श्रीलंकाको लज्जास्पद हार, विश्वकपमा एकतर्फी नतिजा आउने क्रम जारि



अन्तर्राष्ट्रिय क्रिकेट परिषद आईसीसीले विश्वकपको खेलहरु एकतर्फी भएको निर्क्योल गर्दै यो पटक देखि विश्वकपमा मात्र १० वटा टिमलाई खेलाउने निर्णय गरेको थियो। तर यो पटक विश्वकपको खेलहरु लगातार एकतर्फी हुँदा आईसीसीको निर्णयको व्यंग्य क्रिकेट फ्यानहरुले गर्न थालेका छन्।

विश्वकपको पहिलो खेलमा इंग्ल्याण्डले दक्षिण अफ्रीकालाई १०४ रनले तथा दोश्रो खेलमा वेस्ट इन्डिजलाई ७ विकेटले एकतर्फी ढंगले पराजित गर्यो। तेश्रो खेलमा पनि नतिजा फरक रहेन र न्युजिल्याण्डले श्रीलंकालाई १० विकेटले पराजित गर्यो।

इंग्ल्याण्ड र वेल्समा जारि २०१९ एक दिवसीय विश्वकप क्रिकेट अन्तर्गत शनिवारको पहिलो खेलमा एसियाली टोली श्रीलंकामाथि न्युजिल्याण्डले फराकिलो जित दर्ता गरेको हो।

कार्डिफ स्थित सोफिया गार्डेन मैदानमा टस जितेर फिल्डिंग गरेको न्युजिल्याण्डले श्रीलंकालाई १३६ रनमा समेट्यो। जवाफमा १३७ रनको लक्ष्य ब्ल्याकक्याप्स टोलीले मात्र १६.१ ओभरमा कुनै विकेट नगुमाई पुरा गर्यो।

न्युजिल्याण्डको जितमा ओपनर मार्टिन गुप्टिलले अविजित ७३ रन तथा कोलिन मुन्रोले अविजित ५८ रन जोडे। मात्र ५१ बल खेलेका गुप्टिलले ८ चौका र २ छक्का सहित ७३ रन जोड्दा ४७ बलमा मुन्रोले ६ चौका र १ छक्का सहित ५८ रन बनाए।

यसअघि टस जितेर बलिंग रोजेको न्युजिल्यान्डले श्रीलंकालाई सस्तैमा समेट्दा खेलको प्लेयर अफ दि म्याच चुनिएका म्याट हेनरीले सानदार बलिंग गरे। आफ्नो ७ ओभरको स्पेलमा हेनरीले मात्र २९ रन दिएर ३ विकेट चट्काए। यस्तै लक्की फर्गुसनले समेत समान ३ विकेट लिए।

श्रीलंकाको ब्याटिंगमा कप्तान दिमुथ करुनारत्नेले अविजित ५२ रन जोड्न बाहेक अन्यको प्रदर्शन खास रहेन। करुनारत्ने संगै कुशल पेरेरा र थिसरा पेरेरा बाहेक अन्य ब्याट्सम्यानले दोहोरो अंकमा रन जोड्न सकेका थिएनन्।

प्रतियोगितामा श्रीलंकाले आफ्नो दोस्रो खेल आउँदो मंगलावर अफगानिस्तान बिरुद्ध खेल्नेछ। यस्तै न्युजिल्याण्डको दोस्रो खेल भने आउँदो बुधवार बंगलादेश बिरुद्ध रहेको छ।





थप समाचार

ज्ञानेन्द्र मल्लले ईपीएल नखेल्ने, यी खेलाडीले गर्नेछन् मल्लको सट्टा कप्तानी

सेप्टेम्बर २५ तारिख देखि सुरु हुने एभरेस्ट प्रिमियर लिग ( ईपीएल ) मा ललितपुर पेट्रिएट्सका कप्तान रहेका राष्ट्रिय क्रिकेट टिमका […]

ईपीएल खेल्न नेपाल आइपुगे अफ्रिदी

विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग ( ईपीएल ) खेल्न नेपाल आइपुगेका छन्। अफ्रिदी ३:३० बजे दिउसो पाकिस्तानबाट […]

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]