२३ रनले चुक्यो वेस्टइन्डिज, पुरनको शतकले दिलाएन जित



एकदिवसीय विश्वकप अन्तर्गत ३९ औं खेलमा श्रीलंकाले वेस्टइन्डिजलाई २३ रनले पराजित गर्दै तेश्रो जित दर्ता गरेको छ। वेस्टइन्डिजले भने छैठौं खेलमा हार बेहोर्यो।

श्रीलंका र वेस्टइन्डिज विश्वकप सेमीफाइनल दौडबाट बाहिरीसकेको छ र यो खेलले नतिजाले अन्य टिमको सेमीफाइनल यात्रामा पनि कुनै असर गर्नेछैन।

जितपछि श्रीलंका १ खेल खेल्न बाँकी रहदा बंगलादेशलाई उछिन्दै अंकतालिकाको छैठौं स्थानमा उक्लेको छ।

श्रीलंकाले दिएको ३३९ रनको लक्ष्य पछ्याउने क्रममा वेस्टइन्डिजले पुरै ५० ओभर ब्याटिंग गरे पनि ९ विकेट गुमाएर ३१५ रन मात्रै बनाउन सक्यो।

पुरनको शतकले दिलाएन जित 

लक्ष्य पछयाउने क्रममा वेस्टइन्डिजको सुरुवात कमजोर रह्यो। ओपनर क्रिस गेल ३५, सुनिल एम्ब्रिस ५, शाई होप ५ , शिमरन हेटमायर २९ रन बनाएर आउट भए।

१८ औं ओभरमा ८४/४ को अवस्थाबाट पाँचौ नम्बरमा आएका निकोलस पुरनले एक किनार सम्हाल्दै वेस्टइन्डिजलाई जितको आशा दिलाए।

पुरनले पाँचौ विकेटको लागि कप्तान जेसन होल्डरसंग ६१ रनको तथा कार्लोस ब्राथवेटसंग ५३ रनको साझेदारी गरे। होल्डर २६ तथा ब्राथवेट ८ रन बनाएर आउट भएपछि ३५ औं ओभरमा १९९/६ पुगेको विन्डीजलाई पुरनले साथ छोडेनन्।

सातौँ विकेटको लागि आठौँ नम्बरमा ब्याटिंग गरेका फाबीयन एलेनसंग पुरनको ८३ रनको साझेदारी भयो जसले सुरुवातमा एकतर्फी जस्तो खेलमा वेस्टइन्डिजको जितको सम्भावना देखायो।

करियरकै पहिलो अर्धशतक बनाएर एलेन ४५ औं ओभरमा रन आउट भए जसले श्रीलंकालाई खेलमा फर्कायो। एलेनले ३२ बलमा ७ चौका र १ छक्का प्रहार गरे।

त्यसपछि पुरनले शतक पुरा गरे र शेल्डन कटरेलसंग साझेदारी गर्दै टिमलाई जिततर्फ अघि बढाए। पुरनको अन्तर्राष्ट्रिय करियरको यो पहिलो शतक हो।

अन्तिम ३ ओभरमा वेस्ट इन्डिजलाई जित्न ३१ रन आवस्यक हुँदा जित अघि देखिरहेको वेस्टइन्डिजलाई ४८ औं ओभरको पहिलो बलमा भने झट्का लाग्यो।

विश्वकपमा पहिलो ओभर बलिंग गरेका एन्जेलो म्याथुजले ओभरको पहिलो बलमै पुरनको विकेट लिए। अफस्टम्प बाहिर ठुलो सट खेल्ने क्रममा उनि विकेटकिपरबाट समातिन पुगे। ११८ रन बनाउने क्रममा उनले १०३ बलमा ११ चौका र ४ छक्का प्रहार गरे।

पुरनको विकेटपछि श्रीलंका खेलमा हावी भयो। वेस्टइन्डिजले पुरै ओभर ब्याटिंग गरे पनि ९ विकेट गुमाएर ३१५ रन मात्रै बनाउन सक्यो।

श्रीलंकाको बलिंगमा लासिथ मालिंगाले सर्वाधिक ३ विकेट ( १०-०-५५-३ ) लिए भने कासुन रजीथा ( १०-०-७६-१ ) , जेफ्री भानडर्सी ( ७-०-५०-१ ) र एन्जेलो म्यथुज ( २-०-६-१ ) ले १/१ विकेट लिए।

अभिस्काको पहिलो शतक 

यस अघि टस हारेर ब्याटिंग गरेको श्रीलंकाले ५० ओभरमा ६ विकेट गुमाएर ३३८ रन बनाएको थियो।

श्रीलंकाको लागि अभिस्का फर्नान्डोले करियरकै पहिलो तथा प्रतियोगितामा श्रीलंकाको लागि पहिलो शतक बनाउने क्रममा सर्वाधिक १०४ रन बनाए। १०३ बलमा उनले ९ चौका र २ छक्का प्रहार गरे। कुशल परेरले ६४, लाहिरु थिरीमानेले ४५, कुशल मेन्डिसले ३९ रन बनाए।

पहिलो विकेटको लागि दिमुथ करुनारत्ने ( ३२ ) र कुशल परेराले ९३ रनको साझेदारी गर्दै श्रीलंकालाई राम्रो सुरुवात दिलाएका थिए। तेश्रो विकेटको लागि फर्नान्डो र मेन्डिसले १८५ रनको साझेदारी गरे।

वेस्टइन्डिजको बलिंगमा कप्तान जेसन होल्डरले २ ( १०-०-५९-२ ) विकेट लिंदा शेल्डन कटरेल, ओशेन थोमस र फाबियन एलेनले १/१ विकेट लिए।

प्रतियोगितामा श्रीलंकाको यस अघिको नतिजा  

बिरुद्ध दक्षिण अफ्रीका – ९ विकेटले पराजित
बिरुद्ध इंग्ल्याण्ड – २० रनले विजयी
बिरुद्ध अस्ट्रेलिया – ८७ रनले विजयी
बिरुद्ध बंगलादेश – नतिजाविहिन ( वर्षा )
बिरुद्ध पाकिस्तान – नतिजाविहिन ( वर्षा )
बिरुद्ध अफगानिस्तान – ३४ रनले विजयी ( डीएल मेथड )
बिरुद्ध न्युजिल्याण्ड – १० विकेटले पराजित

वेस्टइन्डिजको यस अघिको नतिजा 

बिरुद्ध भारत – १२५ रनले पराजित
बिरुद्ध न्युजिल्याण्ड – ५ रनले पराजित
बिरुद्ध बंगलादेश – ७ विकेटले पराजित
बिरुद्ध इंग्ल्याण्ड – ८ विकेटले पराजित
बिरुद्ध दक्षिण अफ्रीका – नतिजाविहिन
बिरुद्ध अस्ट्रेलिया – १५ रनले पराजित
बिरुद्ध पाकिस्तान – ७ विकेटले विजयी





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]