रोमान्चक खेलमा वेस्ट इन्डिज पराजित, श्रीलंकालाई प्लेटतर्फको उपाधि



  • विकेटनेपाल, माघ १५ – सोमबार

न्युजिल्याण्डमा जारि यु-१९ विश्वकप अन्तर्गत भएको प्लेट च्याम्पियनशिपतर्फको फाइनल खेलमा वेस्ट इन्डिजलाई ३ विकेटले पराजित गर्दै श्रीलंकाले उपाधी जितेको छ ।

आइतबार लिंकोल्नमा भएको फाइनल खेलमा टस हारेर पहिले ब्याटिंग गरेको डिफेन्डिङ च्याम्पियन वेस्ट इन्डिजले ५० ओभरमा ५ विकेट गुमाएर २५४ रनको योगफल तयार पारेको थियो ।

उसका लागि जारि प्रतियोगिताको व्यक्तिगत दोश्रो शतक प्रहार गर्नेक्रममा अलिक अथनाज़ेले अविजित ११० रनको पारि खेले । ११० बलको सामना गर्दा ५ चौका र २  छक्का प्रहार गरे। उनले १५२/५ को स्थितिबाट छैठौ विकेटको लागि ब्राड बर्नेससँग मिलेर अविजित १०२ रनको साझेदारी गरेका थिए । ब्राड बर्नेसले अविजित ३७ रन (३६ बल, ३ चौका) को पारि खेले ।

श्रीलंकाका लागि प्रवीण जयविक्रमा तथा निपुण मालिंगाले समान २/२ विकेट लिए ।

 

श्रीलंकाको कठिन जित 

२५५ रनको लक्ष्य पछ्याएको श्रीलंकाले मात्र २ बल बाकीं छदा ७ विकेट गुमाएर लक्ष्य पुरा गर्यो ।

श्रीलंकाले पहिलो विकेटको लागि २१८ रनको साझेदारी गरेको थियो । उसका ओपनरद्वय धनन्जय लक्षणले ९८ रन (११९ बल, १२ चौका, १ छक्का) तथा म्यान अफ द म्याच समेत घोषित हसिथा बोयागोडाले ११६ रन (१२४ बल, १७ चौका, १ छक्का) को पारि खेलेका थिए ।

तर वेस्ट इन्डिजका जरीओन होय्टेले दुवै ओपनरलाई आउट गरेपछि, २ जना ब्याट्सम्यान रन आउटको सिकार भए। भास्कर याद्रमले २ विकेट तथा ब्राड बर्नेसले १ विकेट हात पारेपछि श्रीलंकाले ३१ रन जोड्दा ७ विकेट गुमाउन पुगेको थियो। २१८/१ को अवस्थाबाट २४९/७ को स्थितिमा पुगेको लंकालाई हरेन बुद्दीला( ५ रन ) र थिसारू राष्मिकाले ( ४ रन ) जितसम्म पुर्याएका थिए।

 





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]