अघि टस जितेर ब्याटिंग गरेको श्रीलंकाले निर्धारित ५० ओभरमा ४ विकेट क्षेतीमा ३२२ रन बनाएको थियो।

श्रीलंकाको ब्याटिंगमा ओपनर चमिदु विक्रमासिंगे र सदिशा राजापक्षले शतकीय योगदान दिए। राजापक्षले ११९ बलमा ११ चौका र २ छक्का मद्दतले १३१ रन तथा विक्रमासिंगेले १२६ बलमा ८ चौका र २ छक्का मद्दतले १११ रन बनाए । दोश्रो विकेटको लागि राजापक्ष र विक्रमासिंगेले २२३ रनको साझेदारी गरे। दुनिथ नेथामिकाले ३४ तथा शेभोन ड्यानियलले १७ रन योगदान दिए।

नेपालको बलिंगमा आदील अन्सारीले २ ( ९-०-४६-२ ) , देभ खनाल ( ९-१-५५-१ ) र बिबेक यादवले ( ७-०-६५-१ ) ले समान एक विकेट लिए।

नेपालले अन्तिम खेल कुवेतसंग डिसेम्बर २८ तारिखमा खेल्नेछ।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]